Ako adunay usa ka higala kinsa nagtuo nga adunay usa ka siyentipikanhong pagpasabut sa tanang butang—espirituhanong pagbati, mga tubag sa pag-ampo, mga milagro, ug uban pa. Unsa ang akong masulti niini nga higala?
Mga paghulagway sa litrato pinaagi ni Lloyd Eldredge; GRAPHIC PINAAGI SA ISTOCK/THINKSTOCK
Sa usa ka bahin, ang imong higala sakto—tanan nga mga butang tingali adunay mga pagpasabut nga mahatag sa siyentipikanhong mga pulong (bisan kon kita wala niining tanan). Ang abilidad sa siyensya sa pagpasabut sa usa ka butang dili makadaot sa relihiyon. Bisan kon kamo modawat sa siyentipikanhong mga pagpasabut sa usa ka espirituhanon nga kasinatian o usa ka milagro, ang siyensya naghulagway lamang sa hitabo; ang siyensya walay gisulti kabahin sa kamatuoran, kahulugan, o katuyoan niini. Mao kana ang tahas sa relihiyon. Ang atong Amahan sa Langit nasayud sa tanang mga butang ug mopadayag nato unsa ang atong gikinahanglan aron makabalik ngadto Kaniya ug sa pagpalambo og hugot nga pagtuo, paglaum, gugmang putli, ug uban pang tanan nga balaan nga mga kinaiya. Sama nga ang relihiyosong mga interpretasyon sa natural nga hitabo wala molaglag sa siyensya, ang sukwahi niini tinuod usab—ang siyentipikanhong mga pagpasabut sa relihiyoso nga mga kasinatian wala maglaglag sa relihiyon.