Ni Satanas. Ti sairo ti kabusor ti kinalinteg ken dagiti agaramid iti pagayatan ti Dios. Sigud nga espiritu nga anak ti Dios ket naminsan idi nga anghel nga addaan iti turay iti imatang ti Dios (Isa. 14:12; 2 Ne. 2:17). Nupay kasta, nagrebelde idi sakbay daytoy a biag ken ginutugotna ti apagkatlo dagiti espiritu nga annak ti Ama a sumuppiat kenkuana (DkK 29:36; Moises 4:1–4; Abr. 3:27–28). Napapanawda iti langit, naipaidam kadakuada ti gundaway a maaddaan iti bagi a matay ken makapadas iti daytoy a biag, ket mailunoddanto iti agnanayon. Manipud idi napapanaw ti sairo iti langit, kanayonen nga al-allilawenna dagiti amin a lallaki ken babbai ket yadayona ida iti aramid ti Dios—a mangaramid iti sangkataw-an a kakaasi a kas kenkuana (Apoc. 12:9; 2 Ne. 2:27; 9:8–9).
Ti simbaan ti sairo
Tunggal dakes ken nailubongan a timpuyog iti daga a mangbalusingsing iti natarnaw ken naan-anay nga ebanghelio ken mangsuppiat iti Kordero ti Dios.