Vahe 53
1 Oku fakaha e Tevita hono kovi oe tagata fakakakamo. 4 Oku ne fakailo ae kovi ki he agahala aki ae māma i ho nau loto. 6 Oku ne vikiviki i he fakamoui ae Otua.
Ki he Takimua i he Mahalati, koe Same akonaki a Tevita.
¶ 1 KUO behe e he vale i hono loto, Oku ikai ha Otua. Kuo kovi akinautolu, bea kuo nau fai ae kovi fakalielia: oku ikai ha toko taha oku fai lelei.
2 Nae afio hifo ae Otua mei he lagi ki he fānau ae tagata, ke vakai be oku ai ha niihi oku ilo, mo kumi ki he Otua.
3 Kuo foki kotoabe kimui akinautolu: kuo nau hoko o fakalielia kotoabe: oku ikai ha toko taha oku fai lelei, oku ikai aubito ha taha.
4 Oku ikai ha ilo iate kinautolu oku fai kovi? akinautolu oku kai o oji hoku kakai o hage koe nau kai ma: nae ikai te nau ui ki he Otua.
5 Bea nae manavahe lahi ai akinautolu, ka nae ikai ha mea ke manavahe ai: he kuo laku kehekehe e he Otua ae gaahi hui oia naa ne tau‘i koe: kuo ke fakama‘i akinautolu, he kuo fehia ae Otua kiate kinautolu.
6 Kohai te ne foaki mei Saione ae fakamoui ki Isileli? oka toe omi e he Otua hono kakai kuo bobula, e fiefia ai a Jekobe, bea nekeneka a Isileli.