6. Turod a Pagilian ti Judea

Agarup 56 a kilometro ti kaatiddog ken 27 a kilometro ti kaakaba ti turod a pagilian ti Judea. Kaaduan a paset ti daga ti kabatuan ken narigat a pagmulaan. Nabingaybingay dagiti turod iti tantanap nga adda napintas a maapit iti daga. Nagindeg kadagitoy a turod dagiti nagkauna nga Israelita, ken inaramatda dagitoy a pangsaluad a maibusor kadagiti rumaut. Masarakan ti Jerusalem iti daytoy a lugar.

Dagiti Napapateg a Pasamak: Inkari ti Apo daytoy a daga ken ni Abraham ken dagiti putotna (Gen. 13:14–18; 17:8). Naitanem da Sara ken Abraham iti rukib ti Macpela, iti Hebron (Gen. 23:19; 25:9). Inagaw ni David ti Jerusalem manipud kadagiti Jebuseos (2 Sam. 5:4–9). Naisurat ti ad-adu pay a pasamak iti Daan a Tulag a napagteng kadagitoy a turod ngem iti sadino man a rehion.