¶ 1 E JIHOVA oe gaahi kau tau, oku lelei lahi ho gaahi fale fehikitaki!

2 Oku holi hoku laumalie, io, oku ou vaivai i he fie alu ki he gaahi loto a o Jihova; oku tagi kalaga hoku loto mo hoku kakano ki he Otua moui.

3 Io, kuo ilo e he hiki‘i manu buna ae fale, moe kulukulu ha bunuga maana, aia te ne tuku ki ai ene fānau, io, ko ho gaahi feilaulauaga, E Jihova oe gaahi kau tau, ko hoku Tu‘i, mo hoku Otua.

4 Oku monuia akinautolu oku nofo i ho fale: te nau kei fakafetai be kiate koe. Sila.

5 Oku monuia ae tagata oku iate koe hono malohi; oku i hono loto ae gaahi hala.

6 Bea i he e nau alu i he toafa o Beka oku gaohi ia koe matavai; oku fakafonu foki e he uha ae gaahi leba.

7 Oku nau alu i he malohi ki he malohi, o fakaha taki taha kotoabe ia i he ao oe Otua i Saione.

8 E Jihova koe Otua oe gaahi kau tau, ke ke fanogo ki he eku lotu: fakafanogo, E Otua o Jekobe. Sila.

9 Vakai, E Otua ko ho mau fakaū, mo ke afio ki he fofoga o hoo bani.

10 He oku lelei lahi hake ae aho be taha i ho gaahi loto a, i he aho e taha afe. Oku ou fili mua keu nofo koe leo mataba i he fale o hoku Otua, i he eku nofo i he gaahi nofoaga oe kovi.

11 He ko Jihova koe Otua koe laa ia moe fakaū: e foaki e Jihova ae aloofa moe nāunāu: e ikai te ne taofi ha mea lelei e taha meiate kinautolu oku aeva totonu.

12 E Jihova oe gaahi kau tau, oku monuia ae tagata oku falala kiate koe.