18. Tempulli i Salt Lake-ut

Pak ditë pasi kompania e parë pioniere e shenjtorëve të ditëve të mëvonshme hyri në luginën e Salt Lake-ut, presidenti Brigham Young goditi tokën me bastunin e tij dhe shpalli: “Këtu do të ndërtojmë tempullin e Perëndisë sonë”. Themelet u hapën më 14 shkurt 1853. Më 6 prill 1853, gurët e themelit u vendosën. Tempulli u mbarua dhe u përkushtua 40 vjet më vonë në 6 prill 1893. Presidencia e Parë dhe Kuorumi i Dymbëdhjetë Apostujve takohen këtu çdo javë për të shqyrtuar me kujdes dhe për të kërkuar drejtim nga Zoti në administrimin dhe ndërtimin e mbretërisë së Perëndisë.

Ngjarje Domethënëse: Zoti u ka dhënë presidentëve të Kishës dhe autoriteteve të tjera të përgjithshme një derdhje të shpirtit të zbulesës këtu, duke përfshirë Deklarata Zyrtare—2. Më e fundit, Presidencia e Parë dhe Këshilli i Dymbëdhjetë Apostujve njëzëri miratuan dhe botuan “Familja: Një Proklamatë Drejtuar Botës”. Ordinancat e tempullit të kryera si për të gjallët dhe të vdekurit kanë bekuar jetët e miliona vetëve.