1 Ket ita, Jacob, kunak kenka: Sika ti ^ainauna nga anakko iti aldaw ti panagtutuokko iti langalang. Ket kitaen, bayat ti kinaubingmo nagsagabaka iti adu a rigat ken leddaang, gapu iti kinasabrak dagiti kabsatmo.

2 Nupay kasta, Jacob, inauna nga anakko iti langalang, ammom ti kinaindaklan ti Dios; ket ikonsagrarna dagiti sagabaem nga agpaay a pagimbagam.

3 Gapuna, mabendisionan ti kararuam, ket makipagnaedka a sitatalged ken ni kabsatmo a Nephi; ket mabubos dagiti aldawmo nga agserbi iti Diosmo. Gapuna, ammok a nasubbotka, gapu iti kinalinteg ti Mannubbotmo; gapu ta naimatangam nga iti tumutop a panawen umay isuna tapno ipaayna ti pannakaisalakan dagiti tattao.

4 Ket ^anaimatangam iti kinaagtutubom ti kinadayagna; gapuna, nagasatka a kas kadagiti pagserbiannanto iti nainlasagan a bagi; gapu ta agpadpada ti Espiritu, idi, ita, ken iti agnanayon. Ket naisagana ti dalan manipud idi pannakatnag ti tao, ken ti pannakaisalakan ket ^bawan bayadna.

5 Ket naan-anay ti pannakaiwanwan dagiti tattao a ^amangammo ti naimbag manipud iti dakes. Ket naited kadagiti tattao ti linteg. Ket babaen ti linteg, awan iti lasag ti ^bmaikalintegan; wenno, babaen ti linteg dagiti tattao ket ^cmailaksid. Wen, nailaksidda babaen ti naindagaan a linteg; ken kasta met a napukawda babaen ti naespirituan a linteg manipud iti naimbag, ket nagbalinda a nakakaasi iti agnanayon.

6 Gapuna, dumtengto ti ^apannakasubbot ken babaen ti Nasantuan a ^bMesias; agsipud ta napnuan iti ^cparabur ken kinapudno.

7 Kitaen, indatonna ti bagina a ^apangsubbot iti basol, a mangsungbat iti pagpatinggaan ti linteg, kadagiti amin a naaddaan iti nasneban a puso ken napnuan babawi nga espiritu; ket awan ti sabali a makasungbat iti ^bpagpatinggaan ti linteg.

8 Gapuna, anian ti kinapateg unay ti pannakaipakaammo dagitoy a banag kadagiti agnaed iti daga, ta maammuanda nga awan ti lasag a makapagnaed iti sidong ti Dios, ^amalaksid no adda pammateg, panangngaasi ken parabur ti Nasantuan a Mesias, a nangipaay iti biagna a mayannurot iti lasag, ken alaennanto manen babaen ti pannakabalin ti Espiritu, tapno maipatungpalna ti ^bpanagungar dagiti natay, ta isu ti umuna a nasken nga agungar.

9 Gapuna, isuna ti umuna a bunga iti Dios, gapu ta isu ti ^amangibabaet iti amin nga annak ti tattao; ket maisalakan ti siasino man a mamati kenkuana.

10 Ket gapu ti ^apannakaibabaet iti amin, umasideg amin a tao iti Dios; gapuna, tumakderda iti imatangna, tapno ^bukomenna ida a mayannurot iti kinapudno ken ^ckinasanto nga adda kenkuana. Gapuna, inted ti Nasantuan ti kalikagum ti linteg, iti pannakaipatay ti naikappeng a pannusa, ta maisuppiat ti naikappeng a pannusa iti dayta a naikappeng a kinaragsak, a mangsungbat iti kalikagum ti ^dpannubbot—

11 Ta nasken nga, adda ^apagsusupadian ti amin a banag. Ta no saan a kasta, inauna nga anakko iti langalang, saan a maipatungpal ti kinalinteg, wenno ti kinadakes, wenno ti kinasanto wenno kinarigat, naimbag wenno dakes. Gapuna, nasken a mapagkaykaysa ti amin a banag; gapuna, no masapul a maymaysa a bagi, nasken nga agtalinaed a kas natay, nga awanan iti biag wenno pannakatay, wenno panagrupsa ken saan a panagrupsa, kinaragsak wenno kinarigat, wenno panagrikna wenno awanan rikna.

12 Gapuna, nasken a naiparsua koma para iti banag nga awan kaes-eskanna; gapuna awan koma ti ^apanggep iti nakaigapuan ti pannakaparsuana. Gapuna, nasken a dadaelen daytoy a banag ti kinasirib ti Dios ken dagiti agnanayon a gandatna, ken kasta met ti pannakabalin, ken panangngaasi, ken ti ^bkinalinteg ti Dios.

13 Ket no kunayo nga ^aawan ti paglintegan, kunayo met ngarud nga awan ti basol. Ket no kunayo nga awan ti basol, kunayo met ngarud nga awan ti kinalinteg. Ket no awan ti kinalinteg awan ti kinaragsak. Ket no awan ti kinalinteg wenno kinaragsak awan koma ti pannakadusa wenno panagrigat. Ket no awan dagitoy a banag ^bket awan ti Dios. Ket no awan ti Dios awantayo, wenno ti daga; ta awan koma ti panagparsua kadagiti bambanag, no dagiti banag nga agtignay wenno bambanag a pagtignayen; gapuna, napukaw koman ti amin a banag.

14 Ket ita, annakko, ibagak kadakayo dagitoy a banag para iti pagimbagan ken pagadalanyo; ta adda Dios, ket ^apinarsuana ti amin a banag, agpadpada ti langit ken daga, ken amin a banag a linaonda, agpadpada dagiti bambanag nga agtignay wenno dagiti bambanag a ^bpagtignayen.

15 Ket tapno matungpal ti ^aagnanayon a panggepna iti panungpalan ti tao, kalpasan a pinarsuana dagiti immuna a nagannaktayo, ken dagiti ayup iti taltalon ken dagiti tumatayab iti tangatang, ket iti kamaudiananna, ti amin a banag a naparsuan, nasken nga adda pagsusupadian; uray pay ti ^bnaiparit a ^cbunga a maisupadi iti ^dkayo ti biag; nasam-it ti maysa ket napait ti sabali.

16 Gapuna, pinalubosan ti Apo a Dios iti tao nga ^aagtignay iti bukodna a bagi. Gapuna, saan a makapagtignay ti tao iti bukodna a bagi malaksid no ^bmaguyugoy ti maysa wenno ti sabali.

17 Ket siak, ni Lehi, kas mayannurot kadagiti banag a nabasak, nasken a mammatiak a maysa nga ^aanghel ti Dios, ti ^bnatinnag manipud iti langit kas mayannurot iti naisurat; gapuna, nagbalin isuna a sairo, ta pinaggepna ti dakes iti sango ti Dios.

18 Ket gapu ta natnag manipud iti langit, ket nagbalin a nakaledleddaang iti agnanayon, ^apinaggepna ti pagleddaangan ti amin a sangkataoan. Gapuna, kinunana ken ni ^bEva, wen, uray pay iti dayta nataengan nga uleg, nga isu ti sairo, nga ama ti amin a ^ckinaulbod, gapuna kinunana: Manganka iti maiparit a bunga, ket saankanto a matay, ngem agbalinkanto a kas iti Dios, a ^dmakaammo iti naimbag ken dakes.

19 Ket kalpasan ti ^apannangan da Adan ken Eva iti maiparit a bunga napapanawda iti minuyongan ti ^bEden, tapno sukayenda ti daga.

20 Ket naganakda; wen, uray pay iti ^apamilia iti amin a daga.

21 Ket dagiti aldaw ti ^aannak ti tattao ket pimmaut, a mayannurot iti pagayatan ti Dios, tapno ^bmakapagbabawida bayat iti kaaddada iti nainlasagan a bagi; gapuna, nagbalin ti kasasaadda a kasasaad ti ^cpannakapadas, ket nayatiddog ti panawen ti panagbiagda, a mayannurot kadagiti bilin nga inted ti Apo a Dios kadagiti annak ti tattao.Ta nangted iti bilin a nasken nga agbabawi amin a tattao; ta imparangarangna iti amin a tattao a ^dnapukawda, gapu iti panaglabsing dagiti nagannakda.

22 Ket ita, kitaen, no saan a naglabsing ni Adan saan koma a natnag, ngem nagtalinaed koma isuna iti minuyongan ti Eden. Ket nagtalinaed koma amin a bambanag a naparsua iti sigud a kasasaadda kalpasan ti pannakaparsuada; ket nagtalinaedda koma iti agnanayon, nga awan patinggana.

23 Ket awan koma ti ^aannakda; gapuna nagtalinaedda koma iti kasasaad ti kinainosente, nga awanan iti rag-o, ta saanda nga ammo ti leddaang; agaramid iti saan a naimbag, gapu ta saanda nga ammo ti basol.

24 Ngem kitaen, naaramid amin a banag a mayannurot iti kinasiribna a ^amakaammo iti amin a banag.

25 ^aNi Adan ket ^bnatnag tapno mabalin nga agadda ti tattao; ket ti tattao ^cnagadda, tapno maaddaanda ti ^drag-o.

26 Ket umayto ti ^aMesias iti tumutop a panawen, tapno ^bsubbotenna dagiti annak ti tattao manipud iti pannakatnag. Ket gapu ta nasubbotda manipud iti pannakatnag nagbalinda a ^csiwayawaya iti agnanayon, a makaammo iti naimbag manipud iti dakes; nga agtignayda iti bagbagida ket saanda a painakman, malaksid iti pannusa ti ^dpaglintegan iti naindaklan ken maudi nga aldaw, a mayannurot kadagiti bilin nga inted ti Dios.

27 Gapuna, ^asiwayawaya dagiti tattao a mayannurot iti nainlasagan a bagi; ket naited amin a banag kadakuada a kas kasapulan ti tao. Ket siwayawayada nga ^bagpili iti wayawaya ken agnanayon a ^cbiag, babaen ti naindaklan a Mangibabaet iti amin a tattao, wenno mangpili iti pannakaadipen ken ipapatay, babaen iti panangadipen ken pannakabalin ti sairo; gapu ta kalikagumanna nga agbalin a nakakaasi amin a tattao a kas kenkuana.

28 Ket ita, lallaki nga annakko, kayatko nga agtalekkayo iti naindaklan a ^aMangibabaet, ken indenganyo dagiti naindaklan a bilinna; ken agbalinkayo a napudno kadagiti balikasna, ken pilienyo ti biag nga agnanayon, a mayannurot iti pagayatan ti Nasantuan nga Espirituna.

29 Ket saanyo a pilien ti agnanayon nga ipapatay, a mayannurot iti pagayatan ti lasag ken ti sairo a mangik-ikut iti daytoy, a mangted iti espiritu ti sairo ti pannakabalin a ^amangadipen, a mangiturong kadakayo iti ^bimpierno, tapno maiturayannakayo iti pagarianna.

30 Naibagakon dagitoy sumagmamano a balikas kadakayo amin, lallaki nga annakko, kadagiti maudi nga aldaw ti pannakapadasko; ket pinilik ti naimbag a paset, babaen iti balikas ti propeta. Ket awan ti sabali a panggepko malaksid ti agnanayon a pagsayaatan dagiti kararuayo. Amen.