21. Tanap ti Jezreel

Buya nga agpalaud manipud iti tuktok ti Bantay Tabor nga agturong iti maysa a paset ti Tanap ti Jezreel. Nupay masansan a maibilang a maysa a dakkel a tanap ti Tanap ti Jezreel, kinapudnona nagririmmuong a tanap iti rehion a nangisilpo iti Tanap ti Aco iti Tanap ti Jordan ken ti rehion ti Baybay ti Galilea. Ti tanap ti Megiddo, kas pagarigan, ket adda iti akinlaud a paset daytoy a tanap. Ti Tanap ti Jezreel ti kangrunaan a dalan iti ballasiw ti Nasantuan a Daga iti nagbaetan ti Baybay Mediterranean iti laud ken ti Tanap ti Jordan iti daya.

Dagiti Napapateg a Pasamak: Lumasat iti daytoy a tanap ti kangrunaan a dalan a mamagsilpo iti Egipto ken Mesopotamia, ket adu a gubat ti napasamak ditoy (Uk. 1:22–27; 5:19; 2 Ari 23:29–30). Mairugi ti dakkel a maudi a gubat iti daytoy a daga ti gubat ti Armagedon, a mapasamakto sakbay ti Maikadua a Yaay ti Mangisalakan, naala ti naganna ken ni Har Megiddo, wenno Bantay ti Megiddo (Eze. 38; Joel 3:9–14; Zac. 14:2–5; Apoc. 16:14–16).