Parmeshwar ke Parivaar ko Ikattha Karna

Mere priye bhaaiyo aur bahano, mai khushi manata hoon ki mai maha sammelan ke is sabha mein aap ke saath hoon. Mai aapka haardik swaagat karta hoon.

Maha sammelan hamesha se Antim-din Santon ke liye ikathit hone ka samay hai. Bahut din pehle Girja itna bhaari ho gaya tha ki shaaririk rup se ek jagah ikattha nahin ho sakte the, magar Prabhu ne tarike uplabdh kiye ki hamein maha sammelan ke ashirvaad mil sake chahe hum jaha kai bhi ho. Bhale hi yeh badhiya baat hai ki Sant is bade se Sammelan Kendra mein milte hai, hum jo manch par hai kalpana kar sakte hai un milyano logon ki jo duniya ke har bhaag mein sammelan ko dekhne aur sunne ke liye ikathit hue hai. Aap mein se kayi log apne parivaaron ke saath hai; kuch log doston ya Girjaghar sadasyon ke saath hai.

Jahan bhi tum ho aur jaise bhi tum mere aawaaz ko sunn rahe ho, kripya yeh jaaniye ki bhale hi tum khud yahan nahin ho, hum aapke aatma ki upasthiti ko mehsoos karte hai. Hum aasha karte hai aap hum se jude hai—ki tum us dhaarmik shakti ko mehsoos karoge jo aata hai jab vishwaasiyon ka dal Ishu Maseeh ke naam se ikattha hota hai.

Mai aaj tumse ek aur tarah ke ikattha hone ke baare mein kehna chahata hoon. Yeh sirf har cheh mahine par nahin hota, maha sammelan ki tarah. Iske bajaae, Girjaghar ke Punahsthaapna ke shuruaat ke samay se yeh hota raha ha, aur abhi haal ke varshon mein furti se aage badh raha hai. Mai Parmeshwar ke parivaar ka ikattha hone ke baare mein keh raha hoon.

Dharamshaastra mein likha “shuruaat” (Genesis 1:1) se pehle. Us samay, hum Swarg ke Pita ke saath Unke aatmik bachche ki tarah rehte the. Yeh dharti par jiye us har insaan ke baare mein sach hai.

Samjho ki, yeh naam “bhaai” aur “bahan” sirf kehne mein hi achche nahin ya hamare dulaare lagte hai hamein. Yeh ek anant sachchaai batlaata hai: Parmeshwar sabhi manushye-vansh ka vaastav mein Pita hai; hum sab Unke anant parivaar ka hissa hai. Kyunki woh hamein ek sampurn Pita ke pyaar jaisa pyaar karta hai, Woh chahata hai ki hum pragati kare aur Unki tarah ban jaaye. Usne ek yojna tay kiya jiske dwara hum dharti par aaenge, parivaaron mein, aur anubhavon se guzrenge jisse hamein tayaar kiya jaaega Unke paas lautne ke liye aur Unke tarah jiye.

Is yojna ka mukhye tatva tha ki Ishu Masih Khud ko kurbaan karega, hamein paap aur mrityu se chudaane ke liye. Hamara kaarye us yojna mein hai Uddhaarkarta ke kurbaani ko apnaana susamachaar ke kaanoon aur dharamvidhiyon ka paalan karne se. Tumne aur maine yeh yojna swikaar kiya. Par sach mein, hum ne khushi manaya, bhale hi uska matlab hoga hamare Pita ki upasthiti chodna aur jo Unke saath jo anubhav kiya use bhool jaana.

Parantu hamein yahan bina koi divye gyaan ke nahin bheja gaya. Hum sab ko Parmeshwar ke gyaan ka ek hissa diya gaya tha, jise “Masih ka Prakaash” kahan jaata hai, taaki hum achchaai aur buraai, sahi aur galat ka faesla kar sake. Isi kaaran jo log Pita ke yojna ka kam ya kuch bhi gyaan nahin rakhte unhe bhi, apne dil mein, mehsoos hota hai ki kuch kriya sachche aur naetik hai jabki anye kriyaaen nahin hai.

Hum bachcho ko paalthe samay khaas taur se sahi aur galat ko ehsaas karte hai. Lagbhag sab maata-pita ko aam-rup-se ichcha hoti hai apne bachcho ko naetik aadarsh sikhane ki. Yeh Swarg ke Pita ke yojna ka chamatkaari bhaag hai. Woh chahata hai ki Unke bachche dharti par aaye, swarg ke anant parivaaron ke aakaar mein. Parivaarein kendriye mul unit hai swarg ke raajye mein, aur isiliye Woh chahata hai ki woh chahata hai woh bhi dharti par mul unit rahe. Bhale hi dharti ke parivaarein utne sampurn nahin hote, woh Parmeshwar ke bachcho ko duniya mein aakaar swaagat paane ka sabse behtar mauka dete hai us prem ke saath jaisa swarg mein mehsoos karte hai—maata-pita ka prem. Parivaarein naetik aadarshon aur sachche siddhaanton ko sambhaalne aur aage sikhane ka sabse behtar tarika hai jo hamein Parmeshwar ke upasthiti mein le jaa sakte hai.

Parmeshwar ke bachchon ka ek bahut kam sankhya is jiwan mein Parmeshwar ke yojna ka sampurn gyaan paate hai, purohiti ke dharmavidhiyon aur vachanon ke saath jo Uddhaarkarta ke praeshchit ki shakti ko hamare jiwanon mein laa sakta hai. Jinke sabse achche maata-pita hai woh vishwaaspurn dhang se gyaan ke anusaar jyenge magar kabhi Ishu Masih aur Unke Praeschit ke baare mein sunenge nahin ya Unke naam pe baptisma ka nimantran paaenge. Duniya ke itihaas mein yeh hamare saekdo bhaai aur bahano ke liye sach hua hai.

Kuch log ise anuchit sochenge. Woh yeh saboot bhi maan lenge ki koi yojna nahin hai, koi khaas avashyaktaaen nahin hai uddhaar ke liye—yeh mehsoos karke ki ek sachcha, premi Parmeshwar aysa yojna nahin banaega jo Unke bachchon ke sirf ek chote sankhya ko nahin uplabdh hoga. Anye log vishwaas karenge ki Parmeshwar ne pehle tay kar liya hoga Unke kaun se bachchon ko Woh bachega aur susamachaar uplabdh karega, jabki woh jinhe susamachaar nahin mili ko kabhi “chuna” nahin gaya tha.

Magar tum aur mai jaanta hoon, ki Bhavishyevakta Joseph Smith ke zariye punahsthaapit kiye sachchaaiyon ke kaaran, Parmeshwar ka yojna isse zyaada premi aur uchit hai. Hamare Swarg ke Pita uttejit hai Apne pure parivaar ko ikattha karne aur ashish dene ke liye. Jabki woh jaante hai ki un mein se sab ikattha hone ko chunenge nahin, Unka yojna Unke har ek bachche ko mauka deta hai Unke nimantran ko swikaar ya aswikaar karne ke liye. Aur parivaarein is yojna ka kendra hai.

Sadiyon pehle, bhavishyevakta Malachi ne kaha ki kisi aanewaale samay mein, Parmeshwar Elijah ko bhejega “pitaaon ke hriday ko bachchon ke or modne ke liye, aur bachchon ke hriday ko pitaaon ke or modne ke liye” (Malachi 4:6).

Yeh bhavishyevaani itni avashyak thi Uddhaarkarta ne ise dohraaya jab Woh Americas gaya tha Apne Punarjiwit hone ke baad (dekhiye 3 Nephi 25:5–6). Aur jab farishta Moroni Bhavishyevakta Joseph Smith se mila, usne bhi Elijah, hridayon, pitaaon, aur bachchon ka bhavishyevaani dohraaya (dekhiye Joseph Smith—History 1:36–39).

Aaj April 1 hai. Aaj se do din baad, April 3, 181 varsh ho jaaenge jabse Malachi ka bhavishyevaani pura hua tha. Us din par, Elijah aaya tha, aur usne Joseph Smith ko purohiti ki shakti di parivaaron ko anantta tak baandhne ke liye (dekhiye D&C 110:13–16).

Us din se aaj tak, logon ka apna parivaar itihaas jaanchne ka sankhya raftaar se badha hai. Itne zyaada taydaad mein, log apne purvajon ko dhoondhne ke liye maano khinche chale aa rahe hai. Geneology ke librariyaan, sambandhit sansthaaen, aur teknologiyaan duniya bhar mein ubhar aayi hai is jaagrut dilchaspi ko pura karne ke liye. Internet ki shakti dwara parivaar waale ek saath milkar tezi se aur achchi tarah parivaar itihaas jaanch jaisa pehle nahin mumkin tha.

Aysa sab kyun ho raha hai? Iska sabse behtar naam jo hum de sakte hai, woh hai “Elijah ka aatma.” Hum ise “bhavishyevaani ki purti” bhi keh sakte hai. Mai gawahi deta hoon ki Elijah zaroor aaya tha. Bachcho ke hriday—tumhara aur mera—hamare pitaaon ke or muda, hamare purvajon ke. Jo lagaao tum apne purvajon se mehsoos karte ho woh usi bhavishyevaani ki purti hai. Yeh tumhare mann ki gehraai mein hai ki tum kaun ho. Magar yeh sirf un purvajon se paaye DNA se nahin taalluk rakhta.

Uddharan ke liye, jab tum prerna ke anusaar apna parivaar itihaas seekhoge, tum shaayad dekhoge ki koi dur ka rishtedaar aur tumhara chehra tumhara kitaabo ki dilchaspi ya tumahara gaane ka hunar ek jaisa hai. Yeh bahut dilchasp aur gehri vichaar utpann kar sakta hai. Par agar tumhara kaam ruk jaaye, tum dekhoge ki kuch gaayab hai. Aysa hai kyunki Parmeshwar ke parivaar ko ikattha karne ke liye sirf gehre ehsaas se zyaada chahiye. Iske liye pavitra vachano ko banana hota hai purohiti dharamvidhiyon ke sahare.

Aap ke kayi purvajon ne un dharamvidhiyon ko nahin haasil kiya tha. Par Parmeshwar ke zariye, tum kar sakte ho. Aur Parmeshwar jaanta tha ki tum prem se apne purvajon ke kareeb jaaoge aur ki tumhare paas woh zaroori teknoloji hoga unhe pehchanne ke liye. Woh yeh bhi jaanta tha ki tum ek ayse samay mein jiyoge jab pavitra mandirein, jahan dharamvidhiyon puri hoti hai, itihaas ke milaan mein zyaada hogi. Aur Woh jaanta tha ki Woh tum par bharosa kar sakta hai is kaarye ko apne purvajon ke khaatir karne mein.

Vaastav mein, hum sab ke paas kaafi zaroori aur avashyak zimmedaariyaan hai jiske liye hamara dhyaan aur samay chahiye. Prabhu ke chaahe kuch cheezon ko hum nahin kar paate. Saobhaagye se, Prabhu ek tarika deta hai hamein saahas aur santushti dene ke liye hamare sab sewa mein, parivaar itihaas sewa mein bhi. Hum Unke kahe kaarye ko karne ki shakti paate hai is vishwaas ke zariye ki Uddharkarta koi aagya nahin deta “siwaae woh [hamare] liye ek raasta tayaar karta hai taaki [hum] woh kaarye kar sake jiski usne aagya di hai” (1 Nephi 3:7).

Mai anubhav se jaanta hoon ki yeh sach hai. Kayi saal pehle, jab mai university chaatra tha, mai duniya ke sabse bade computer banane waale ek companion mein kaam kar rahe aadmi se mila. Yeh computing ke shuruaat ke dino mein tha, aur aysa tha ki is company ne use Ishu Masih ka Girjaghar Antim-dinon ke Santon ka ko computer bechne bheja tha.

Usko dekh ke mai bata sakta tha, ki is bechnewaale ka koi dharm nahin tha. Phir bhi usne ashcharye aur achambha se kaha, “Is girja mein woh log ‘genealogy’ naamak kaam kar rahe the, mare huwe logon ke naamon ko dhoondhna, apne purvajon ko pehchaanna. Log, zyada tar mahilaaen is file cabinet se dusre mein jaa rahe the, chote chote card mein jaankaari dhoondhte huwe.” Agar mujhe acchi tarah se yaad hai, usne kaha tha ki mahilaae tennis waale juthe pahene hui thi taki weh aur tezi se daud sake. Us aadmi ne batlaya, “Jab maine unke bhaari khoshish ko dekha, mai jaan paaya ki kyun computar banaye gaye the.”

Haan, kuch had tak woh sahi tha. Computar parivaar itihaas kaarye ke bhavishye ka zaroori bhaag hoga—sirf uske bheche jaane waale computar nahin. Girjaghar ke ek prerit neta ne uske computar ko nahin khareedna chuna. Girjaghar ko us teknology ka intazaar karna pada tha jisko banane ki kalpana abhi nahin hua tha. Magar maine us din se ab tak ke kayi saalon mein seekha hai ki sabse behtar teknology bhi swarg se aaye praktikaran ki jagah nahin le paaega, jaisa Girjaghar neta ne paaya tha. Yeh ek dhaarmik kaarye hai, aur Prabhu iska nirdesh Apne Pavitra Aatma dwara karta hai.

Kuch hi hafte pehle, mai apne parivaar itihaas par ek consultant ke saath kaam kar raha tha aur phone par ek aur sahayak ke saath. Mere aage computar ke screen par ek samasya thi jise mai maransheel shakti se nahin hal kar paata tha. Maine do naam dekhein, jo mujhe teknology ke ascharye se bheja gaya tha, un logon ke jo ek mandir dharamvidhi ka intazaar kar rahe the. Par musibat ye thi ki woh naam alag the, par ek vajah tha yeh sochne ke liye ki shaayad woh ek hi aadmi hoga. Mera kaam tha yah thay karna ki sach kya hai.

Maine apne sahayakon se pucha ke weh mujhe bathlaye. Unhone kaha, “Nahi, tumhe chunna hai,” Aur weh jaante the ki mai sachch khoj lunga. Computar, apne sab shakti aur jaankaari ke saath, ne mujhe in do naamon ko screen par dekhne ka ashirvaad diya tha, uplabdh jaankaari se andaaz lagate huwe, anye khoj karna, shaant se prarthna karna, aur pata lagana kya sach tha. Jab maine parthna kiya, mai nishchayeta se jaan gaya kya karna hai—jaise anye stithiyon mein maine kiya jab mushkil hal karne ke liye swarg se madad maangta tha.

Hum nahin jaante Parmeshwar kya badhiya nirmaan karne ke liye logon ko prerit karega taaki Unke parivaar ko ikattha karne ke Unke kaam mein madad mile. Par chaahe jo bhi badhiya nirmaan aaye, uske liye zaroori hoga ki tumhare aur mere jaise log Aatma ka sahara lenge. Is se hamein achambha nahin hona hai. Waise bhi, yeh Parmeshwar ke priye putra aur putriyaan hai. Woh kitne tarah ke prerna bhejega unhe Unke paas lautne ka mauka dene ke liye.

Haal ke saalon mein, Girjaghar ke yuva ne Elijah ke aatma ko ek prerit tarike se suna. Un mein se kayi apna khud ka limited-use mandir sifaarish rakhte hai aur aksar istemaal karte hai. Mandiron ke baptisma ka kamra pehle se vyast rehta hai; kuch mandiron ne apne schedule ko sudhaara taaki aur yuva mandir ka istemaal kar sake.

Yuvaaon ko apne hi purvajon ke naam mandir laane ka niraala par sukhad mauka mil raha tha. Ab yeh hamesha karna padta hai, aur aksar wohi jawaan yuvakon ne apne purvajon ko dhoondh nikaala tha.

Iske saath saath, kayi yuvaaon ne jaana ki parivaar itihaas khoj aur mandir kaarye karne mein samay bitaane se uddhaar ke yojna ka unki gawahi gehri hui hai. Isse unke jiwan mein Aatma ka prabhaao bada hai ar virodhi ka prabhaao kam hua hai. Isse woh apne parivaaron aur Prabhu Ishu Masih ke kareeb mehsoos karne lage hai. Unhonne seekha hai ki yeh kaam sirf mritakon ko nahin bachata; par hum sab ko (dekhiyeD&C 128:18).

Yuvaaon ne prashansniye dhang se drishti paa li hai; ab unke maata-pita ko wohi karna hai. Ab aatmik duniya mein kayi logon ne baptisma swikaar kar liya hai yuva ke madad se, aur woh anye dharamvidhiyon ka intazaar kar rahe hai, jo sirf buzurg kar sakte hai duniya bhar ke mandiron mein. Swarg ke Pita ke parivaar ko ikattha karna sirf yuvaaon ka kaam nahin hai, aur sirf nana-naniyon ka kaam nahin hai. Yeh sab ke liye hai. Hum sab ikattha karne waale hai.

Yeh hamare peedhi ka kaam hai, jo Devdut Paul ne kaha “samayon ke pure hone ka samay,” jab usne kaha Parmeshwar “swarg aur prithvi ke sab cheezon ko Masih mein ikattha karega; khud mein bhi” (Ephesians 1:10). Yeh sab Parmeshwar ke Priye Putra, Ishu Masih ke praeshchit ke kaarye se mumkin hua hai. Unhi ke zariye, hamare parivaar ke sadasye, “jo kabhi kabhi dur the Masih ke lahoo ke dwara nikat ho gaye hai. Kyunki wohi hamara mel hai, jis ne dono ko ek kar liya, aur alag karne waali deewaar ko, jo beech mein thi, gira diya” (Ephesians 2:13–14). Tumne yeh, meri tarah, mehsoos kiya hai, jab tumne ek purvaj ke tasveer ko dekhte samay badhta hua prem anubhav kiya hai. Tumne mandir mein mehsoos kiya hai, jab ek card par likha naam ka zyaada ahemiyat rakhta tha, aur tum ise nazarandaar na kar paaye ki is vyakti tumhe jaanta tha aur usne tumhare prem ko mehsoos kiya.

Mai gawahi deta hoon ki Pita Parmeshwar chahata hai ki Unke bachche ghar laute, parivaaron aur mahima mein. Uddhaarkarta jiwit hai. Woh is kaarye ki aguwaai karta hai, aur Woh humara dekhrekh karta aur maargdarshata hai. Woh tumhe tumhare vishwaasi sewa ke liye dhanyevaad deta hai Uske Pita ke parivaar ko ikattha karne mein, aur tumhe woh prerit madad milegi jo tum talaashte ho aur tumhe zaroorat hai. Ishu Masih ke naam se, amen.