Vahe 64
1 Oku lotu a Tevita ke ne moui, bea hanu ia koeuhi ko hono gaahi fili. 7 Oku amanaki ia ke mamata ki he fakaauha o hono gaahi fili, bea e fiefia ai ae maonioni.
Ki he Takimua, koe Same a Tevita.
¶ 1 FANOGO ki hoku le‘o, E Otua, i he eku lotu: fakahaofi eku moui mei he manavahe ki he fili.
2 Fakafufu au mei he filioi ae kau agahala; mei he agatuu fakamaveuveu oe kau fai kovi:
3 Oku nau fakamata ho nau elelo o hage koe heleta, o nau teke e nau kaufana ke fana‘i e nau gaahi gahau, io, koe gaahi lea kona.
4 Koeuhi ke nau fana i he lilo ki he haohaoa: oku nau fana fakafokifa be kiate ia, o tae manavahe.
5 Oku nau fetokoniaki akinautolu i he mea kovi: oku nau fakakaukau ke tau ae gaahi tauhele i he lilo; oku nau behe, Kohai te ne mamata kiate kimautolu?
6 Oku nau kumi ke ilo ae gaahi kovi; oku nau faa eke ke lahi: oku taumamao ae mahalo moe loto okinautolu kotoabe.
7 Ka e fana e he Otua kiate kinautolu aki ae gahau; te nau lavea fakafokifa be.
8 Koia te nau gaohi ho nau elelo ke to kiate kinautolu: e hola akinautolu kotoabe oku mamata kiate kinautolu.
9 Bea e manavahe ae tagata kotoabe, o nau fakaha ae gaue ae Otua; he te nau fakakaukau boto ki he ene gaue.
10 E fiefia ae maonioni i he Eiki, bea falala kiate ia; bea vikiviki ai akinautolu kotoabe oku agatonu i loto.