19. Cesarea ken ti Tanap ti Sharon a Kumamang iti Carmelo

Buya nga agpaamianan nga agballasiw iti nagkauna a daongan ti baybay ti Cesarea. Makita met ti rangkis ti bantay ti Carmelo iti akinngato a paset ti ladawan.

Dagiti Napapateg a Pasamak: Sinango ni Propeta Elias dagiti palso a propeta ni Baal iti Bantay ti Carmelo (1 Ari 18). Ti Via Maris (Dalan ti Baybay), ti napateg a kalsada kadagiti nagkauna a panawen, a naiban-uyat iti daya ti Cesarea. Kalpasan ti nakallalagip a parmata bayat ti kaaddana idiay Joppe, rinugian ni Pedro ti panagserbina kadagiti Gentil babaen ti panangisurona iti senturion a Romano nga agnagan iti Cornelio iti Cesarea (Ara. 10). Ditoy a nangasaba ken nagindeg ni Felipe ket naaddaan iti uppat nga annak a babbai a namadto (Ara. 8:40; 21:8–9). Naibalud ni Pablo iti siudad iti uneg ti dua a tawen (Ara. 23–26). Kinasabaanna da Felix, Festo, ken Herodes Agripa Ⅱ, a nagkuna, “Iti apagbassit a sao guyugoyennak nga agkristiano” (Ara. 26:28).