Fanmi se pwen Santral nan Plan Bondye a
“Fanmi an: Yon Pwoklamasyon pou Mond Lan” deklare ke “maryaj ant yon gason ak yon fi se yon bagay Bondye òdone epi fanmi se pwen santral nan plan Kreyatè a pou destine etènèl pitit Li yo.” (Ensign oswa Lyawona, Nov. 2010, 129).
Pi gwo lajwa nan lavi a, se nan yon fanmi plen lanmou ke nou jwenn yo. Se konsa sa ye malgre tout distraksyon ak pwoblèm lavi yo. Bati fanmi ki solid mande efò. Men efò sa a ka pote lajwa nan lavi sa a epi atravè tout letènite. Menm nan fanmi kote relasyon yo difisil, levanjil Jezikri a kapab ofri lespwa,rekonfò, ak gerizon.
Nan plan bonè Papa nou ki nan Syèl la, yon mari ak yon madanm kapab ansanm pou tout tan. Otorite pou ini fanmi yo ansanm nan rele pouvwa sèlman an. Se menm pouvwa sa a Jezi te bay Apot Li yo pandan ministè Li sou tè a (Matye 16:19). Konsa, nou rele yon maryaj etènèl yon sèlman. Timoun ki fèt oubyen timoun yo adopte nan maryaj ètènèl sa yo ka sele ansanm avèk fanmi yo pou tout tan.
Okontrè avèk maryaj ki dire sèlman “jiskaske lanmò separe nou” an, sèlman tanp yo asire ke lanmò pa p kapab separe moun ki renmen yo. Pou maryaj yo ka kontinye apre lanmò, yo dwe sele nan bon plas la epi avèk bon otorite a. Bon plas la se tanp lan epi bon otorite a se pretriz Bondye a (Doktrin ak Alyans 132:7, 15–19).
Yon mari ak madanm ki sele nan tanp fè alyans sakre avèk Senyè a epi youn avèk lòt. Alyans sa yo asire yo ke relasyon yo ap kontinye apre lavi sa a si yo rete fidèl a tout angajman yo. Yo konnen ke pa genyen anyen, pa menm lanmò, ki ap kapab separe yo. Moun ki marye yo ta dwe konsidere inyon yo a kòm relasyon ki pi presye pou yo sou tè a. Antouka, yon konjwen se sèl moun, apa Senyè a, ke yo kòmande nou pou nou renmen ak tout kè nou (Doktrin ak Alyans 42:22).
Maryaj Etènèl Esansyèl
Prezidan Spencer W. Kimball (1895–1985) te anseye: “Maryaj se petèt desizyon ki pi vital nan tout desizyon epi efè li gen efè ki pi dirab yo, paske li gen rapò non sèlman avèk bonè imedyat nou, men avèk lajwa etènèl tou. Li afekte non sèlman de moun ki konsène yo, men fanmi yo tou, patikilyèman pitit yo ak pitit pitit yo, desann rive nan dènye jenerasyon yo.”(“Enpòtans Maryaj Selès la,” Ensign, Okt. 1979, 3).
Alyans maryaj etènèl la nesesè pou egzaltasyon tou. Egzaltasyon se lavi etènèl— kalite lavi Bondye ap viv la. Li pafè. Li ap viv nan gwo laglwa. Li posede tout konesans, tout pouvwa, ak tout sajès. Li eman, li janti, ak plen mizèrikòd. Li se Pè Selès chak moun ki sou tè a. Nou ka vin menmjan avèk Li yon jou. Sa se egzaltasyon.
Egzaltasyon se pi gran don Papa nou ki nan Syèl la ka bay Pitit Li (Doktrin ak Alyans 14:7). Se rekonpans pou tout moun ki pwove ke yo fidèl a Senyè a. Moun ki fè sa yo ap viv nan pi wo degre nan wayòm selès la.
Senyè a te revele pa lantremiz Joseph Smith:
“Nan laglwa selès la gen twa syèl oubyen degre; Pou jwenn pi wo degre a, yon nonm dwe antre nan lòd sa a ki nan pretriz la [ki vle di nouvo alyans etènèl maryaj la]; san sa li pa kapab jwenn li” (Doktrin ak Alyans 131:1–3).
Pandan n ap onore alyans nou yo, nou kapab gen sètitid ke nou pral avèk moun ki chè pou nou yo pou tout tan. Senyè a te pwomèt:
“Si yon gason marye avèk yon fi nan pawòl mwen, ki se lalwa mwen, epi nan nouvo alyans etènèl la, epi Sentepri pwomès la sele l pou yo, pa lantremiz moun ki chwazi epi m te tabli nan pouvwa ak kle pretriz sa a; …epi si [yo] rete nan alyans mwen an, … tout bagay sèvitè m nan pwomèt yo ap reyalize, nan tan sa a, epi nan tout letènite; epi sa ap totalman valab lè yo pa nan mond lan” (Doktrin ak Alyans 132:19).
Senyè a konnen ke se pa tout pitit Li yo ki ap gen opòtinite pou yo marye nan lavi sa a. Li pwomèt ke tout moun ki aksepte levanjil la epi ki fè efò pou yo kenbe alyans yo ap gen opòtinite pou yo marye epi pou yo gen pitit swa nan lavi sa a oubyen nan sa ki ap vini an.
Tout Jenerasyon yo Konekte
Pwoklamasyon sou fanmi an di “plan bonè diven an pèmèt relasyon familyal yo kontinye jis apre lanmò. Òdonans ak alyans sakre ki disponib nan tanp yo rann posib pou chak moun retounen nan prezans Bondye epi pou fanmi yo ini pou letènite.”
Pouvwa sèlman an etann soti nan paran al nan pitit, atravè tout jenerasyon depi nan kòmansman mond lan. Prezidan Joseph Fielding Smith (1876–1972) te anseye ke timoun ki fèt nan alyans yo—ansanm ak timoun ki sele avèk paran yo nan tanp yo—“gen dwa a benediksyon levanjil ki depase sa timoun ki pa t fèt nan alyans lan gen dwa pou yo resevwa. Yo gendwa resevwa jwenn plis gid, pi bon pwoteksyon, pi bon enspirasyon Lespri Senyè a; epitou lè sa a pa gen okenn pouvwa ki kapab separe yo de paran yo”(Doktrin Sali a, konpilasyon. Bruce R. McConkie [1955], 2:90).
Timoun ki fèt de paran ki te sele nan tanp yo fèt nan alyans lan. Konsa, yo fè pati yon fanmi etènèl, baze sou lafwa yo. Timoun ki pa fèt nan alyans yo kapab vin fè pati yon fanmi etènèl tou, lè paran natirèl yo oswa paran adoptif yo sele youn ak lòt. Ȯdonans sèlman timoun avèk paran yo se sèl nan tanp yo akonpli yo. Pou etann benediksyon sa yo bay tout moun, nou kapab akonpli sèlman pa pwokirasyon pou moun ki mouri yo tou. Nan fason sa a, tout fanmi ap kapab ansanm pou tout tan.
Pwomès ke fanmi nou kapab ansanm apre lanmò a pote plis sans nan lavi nou. Li ankouraje nou pou nou fidèl ak lwayal. Li amelyore ak anrichi relasyon familyal nou. Li ede nou jwenn lajwa ak espwa pandan n ap afwonte pwoblèm lavi yo. Epi, paske nou konnen nou ka ansanm ankò, sa pote rekonfò ak lapè lè n ap fè fas a soufrans oubyen lanmò yon moun ki chè pou nou.
Òdònans sèlman an se pi gwo don Bondye bay pitit Li yo. Li pèmèt nou retounen al viv ansanm avèk Li ak tout moun ki chè pou nou yo pou tout tan. Li ofri nou benediksyon eksepsyonèl nan lavi sa a ak nan lavi apre a. Se yon rapèl konstan ke fanmi yo santral nan plan Bondye a ak pou lajwa nou isit la ak nan letènite. Li pote lapè, lespwa, ak lajwa pou tout moun ki resevwa li ak lafwa.
