8. O Ierusalema

A o vaai atu i matu. I le ogatotonu o le ata o le maota paia o Musalemi ma le tauluga lapotopoto e ufitia i auro, o loo taʼua o le Tome o le Papa. Sa tapuai Iutaia anamua i malumalu sa tutu iinei. O pa e latalata i le Tome o le Papa o loo siosioina le aai tuai o Ierusalema. I le itu taumatau o le pa o le Vanu o Ketarono. I le pito i sili ona tu i matu o le Mauga o Olive. I le pito i matu, i tua atu o le Tome o le Papa, o se tulaga atonu o Kolokota.

O Mea Taua sa Tutupu: Sa taʼua Ierusalema anamua o Salema (Sala. 76:2). Sa totogi e Aperaamo le sefuluai ia Mekisateko (Kene. 14:18–20). Sa sau Aperaamo e fai Isaako ma taulaga (Kene. 22:2–14). Sa maua e le tupu o Tavita Ierusalema mai sa Iepuse (2 Samu. 5:4–9). Sa fausia e le Tupu o Solomona se malumalu (1 Tu. 6–7). Sa tuua e Liae e malaga atu i se laueleele folafolaina (1 Ni. 1:4; 2). Sa auauna atu le Faaola ma togiola mo a tatou agasala, ma sa toetu mai (Mata. 21–28). E pei ona valoia e le Faaola, sa faaumatia Ierusalema mulimuli ane teisi i lona maliu (IS—M 1:3–20). E osofaia Ierusalema i aso e gata ai (Eseki. 38–39; Ioe. 2–3; Faaa. 11; 16). E afio mai le Faaola iinei e muamua atu teisi i le Afio Faalua Mai (Saka. 12–14; MF&F 45:48–53). (Tagai i le Taiala i Tusitusiga Paia, “Ierusalema,” “Salema.”)