Usa ka Tanaman nga Puno sa mga Panalangin

Buzz! Buzz! Buzz! Usa ka busy nga yellow nga buyog mitugpa sa bulak ni Andrea. Milukso siya ug nagdali-dali nga mipalayo. Si Andrea dili ganahan og mga buyog. Mibalhin siya ngadto sa usa ka laing bahin sa tanaman aron mangibut og mga sagbut sa usa ka dahunon nga tanom nga tamatis.

Init ang adlaw sa luyo ni Andrea. Madungog niya si Mama sa duol diha sa kamaisan. Sa kalit lang nakadungog si Andrea og dugang nga paghagong. Buzz! Buzz! Buzz! Midagan siya nga nangita ni Mama.

Daghan kaayong mga buyog, Mama!” Miingon siya. “Gusto kong motrabaho sa tanaman nga walay mga buyog.”

“Atong gikinahanglan ang mga buyog aron motubo ang mga tanom,” miingon si Mama. “Si Jesus milalang sa mga buyog aron maniba sa mga tanom aron maangkon nato ang atong paborito nga mga pagkaon.”

“Kon wala ang mga buyog kita walay mga tanom?” Nangutana si Andrea. Naghunahuna siya sa tanan niyang paborito nga mga tanom. Ganahan siya og nindot nga mga bulak. Ganahan siya nga mokaon sa strawberry ug tamatis. Magmasulub-on siya nga magpuyo sa kalibutan kon wala kini.

“Ako nalipay nga gihimo ni Jesus ang mga tanom,” miingon si Andrea. “Nalipay ko nga Iyang gihimo usab ang mga buyog!”