Ang mga kasulatan nagsulti kanato nga magmahingpit. Unsaon nako sa pagbuhat niana?
Unsay gihangyo sa Manluluwas nato sa dihang Siya miingon, “Kamo mahimo nga hingpit sama nga Ako ingon, o ang inyong Amahan kinsa anaa sa langit hingpit”? (3 Nephi 12:48).
Sa mga kasulatan, ang hingpit nagpasabut nga “kompleto, tibuok ug hingpit nga gipalambo; hingpit nga matarung. … Ang tinuod nga sumusunod ni Jesukristo mahimong hingpit pinaagi sa iyang grasya ug pag-ula.”1
Si Elder Russell M. Nelson sa Korum sa Napulog Duha ka mga Apostoles mitudlo nga ang kahingpitan niini nga kinabuhi “maangkon samtang kita maningkamot sa pagbuhat sa matag katungdanan [ug] sa pagsunod sa matag balaod. … Kon kita mobuhat kutob sa atong mahimo, ang Ginoo mopanalangin nato sumala sa atong mga binuhatan ug mga tinguha sa atong mga kasingkasing.”2
Karon, ang Manluluwas wala moingon nga ang pagkahimong hingpit nagpasabut nga dili masayop. Siya wala usab moingon nga ang paghimo og sayop nagpasabut nga ang pagkahingpit dili makab-ot. Kita mahimong maghinulsol.
Sumala ni Presidente Lorenzo Snow (1814–1901), ang yawe sa kahingpitan niini nga kinabuhi mao nga “magmahimong mas maayo karon kay sa kagahapon. … Padayon nga mahimong mas maayo og gamay matag adlaw.”3