ບົດທີ 12
ເອຊາຢາເຫັນພຣະວິຫານໃນຍຸກສຸດທ້າຍ, ການເຕົ້າໂຮມຂອງອິດສະຣາເອນ, ການພິພາກສາໃນພັນປີ ແລະ ສັນຕິສຸກ—ຄົນອວດດີກັບຄົນຊົ່ວຈະຖືກນຳລົງຕ່ຳໃນການສະເດັດມາຄັ້ງທີສອງ—ປຽບທຽບກັບເອຊາຢາ 2. ປະມານ 559–545 ປີ ກ່ອນ ຄ.ສ.
1 ຄຳເວົ້າທີ່ ກເອຊາຢາຊຶ່ງເປັນລູກຊາຍຂອງອາໂມດ ຂໄດ້ເຫັນກ່ຽວກັບຢູດາ ແລະ ເຢຣູຊາເລັມ.
2 ແລະ ເຫດການຈະບັງເກີດຂຶ້ນໃນຍຸກສຸດທ້າຍ, ເມື່ອຈະມີ ກພູທີ່ເປັນບ່ອນຕັ້ງ ຂພຣະວິຫານຂອງພຣະຜູ້ເປັນເຈົ້າຈະຖືກສະຖາປະນາຂຶ້ນເທິງຈອມ ຄພູທັງຫລາຍ ຊຶ່ງມັນຈະສູງກວ່າເນີນພູທຸກໆໜ່ວຍ ແລະ ປະຊາຊາດທັງປວງຈະຫລັ່ງໄຫລໄປບ່ອນນັ້ນ.
3 ແລະ ຜູ້ຄົນຈຳນວນຫລວງຫລາຍຈະໄປ ແລະ ເວົ້າວ່າ ມາເຖີດພວກທ່ານ, ໃຫ້ພວກເຮົາຂຶ້ນໄປຍັງພູເຂົາຂອງພຣະຜູ້ເປັນເຈົ້າເທາະ ໄປຫາພຣະວິຫານຂອງພຣະເຈົ້າຂອງຢາໂຄບ ແລະ ພຣະອົງຈະສິດສອນພວກເຮົາເຖິງທາງຂອງພຣະອົງ ແລະ ພວກເຮົາຈະ ກເດີນຕາມທາງຂອງພຣະອົງ; ເພາະ ຂກົດຈະອອກມາຈາກຊີໂອນ, ແລະ ພຣະຄຳຂອງພຣະຜູ້ເປັນເຈົ້າຈະອອກມາຈາກເຢຣູຊາເລັມ.
4 ແລະ ພຣະອົງຈະ ກພິພາກສາໃນບັນດາປະຊາຊາດ ແລະ ຈະຕິຕຽນຜູ້ຄົນຢ່າງຫລວງຫລາຍ ແລະ ພວກເຂົາຈະຕີດາບຂອງພວກເຂົາໃຫ້ເປັນໝາກສົບໄຖ, ແລະ ຕີຫອກຂອງພວກເຂົາໃຫ້ເປັນກ່ຽວ—ປະຊາຊາດຈະບໍ່ຍົກດາບຕໍ່ສູ້ກັນ, ທັງພວກເຂົາຈະບໍ່ຮຽນເລື່ອງສົງຄາມອີກຕໍ່ໄປ.
5 ໂອ້ ເຊື້ອສາຍຂອງຢາໂຄບ, ຈົ່ງມາເຖີດພວກທ່ານເອີຍ ແລະ ໃຫ້ພວກເຮົາເດີນໄປໃນຄວາມສະຫວ່າງຂອງພຣະຜູ້ເປັນເຈົ້າ; ແທ້ຈິງແລ້ວ, ຈົ່ງມາເຖີດ, ເພາະທ່ານທັງຫລາຍ ກຫລົງທາງໄປ, ທຸກຄົນໄປຕາມທາງຊົ່ວຮ້າຍຂອງຕົນ.
6 ສະນັ້ນ, ໂອ້ ພຣະຜູ້ເປັນເຈົ້າ, ພຣະອົງໄດ້ປະຖິ້ມຜູ້ຄົນຂອງພຣະອົງ, ຜູ້ເປັນເຊື້ອສາຍຂອງຢາໂຄບເສຍແລ້ວ, ເພາະພວກເຂົາໄດ້ ກພາມາທາງຕາເວັນອອກ, ແລະ ເຊື່ອຟັງຄຳໝໍດູຄືກັນກັບ ຂຊາວຟີລິດສະຕິນ, ແລະ ພວກເຂົາສ້າງ ຄຄວາມພໍໃຈກັບຄົນແປກໜ້າ.
7 ແຜ່ນດິນຂອງພວກເຂົາເຕັມໄປດ້ວຍເງິນ ແລະ ຄຳ, ທັງຊັບສົມບັດຂອງພວກເຂົາຢ່າງລົ້ນເຫລືອ; ແຜ່ນດິນຂອງພວກເຂົາເຕັມໄປດ້ວຍມ້າ, ທັງລົດມ້າຂອງພວກເຂົາຢ່າງລົ້ນເຫລືອ.
8 ແຜ່ນດິນຂອງພວກເຂົາເຕັມໄປດ້ວຍ ກຮູບບູຊາ; ພວກເຂົາກາບໄຫວ້ສິ່ງທີ່ເຮັດຂຶ້ນດ້ວຍມືຂອງຕົນເອງ ຊຶ່ງແມ່ນນິ້ວມືຂອງພວກເຂົາເຮັດຂຶ້ນ.
9 ແລະ ຄົນຕ່ຳຊ້າບໍ່ກົ້ມຫົວ ກລົງ ແລະ ຄົນສູງສົ່ງບໍ່ຖ່ອມຕົວ, ສະນັ້ນ ຢ່າໃຫ້ອະໄພພວກເຂົາເລີຍ.
10 ໂອ້ ເຈົ້າຜູ້ຊົ່ວຮ້າຍ, ຈົ່ງເຂົ້າໄປໃນຫລືບຫີນ ແລະ ກລີ້ຊ່ອນຕົວຢູ່ໃນຂີ້ຝຸ່ນ, ເພາະຄວາມຢ້ານກົວພຣະຜູ້ເປັນເຈົ້າ ແລະ ລັດສະໝີພາບແຫ່ງເດຊານຸພາບຂອງພຣະອົງຈະລົງທັນເຈົ້າ.
11 ແລະ ເຫດການຈະບັງເກີດຂຶ້ນຄື ຄວາມທະນົງຕົວຂອງມະນຸດຈະຖືກເຮັດໃຫ້ອ່ອນນ້ອມລົງ, ແລະ ຄວາມຈອງຫອງຈະຖືກປາບ, ໃນມື້ນັ້ນພຣະຜູ້ເປັນເຈົ້າອົງດຽວຈະສູງສົ່ງ.
12 ເພາະ ກວັນຂອງຈອມໂຍທາຈະມາເທິງປະຊາຊາດທັງປວງໃນບໍ່ຊ້າ, ແທ້ຈິງແລ້ວ, ເທິງຄົນທຸກຄົນ; ແທ້ຈິງແລ້ວ, ເທິງ ຂຄົນຈອງຫອງ ແລະ ຄົນຫຍິ່ງຍະໂສ, ແລະ ເທິງຄົນທີ່ຍົກຕົວຂຶ້ນ, ແລະ ພວກເຂົາຈະຖືກນຳລົງຕ່ຳ.
13 ແທ້ຈິງແລ້ວ, ແລະ ວັນຂອງພຣະຜູ້ເປັນເຈົ້າຈະມາເທິງຕົ້ນສົນສີດາທັງໝົດຂອງເລບານອນ, ເພາະມັນສູງ ແລະ ຍົກຕົວ; ແລະ ເທິງຕົ້ນໂອກທັງໝົດຂອງບາຊານ;
14 ແລະ ເທິງພູເຂົາສູງທັງໝົດ, ແລະ ເທິງເນີນພູທັງໝົດ, ແລະ ເທິງປະຊາຊາດທັງປວງທີ່ຍົກຕົວຂຶ້ນ ແລະ ເທິງມະນຸດທຸກຄົນ.
15 ແລະ ເທິງຫໍສູງທຸກຫໍ, ແລະ ເທິງກຳແພງທີ່ມີສິ່ງກີດຂວາງທຸກແຫ່ງ;
16 ແລະ ເທິງເຮືອທັງໝົດໃນ ກທະເລ ແລະ ເທິງເຮືອທັງໝົດຂອງທາຣາສິດ, ແລະ ເທິງຮູບທີ່ໜ້າຊົມທັງໝົດ.
17 ແລະ ຄວາມທະນົງຕົວຂອງມະນຸດຈະຖືກປາບລົງ, ແລະ ຄວາມຈອງຫອງຂອງມະນຸດຈະຖືກເຮັດໃຫ້ຕ່ຳລົງ; ແລະ ໃນມື້ ກນັ້ນພຣະຜູ້ເປັນເຈົ້າອົງດຽວຈະສູງສົ່ງ.
18 ແລະ ພຣະອົງຈະລົບລ້າງຮູບບູຊາທັງໝົດ.
19 ແລະ ພວກເຂົາຈະເຂົ້າໄປໃນຫລືບຫີນ ແລະ ໃນຖ້ຳຂອງແຜ່ນດິນໂລກ ເພາະຄວາມຢ້ານກົວພຣະຜູ້ເປັນເຈົ້າ ຈະເກີດກັບພວກເຂົາ ແລະ ລັດສະໝີພາບແຫ່ງເດຊານຸພາບຂອງພຣະອົງຈະລົງທັນພວກເຂົາ ເມື່ອພຣະອົງໄດ້ລຸກຂຶ້ນສັ່ນແຜ່ນດິນໂລກຢ່າງຮ້າຍແຮງ.
20 ແລະ ໃນມື້ນັ້ນ ມະນຸດຜູ້ໜຶ່ງຈະ ກໂຍນຮູບບູຊາຂອງພວກເຂົາທີ່ເຮັດດ້ວຍເງິນ ແລະ ຮູບບູຊາຂອງພວກເຂົາທີ່ເຮັດດ້ວຍຄຳ, ຊຶ່ງພວກເຂົາເຮັດຂຶ້ນ ເພື່ອຕົນຈະໄດ້ກາບໄຫວ້ລົງໄປຢູ່ກັບຕົວຕຸ່ນກັບຕົວເຈຍ.
21 ເພື່ອເຂົ້າໄປໃນຫລືບຫີນແຕກ ແລະ ບ່ອນຫີນກະບຸກະບ່ຳ ເພາະຄວາມຢ້ານກົວພຣະຜູ້ເປັນເຈົ້າ ຈະເກີດກັບພວກເຂົາ ແລະ ເດຊານຸພາບແຫ່ງລັດສະໝີພາບຂອງພຣະອົງຈະລົງທັນພວກເຂົາເວລາພຣະອົງລຸກຂຶ້ນ ແລະ ສັ່ນແຜ່ນດິນໂລກຢ່າງຮ້າຍແຮງ.
22 ທ່ານຈົ່ງ ກຕັດຂາດຈາກມະນຸດ, ຊຶ່ງລົມຫາຍໃຈຂອງເຂົາຢູ່ໃນຮູດັງ; ເພາະຢູ່ໃນນັ້ນບໍທີ່ເຂົາຈະໄດ້ຮັບການຍົກຍ້ອງ?