Kena luhn God Pa in Fohlohkihn komlac nuh Yohrohl

Nga luhngse ahkahlwemye srui luhk ke pruhe lowos keik ke nga muhtwacacack ke kunohkohn se luhk inge, tuhkuh sel Prestuhn Nelson, in kuhlwacnsap ekihn Mwet Sap se luhn Leum Jisus Kraist. Kom kuh in nuhnkuh luhpan efahl nga puhlakihn, ac pa inge sie pacl mwe lokalok arlac fokoko ac nga acsmaklac ke moul luhk uh. Pwacye, tuhsruhktuh, ma na wowo se in kuhlwacnsuhpuh Mwet Lahngo, ke oacna sie ohiyac, ac wi kowos in akacsruhi ke pweng wo Lal ke wosasuc luhn finsrak.

Yohk liki na, fwack muh Mwet Sap sasuc nuhkwewa tu tohkohlos ninac kiacn muhtwacn kiyaclos fwefwelac. Nga nihkihn lah pwacye fwacklac ma inge, tuhsruhk ke ohiac se inge, kuh in pwacye. Ac ke motko luhk ke srihpen ninac kiyacn muhtwacn kiyuck uh wacngihnlac liki kuht uh fah tiac ahksrihkyelah fwefwelac lal uh.

Kuhtuh mahlwem somlah ah, ke nga ac muhtwacn kiyuck ah muhtwacta nuhke muhtuhnfahl se sahyac ke kain in kunohkohn luhn Alu, Nga toang tuhkahkweck ke sie lututwacng ah ac ngeti ke muhtuhk ohkohk lihkihn winto ke hotel lasr ah. Ten ke innek kahfofo soko, nga liye lah oasr roadblock ac pihlismacn se tu siskac in fohlohkihn stosah ma fototyang nuhke acn kohsrkohsr lah sac. Met kuhtuh, stosah na ekahsr kahsruhsr ke inkacnek soko ah ac suhpweyucklac fohlohk. Tuhsruhk ke pacl uh somlah puhseni stosah inkacnek uh, tahk in stosah muhtwacwacack in loesaclihk.

Liki winto se lucng ah, nga liye tuh oacna pihlismacn sac in pwacr ke el orekmakihn kuh lal in tulokihnyac mwe kahsruhsr ac fohlohkohnlah ah. Ma na pwacye oacna elan orek fohngfohng ke step lal ah, oacna elan orek tacn srihsrihk, ke pacl se stosah soko yucyak nuhke kalkal sac. Fin mwet se kahsruhsr ah fohsack ke roadblock sac, pihlismacn sac tiacna ke kahsrwel kuh pahkomuhtahl. Elac osroklah insifacl na kalweni in srihsrsrihsr nuh ke lwacyacn se sahyac ah.

Kawuhk luhk, mwet tuhma lutlut wiyuck suc fahsr ke inkacnek luhn moul suhkawihl, plwacn wolacna luhn Pahpah tuhmasr, finne plwacn “oaskuhlacna” Lal,¹ oreklac in fohlohkihn komlac nuh yohrohl, tiac ma in tulokihn kom in tiac ilyak nuh we.² Wacngihn mwet muhsahelah roadblock se ac fihliac mwet se we in tulokihnkowi ac suhpwekomlac. Pwacyena, pa ma se sahyac ah. God el tiacna fuhlweack ke kampare lom an. El “luhngse tuhlihk Nahtuhl nuhkwewa in sulaclah in fohlohk nuh Yohrohl,”³ ac El orekmakihn ohiyac nuhkwewa in us kom fohlohk.

Pahpah luhngse tuhmacsr liye Oreklac luhn facluh se inge nuhke srihpen pacl utuhkuh luhk ac kom in kapkapwack ac sukohsohklah liki ma kuht puhla ke moul se facluh inge, pacl wo in orekmaklihn sukohsohk in sulaclah lasr ma tuhkuh sin God- me in sulaclah El,⁴ in luti,ac kapkapwack, in orek tahfonglac, in auliyak, in luhngse God ac mwet tuhlan lasr, ac in fohlohk nuh Yorohl sie lwen.

El suhpwacma Wen Kuhloh sacohklacna Nahtuhl nuh facluh muhsahllah se inge in puhlakihn nohfohn ma mwet uh puhla uh, in oraclah srihkasrak nuh sin tuhlihk sahyac Nahtuhl in ukwe, ac in iwaclah ac molwelah. Mwe sang luhn iwaclah in kihsackuhnlah luhn Kraist eslah kwewa roadblock luhn mahno ac misac in nguhn ma ac srikuhtwelihk liki lohm sesr inkuhsrao.

Ma nuhkwewa ke plwacn luhn Pahpah nuh sin tuhlihk sacohk Nahtuhl pa in use mwet nuhkwewa nuh Yohrohl.

Meac mwet sap luhn God, mwet pahluh Lal, pahngon plwacn se inge ke ma suhmuhslah Fohlohkihnyuckyak? Elos pahngon plwacn in molwelah,⁵ plwacn in pahkotwen,⁶ plwacn wolacna engan,⁷ ac plwacn in molwelah, suc ma nuh sin nuhkwewa,“tuhkuh ke srahn Wen Sefanna Nuhtihk.”⁸

Srihpac luhn plwacn in engan luhlahp luhn Pahpah pa engan lom, inse inge, ingena, ac ne tok ma pahtpaht. Tiacna ma in tulokihn engan lom ac oruh kom in elyah ac sahngweng.

Srihpac luhn plwacn in molwelah luhn Pahpah pa molwelah lom, kom moliyucklac ke kweok ac misac luhn Jisus Kraist,⁹ sukohsoklah liki srohoh luhn ma koluk ac misac. Tiacna ma in fuhlwelah kom in oacna ngacn.

Srihpac luhn plwacn in pahkotwen luhn Pahpah pa in tuhtahflah luhng kuhlwacng ke kom forlah nuh Sel ac karuhnganwacng olwelah suwohs lom nuh Sel. In tiacna lahfwekihn luhng kuhlwacng ac pwacnwack ngal ac ahsor.

Srihpac luhn plwacn in molwelah luhn Pahpah pa pwacyeiyac uh molwelah lom ke tokohsrahi celestial wolacna ke kom eis luhlahlfongi kuh luhn Jisus¹⁰ ac sang nohfohn moul lom nuh Sel.¹¹ Tiac pa in lihsyucklac kom.

Yac kalmac pa oacna sie ma kuhpahsr nuhkac wiwina ma kuht oruh ke moul lasr uh? Lah ohiac kuht sulaclah in orekmakihn sukohsohk in sulaclah tiacna yohk srihpac? Lah kuht kuh in eslah kuh fihliac masap luhn God? Moh, tiacna. Pwacyena sie sin suliyuck kuh wacngihn tui kac ac kwacfe ke El tuh oruh luti Lal fin facluh ah pa kuht in eklac ac auliyak ac tuhkuh nuh Yohrohl.¹² Yohk srihpac kahlwem mwe luti Lal nuhkwewa in muhta ke moul suwohs fin facluh ¹³ el pahng se nuhke kapkapwack luhn kais sie, in akihlenyuck luhlahlfongi pwacye ke Kraist, nuhke sie eklac yohk luhn insiyacsr.¹⁴

El ke kuht in ekuhllah nuhnkuh kac sifacna ac inse fuhlwact, sislah nuhnak in mahno,¹⁵ kuht in kuh in “som, tiac sifilpac oruh ma koluk.”¹⁶

Fin kuht luhlahlfongi srihpac luhn plwacn luhn Pahpah in molikuhtlac, tahfwelah luhng kuhlwacng nuh sesr, ac in use engan nuh sesr, meac srihpac luhn Wen suc pa plwacn se inge oreklac kac uh?

Wen sifacna fahk nuh sesr: “Mweyen nga oactui inkuhsrao me, tiac in oruh luhngse luhk sifacna, tuhsruhk ma luhngse lal suc suhpweyuc me.”¹⁷

Kena luhn Jisus pa kena wowo luhn Pahpah! El ke oraclah in fihsrwacsr nuh sin tuhlihk sahflah nuhkwewa nuhtin Pahpah in eis mwe insewowo luhn plwacn sac— moul ma pahtpaht Yohrohlos. Mwet nuhkwewa kuh in eis mwe insewowo ma pahtpaht se inge.

Fin kom puhla elyah muh kom e tiac kuh in oraclah wo, kuh lah luhngse pahkotwen ke Iwaclah luhn Kraist som nuh sin nuhkwewa tuhsruhk tiac kom, na kom tahfonglac. Wacngihn sahflahiyac pa wacngihn sahflahiyac. Wacngihn sahflahiyac ma nuh sum ac mwet sacohk sum.¹⁸

Nephi el ahkkahlwemye sie ma pwacye kahto: “El tiac oruh kuhtwena ma sahyacn na ma in ahkinsewowoye facluh; tuh El luhngse facluh, finne ke el fihliyac moul Lal sifacna tuh Elan kuh in esacni mwet nuhkwewa nuh Yohrohl. Ohinge, El sapkihn tuh in wacngihn sie mwet in tiac ipeis ke molwelah Lal.”¹⁹

Mwet Lahngo, Mwet Shepherd Wo, som in suk sip tuhlac Nahtuhl ne kena El sokuhltahlwack.²⁰ El “tiac luhngse sie selos in tuhlac.”²¹

“Paho pahkotwen Luhk ahsroeyucklac nuh yuruwos, ac el suc fah tuhkuh, Nga fah esacl.”²²

“Yac oasr kuhtwena mwet mas inmahsrlowos? Usaclos me nuh inge. Yac oasr kuhtwena mwet ma ul, kuh kun, kuh maskihn niyac, kuh suhkahpahs, kuh lepa, kuh suhfas, kuh ma sohlohng kahs, kuh ma kweok ke kuhtwena ohiyac? Usaclos me nuh inge ac Nga fah unweloslac, tuh Nga pahkomotowos.”²³

El tiac luhslah muhtwacn mihsen srah sac; El tiac kahing liki mwet lepa sac; El tiac sruhnga kahsruh muhtwacn se ahkkolukyeyuck muh kosro; El tiac lahfwekihn mwet ngetnget in suhpwacr— finne fuhkah ma koluk lalos. Ac Elac tiac fohlohkihnkom kuh elos suc kom luhngse ke kom use nuh Yohrohl inse muhsahllah ac toasr in nguhn. Ma inge tiacna ke Lal kuh ohiac Lal, ac tiac pac plwacn Lal, srihpac, kena kuh finsrak.

Moh, El tiacna muhsaheack roadblock; El eslah ma ingacn. El tiac fihlikowi lukunumac; El paing kom nuh lac.²⁴ Forfor luti Lal ah kwewa pa mwe fahkwack moul se ke kena Lal.

Na ahok oasr iwaclah in kihsackuhnlah Lal sifacna, suc upac kuhtuh nuh sesr in kahlwem kac, yohk likina kuh lasr facluh in etuh kac. Tuhsruhk, ac yohk srihpac “tuhsruhk” se inge, kuht kahlwem kac, kuh in etuh kac, ke muhtahl ac kena molwelah ke iwaclah in kihsackuhnlah Lal.

Veil kuh acn lihsrlihsr se tempuhl mihsaclihk nuh ke ip luo,ke Jisus el misac fin sahksin soko ah,akihlenyacn inkacnek in fohlohk nuh yurin Pahpah tuh ikackwelihk— nuh selos suc forlah nuh Sel, luhlahlfongi El, fihliyac ma toasr lalos nuh Sel, ac eis srenenuh Lal nuh faclos ke sie wuhlweacng fokoko.²⁵

Ke kahs sahyac, plwacn luhn Pahpah tiac ma ke roadblock. Tiac na; ac fah tiacna sikyak. Kuh oasr ma kuht enenuh in oruh, karihngihn ma sap, ma kacsr kuht enenuh in ekuhllah? Ahok. Tuhsruhk ke pahkotwen Lal, elos suc oasr yohrohsr, tiac ahluhkwelah kuhiyacsr.

Pa inge pweng wowo sac! Nga koflahna fahk kaksak luhk ke fihsrwacsriyen ma pwacye inge. Pactuhn luhn Pahpah,plwacn Lal, srihpac Lal, kena Lal, finsrak Lal, ac finsrak Lal tuh eltahl nohfohnna in unwekomlac, nohfohnna in usot mislac lom, ac nohfohnna in uskomme, ac elos suc sacohk sum nuh Yohrohl. Ke ma inge nga sie mwet lohoh ke inen Jisus Kraist, Wen Nahtuhl, amen.