ການນັບຖືຮູບບູຊາ ການນະມັດສະການຮູບບູຊາ ຫລື ການຕິດແທດ ຫລື ການອຸທິດຕົນຕໍ່ສິ່ງໃດສິ່ງໜຶ່ງຫລາຍເກີນໄປ. ຢ່ານະມັດສະການພຣະອື່ນ ນອກຈາກເຮົາແຕ່ເທົ່ານັ້ນ, ອພຍ 20:3 (ມຊຢ 12:35; 13:12–13). ຖ້າພວກເຈົ້າຂາບໄຫວ້ພຣະອື່ນ, ພວກເຈົ້າຈະຖືກທຳລາຍຢ່າງແນ່ນອນ, ພບຍ 8:19. ຄວາມອວດດີກໍເປັນຄວາມຊົ່ວຮ້າຍເທົ່າກັບການຂາບໄຫວ້ຮູບບູຊາ, 1 ຊມອ 15:23. ພວກເຈົ້າປະຖິ້ມເຮົາ, ອຊຢ 57:8. ພວກເຈົ້າໄດ້ສັນລະເສີນບັນດາພຣະທີ່ເຮັດດ້ວຍເງິນ, ດ້ວຍຄຳ, ດນອ 5:23. ພວກເຈົ້າຈະຮັບໃຊ້ພຣະເຈົ້າ ແລະ ເງິນຄຳພ້ອມກັນກໍບໍ່ໄດ້, ມທ 6:24. ຄວາມໂລບເປັນການຂາບໄຫວ້ຮູບບູຊາ, ກລຊ 3:5. ລູກທັງຫລາຍຂອງເຮົາເອີຍ, ຈົ່ງລະວັງຮັກສາຕົນຈາກບັນດາຮູບບູຊາ, 1 ຢຮ 5:21. ວິບັດແກ່ຄົນທີ່ນະມັດສະການຮູບບູຊາ, 2 ນຟ 9:37. ການນັບຖືຮູບບູຊາຂອງຜູ້ຄົນຂອງນີໄຟໄດ້ນຳເອົາສົງຄາມ ແລະ ຄວາມພິນາດມາສູ່ຕົນ, ແອວ 50:21. ມະນຸດທຸກຄົນໄດ້ເດີນໄປໃນທາງຂອງຕົນເອງ, ຄພ 1:16. ໃຫ້ພວກເຂົາອອກແຮງດ້ວຍມືຂອງຕົນເອງ ເພື່ອວ່າພວກເຂົາຈະບໍ່ໄດ້ເຄົາລົບຮູບບູຊາ, ຄພ 52:39. ບິດາຂອງອັບຣາຮາມໄດ້ຖືກພາໄປຫລົງຜິດໂດຍການນັບຖືຮູບບູຊາ, ອຣຮ 1:27.