1. O le Vaitafe o Naila ma Aikupito

O laau o loo tutupu ane i auvai o le Vaitafe o le Naila. I tua atu o loo i ai eria toafa e ufitia ai atoa Aikupito.

O Mea Taua sa Tutupu: Sa mauaina le laueleele e Aikupeta (Ape. 1:23–25). Sa alu Aperaamo i Aikupito (Kene. 12:10–20; Ape. 2:21–25). Sa faatau atu Iosefa i Aikupito, sa avea ma faipule, ma sa faaolaina lona aiga mai le oge (Kene. 37; 39–46). O le fanauga o Iakopo sa ola i Aikupito (Kene. 47; Esoto 1; 12:40). O le afafine o Farao sa maua le tamameamea o Mose i le vaitafe ma sa tausia o ia (Esoto 2:1–10). Sa taitaiina ese e Mose sa Isaraelū mai Aikupito (Esoto 3–14). O Maria, Iosefa, ma Iesu sa o atu i Aikupito i ni tausaga ina ia sosola ese ma Herota (Mata. 2:13–15, 19–21). I aso gataaga, o le a iloa e sa Aikupito le Alii, e faamanuia Aikupito e le Alii (Isai. 19:20–25). (Tagai i le Taiala i Tusitusiga Paia, “Aikupito.”)