1 Ao e koro bukina bwa Enoka e reitanako ana taetae, n taekina: Nooria, tamara ae Atam e reirei bwaai aikai, ao a mwaiti aika a tia ni kakoauaa ao n riki bwa ^anatin te Atua, ao a mwaiti aika aki kakoauaa, ao a mate i nanon aia bure, ao a kakaantaninga ma te ^bmaaku, n te maraki, bwa korakoran uran unin te Atua e na bwaro i aoia.

2 Ao man te tai arei Enoka e moanna n taetae ni burabeti, ni kangai nakoia aomata, bwa: Ngke I tabe ni mwananga, ao n tei n te tabo ae Mauuta, ao n tang nakon te Uea, e roko te bwana mai karawa, ae kangai—Oki rikaaki, ao nako aon te maunga ae Timeon.

3 Ao e koro bukina bwa I oki rikaaki ao I nako aon te maunga; ao ngke I tei i aon te maunga, I noori karawa bwa a uki, ao I kunikaiaki n te ^amimitong;

4 Ao I noora te Uea; ao e tei imatau, ao e taetae ma ngai, n ai aron te aomata ae taetae ma temanna, ni ^aitara mata; ao e taku nakoiu: ^bTaraia, ao N na kaota nakoim te aonaba i nanon rooro aika mwaiti.

5 Ao e koro bukina bwa I noora n te mwarua ae Tiam, ao nooria, te botanaomata ae korakora aika maeka n umwanrianna, ake ana botanaomata Tiam.

6 Ao e a manga taku te Uea nakoiu: Taraia; ao I tara meang, ao I noora ana botanaomata Kanaan, aika maeka n umwanrianna.

7 Ao te Uea e taku nakoiu: Taetae ni burabeti; ao I taetae ni burabeti, ni kangai: Nooria ana botanaomata Kanaan, aika moan te mwaiti, a na nako ma kunikaia ni buaka ni kaitaraia ana botanaomata Tiam, ao a na tiringiia bwa a na bane ni kamaunaaki; ao ana botanaomata Kanaan a na mamaenako n te aba, ao te aba e na akea arokana ao e na aki kariki ua, ao akea te botanaomata teuana ae na maeka ikekei ma ti ana botanaomata Kanaan;

8 Bwa nooria, te Uea e na kamaraia te aba ma te kabuebue ae korakora, ao akean te aroka ikekei e na reitinako n aki tootoki; ao boni iai te ^abwatabwata i aoia ni kabane natin Kanaan, bwa a bon ribaki i buakoia botanaomata ni kabane.

9 Ao e koro bukina bwa te Uea e taku nakoiu: Taraia; ao I taraia, ao I noora aban Tiaron, ao aban Enoka, ao aban Aomna, ao aban Eni, ao aban Teem, ao aban Ana, ao aban Anannia, ao ni kabane kaaia;

10 Ao te Uea e taku nakoiu: Nakon te botanaomata aei, ao taekina nakoia—^aRaira nanomi, bwa ngkana a aki N na roko n oreia ma te maraia, ao a na mate.

11 Ao e anganai te tua bwa N na riai ni ^abwabetito n aran te Tama, ao te Nati, are e onrake n te ^bakoi ao te koaua, ao n te ^cTamnei ae Raoiroi, are kaota koauan te Tama ao te Nati.

12 Ao e koro bukina bwa Enoka e reitinako ni weteia aomata ni kabane, ma tiaki ana botanaomata Kanaan, bwa a na raira nanoia.

13 Ao moan te korakora ana ^aonimaki Enoka n te aro are e kairiia ana botanaomata te Atua, ao aia kairiribai a kaitaraia ni buakania; ao e taekina ana taeka te Uea, ao e ruru te aba, ao a mwaing taian ^bmaunga, n aron ana taeka; ao ^ckaraanga n ran a bitaki kawaia; ao a ongo bekoraraia raian man te buakonikai; ao botanaomata ni kabane a korakora maakuia, moan te ^dmwaaka ana taeka Enoka, ao moan te korakora mwaakan te taetae are e anganna te Atua.

14 Iai naba te aba ae waerake mai kabin marawa, ao moan te korakora makuia aia kairiribai ana aomata te Atua, bwa a birinako n tei ni kararoaia ao a nako aon te aba are waerake mai kabin marawa.

15 Ao ^aaintoa n te aba, a tei naba ni kararoaia; ao iai te kamaraia ae nako aoia aomata ni kabane ake a buaka ni kaitara te Atua;

16 Ao man te tai arei bon iai taian buaka ao tiritiri i buakoia; ma te Uea e roko ni maeka ma ana aomata, ao a maeka i nanon te raoiroi.

17 ^aMaakan te Uea e mena i aoia botanaomata ni kabaneia, moan te korakora mimitongin te Uea, are e mena i aoia ana aomata. Ao te Uea e ^bkakabwaia te aba, ao a kakabwaiaaki ake i aon maunga, ao i aon taabo ake a rietata, ao a rikirake maiuia.

18 Ao te Uea e arania ana aomata bwa ^ation, ibukina bwa ti ^bteuana nanoia ao teuana aia iango, ao a maeka i nanon te raoiroi; ao bon akea ae e kainnano i buakoia.

19 Ao Enoka e reitanako ana kabwarabwara i nanon te raoiroi nakoia ana aomata te Atua. Ao e koro bukina i nanon ana bong nako, bwa e katea te kaawa are e aranaki bwa te Kaawa ae Tabu, are tion,

20 Ao e koro bukina bwa Enoka e taetae ma te Uea; ao e taku nakon te Uea: E koaua e na maeka ni kamanoaki ^aTion n aki toki. Ma te Uea e taku nakon Enoka: I a tia ni kakabwaia Tion, ma nikiraia aomata I a tia ni kamaraiaia.

21 Ao e koro bukina bwa te Uea e kaota nakon Enoka kaain te aonaba ni kabaneia; ao e noriia, ao taraia, Tion, i nanon waakin te tai, e ^auotaki rake nako karawa. Ao te Uea e taku nakon Enoka: Nooria nneu ni maeka n aki toki.

22 Ao Enoka e nooria naba nikiraia aomata ake bon natin Atam; ao a bon bane ni irengan kanoan Atam ma tiaki kanoan Kain, bwa kanoan Kain a bon ^abwatabwata, ao akea nneia i buakoia.

23 Ao i mwin anne Tion e uotaki rake nako ^akarawa, Enoka e ^bnooria, ao taraia, a ^cbane botanaomata n te aonaba ni mena imatana.

24 Ao e roko te roro teuana ma te roro teuana; ao Enoka e bon rietata ao e ^atabekaki rake, ni bwanibwanin te Tama ao Natin te Aomata; ao nooria, mwaakan Tatan e mena i aon te aonaba.

25 Ao e nooriia anera n ruo mai karawa; ao e ongo te bwana ae takarua ni kangai: Te reke ni kai, te reke ni kai nakoia kaain te aonaba.

26 Ao e noora Tatan; ao iai te ^ataurekereke ae bubura i nanon baina, ao e rabuna aon te aonaba ma te ^broo; ao e tararake ao e ngare, ao ana ^canera a kimwareirei.

27 Ao Enoka e nooriia ^aanera n ruo mai karawa, ni kaota ^bkoauan te Tama ao te Nati; ao te Tamnei ae Raoiroi e toka i aoia aika mwaiti, ao a tabekaki rake ni mwaaka mai karawa nako Tion.

28 Ao e koro bukina bwa Atuan karawa e taraia nikiraia aomata, ao e tang; ao Enoka e kaota rongorongona, ni kangai: A kanga n tang taian karawa, ao a wanako ranin mataia n aiaron te karau i aon maunga?

29 Ao Enoka e taku nakon te Uea: E kanga ngkai ko kona n ^atang, ngkai e kakoauaki bwa ko tabu, ao man are akea tokina nakon are akea tokina?

30 Ao ngkana arona bwa e kona te aomata ni wareka mwaitin mwakorokoron te aonaba, eng, mirion ^aaonaba n ai aron aei, e na bon aki riki bwa moanakin am ^bkarikibwai aika mwaiti; ao am roki a teimatoa n taakinaki; ao e ngae n anne ko bon mena ikanne, ao bwanibwanim bon anne; ao ko motiraoi naba; ko nanoanga ao ko akoi n aki toki;

31 Ao ko a tia n anaa Tion nakon bwanibwanim, mai buakon am karikibwai ni kabane, man akea tokina nakon akea tokina; ao akea ma ti te ^arau, te ^bmotiraoi, ao te ^ckoaua bon nnen am kai n tokanuea; ao te nanoanga e na rimoam ao akea tokina; e kanga ngkai ko kona n tang?

32 E taku te Uea nakon Enoka: Nooriia tarim aikai; boni ngaiia ake I karikiia n oin ^abaiu, ao I anga nakoia aia ^batatai, n te bong are I karikiia iai; ao n te Nne n Aroka are Eten, I angan te aomata te ^cinaomata n rinerine;

33 Ao nakoia tarim I a tia n taekinna, ao n anga naba te tua, bwa a na ^aitangitangiri imarenaia, ao bwa a na riai n rineai, bwa Tamaia; ma nooria, bon akea aia tangira, ao a ribaia aika oin raraaia;

34 Ao ^aain uniu e bon ura ni kaitaraia; ao ni kabuebuen nanobuakau N na kanakoa te ^bieka nako aoia, bwa uniu ae korakora e ura ni kaitaraia.

35 Nooria, Ngai te Atua; Te ^aAomata ae Tabu bon arau; Aomatan Taeka n Reirei bon arau; ao Akea Tiana ao Akea Tokina bon ^barau, naba.

36 Mangaia are, I kona n arori baiu ao n taui ni kabane karikibwai ake I a tia ni karaoi; ao ^amatau a kona n niniia naba, ao i buakon nako bwaai ake I kariki n oin baiu bon akea te ^bbuakaka ae korakora riki n aron ae i buakoia tarim.

37 Ma nooria, aia bure a na toka i aon atuuia aia bakatibu; Tatan e na riki bwa tamaia, ao te kananoanga e na riki bwa tokiia; ao karawa ni kabuta a na tang i aoia, ni kabane bwaai ake I kariki n oin baiu; tera bukina bwa karawa a na aki tang, n norakiia aikai bwa a na karawawataki?

38 Ma nooria, aikai ake a tarai matam a na mate n te ieka; ao nooria, N na kainiia; te ^aumwa ni kaikain I a tia ni katauraoia ibukiia.

39 Ao ^aare I a tia n rineia e a tia ni bubuti imatau. Mangaia are, e karawawataaki ibukin aia bure; ngkana a teimatoa n raira nanoia n te bong are e na okirai iai are I ^bRineia, ao ni karokoa te bong anne a na rinanon te ^ckammarakaki.

40 Mangaia are, ibukin aei a na tang karawa, eng, ao ni kabane bwaai ake I kariki n oin baiu.

41 Ao e koro bukina bwa te Uea e taetae nakon Enoka, ao e tuanga Enoka bwaai ni kabane ake a karaoi natiia aomata; mangaia are e ataia Enoko, ao e tarai buakakaia, ao kananoangaia, ao e tang ao e arora baina, ao ^ananona e taangaki n aron are akea tokina; ao e kaonaki nanona n te nanoanga; ao a bane bwaai ake a karikaki n ruru.

42 Ao Enoka e noora naba ^aNoa, ao ana ^butu; bwa kanoan natin Noa ni kabane a na kamaiuaki ma te kamaiuaki n te maiu n rabwata.

43 Mangaia are Enoka e nooria bwa Noa e kabaa te ^aake; ao bwa te Uea e kukurei iai, ao e taua i nanoni baina; ma i aoia nikiraia ake a buakaka e roko te ieka ao e kabwautiia.

44 Ao ngke e noora aei Enoka, e korakai nanona, ao e tang ibukiia tarina, ao e taku nakon karawa: N na ^arawa ni karauaki nanou; ma te Uea e taku nakon Enoka: Tabekarake nanom, ao kukurei; ao taraia.

45 Ao e koro bukina bwa Enoka e taraia; ao mai iroun Noa, e nooriia utun te aonaba ni kabaneia; ao e tang nakon te Uea, ni kangai: Ningai ae e na roko iai ana bong te Uea? Ningai ae e na wanako raraan are e Raraoi, bwa aonga ni bane naake a tang ni ^akaitiakaki ao ni karekea te maiu ae akea tokina?

46 Ao te Uea e taku; E na riki i ^anukan te tai, ni bongin buakaka ao te kabomwi.

47 Ao nooria, Enoka e noora bongin rokon Natin te Aomata, n te iriko; ao e kimwareirei tamneina, ni kangai: E tabekaki rake ae e Raoiroi, ao te ^aTiibu te Tei e tiringaki man moan karikan te aonaba; ao rinanon te onimaki I a mena ni bwanibwanin te Tama, ao nooria, ^bTion bon raou.

48 Ao e koro bukina bwa Enoka e tara aon te ^aaonaba; ao e ongo te bwana mai nanona, ae kangai: Te reke ni kai, te reke ni kai bon ngai, tinaia aomata; I a maraki, I a kua, ibukin buakakaia natiu. N na ^bmotirawa ningai, ao ni kaitiakaki man te ^ckammaira are bon otinako mai irou? Ningai ae e na kaitiakai te Tia Karikai, bwa I aonga ni motirawa, ao n te tai teuana te raoiroi e na maeka i aou?

49 Ao ngke e ongo Enoka tangin te aonaba, e tang, ao e tang nakon te Uea, ni kangai: O te Uea, ko aki kona n nanoanga te aonaba? Ko aki kona ni kakabawaiaia natin Noa?

50 Ao e koro bukina bwa Enoka e reita nako tangina nakon te Uea, ni kangai: I butiko, O te Uea, n aran am Rikitemanna, are Iesu Kristo, bwa ko na nanoangaia Noa ao kanoana, bwa e aonga te aonaba n aki manga rabunaki n te ieka.

51 Ao te Uea e aikoa kona n rawa; ao e berita ma Enoka, ao e tuea nakoina ma te taeka n tuea, bwa e na katoka te ^aieka, bwa e na weteia natin Noa;

52 Ao e kanakoa te tua ae aki kona ni bitaki, bwa ^anikiran kanoana a na kuneaki n taai nako i buakoia botanaomata ni kabane, ngkai e teimatoa te aonaba;

53 Ao te Uea e taku: E na kakabwaiaaki are e na roko te Mesia rinanon kanoana; bwa e taku—Boni Ngai te ^aMesia, ^bUean Tion, ^cBwaan Karawa, are e raababa n aron ae aki totoki; ane e rin n te mataroa ao e ^dtamwarake mai irou e na aki kona ni bwaka; mangaia are, a na kakabwaiaaki naake I a tia n taekiniia, bwa a na roko ma ^eanenen te kimwareirei ae akea tokina.

54 Ao e koro bukina bwa Enoka e tang nakon te Uea, ni kangai: N te tai are e roko iai Natin te Aomata n te rabwata, e na motirawa te aonaba? I butiko, kaoti baikai nakoiu.

55 Ao te Uea e taku nakon Enoka: Taraia, ao e taraia ao e noora ^aNatin te Aomata bwa e tabekaki raki i aon te ^bkaibangaki, n aron kateia aomata.

56 Ao e ongo te bwana ae takarua; ao a rabunaki karawa; ao a bane a na karikibwai te Atua n tang; ao te aonaba e ^angirangira; ao a tabwenaua taian bwa; ao a ^bteiraki aomata aika itiaki, ao a ^cbaunaki i ^dangatain Natin te Aomata, ma taian bau aika mimitong;

57 Ao a bane ^atamnei ake n te ^bumwa ni kakain n otinako, ao a tei i angatain te Atua; ao nikiraia a kawakinaki n taurekereke aika roo ni karokoa te motikitaeka n te bong ae kakannato.

58 Ao e a manga tang Enoka ao e tang nakon te Uea, ni kangai: Ningai ae e na motirawa iai te aonaba?

59 Ao Enoka e noora Natin te Aomata n waerake nakon te Tama; ao e wewete nakon te Uea, ni kangai: Ko aki manga roko riki nako aon te aonaba? Ngkai e kakoauaaki bwa ngkoe te Atua, ao I ataiko, ao ko a tia n tuea nakoiu, ao n tuangai bwa N na bubuti n aran am Rikitemanna; ko a tia ni karikai, ao n anganai te inaomata nakon am kaintokanuea, ao tiaki i bon irou, ma rinanon am akoi; mangaia are, I titirakiniko ngkana ko na aki manga oki nako aon te aonaba.

60 Ao te Uea e taku nakon Enoka: N aron ae I maiu, ao N na bon oki ni ^aboong aika kaitira, ni bongin te buakaka ao te kabomwi, ni kakoroa nanon te tuea are I a tia ni karaoia nakoim ni kaineti ma natin Noa;

61 Ao e na roko te bong are te aonaba e na ^amotirawa, ma i mwaain te bong anne karawa a na ^bkarooaki, ao te ^crabuna ae te roo e na rabuna te aonaba; ao karawa a na ruru, ao te aonaba naba; ao karawawata aika korakora a na roko i buakoia natiia aomata, ma au aomata N na bon ^dkawakiniia;

62 Ao te ^araoiraoi N na karuo mai karawa; ao te ^bkoaua N na kaotinakoa man te ^caonaba, bwa e na kaota ^dkoauan au Rikitemanna; ^emangautina man te mate; eng, ao mangautiia aomata ni kabaneia naba; ao N na karaoa te raoiroi ao te koaua bwa a na taonaanako te aonaba n aron te ieka, ni ^fbotiia ake I rineia man mwakoron te aonaba ake aua, nakon te tabo are N na katauraoia, te Kaawa ae Tabu, bwa aonga au aomata ni kabaei nukaia, ao ni kakaantaninga au tai n oki; bwa ikekei e na mena iai umwau, ao e na aranaki bwa Tion, ^gIerutarem ae Boou.

63 Ao te Uea e taku nakon Enoka: Ngkanne ngkoe ao ni kabane am ^akaawa a na kaitibo ma ngaiia ikekei, ao ti na butimwaeia nako nanon bwanibwanra, ao a na noorira; ao ti na bwaka i aon roroaia, ao a na bwaka i aon roroara, ao ti na kaboria i marenara;

64 Ao ikekei e na riki bwa au maeka, ao boni ngaia Tion, are e na otirake man taian karikibwai ni kabane ake I a tia ni karaoi; ao i nanon te maan ae teuana te ^atenga te ririki te aonaba e na ^bmotirawa.

65 Ao e koro bukina bwa Enoka e noora te bong are e na ^aroko iai Natin te Aomata, ni boong aika kaitira, bwa e na maeka i aon te aonaba n te raoiroi i nanon te maan ae tenga te ririki;

66 Ma i mwaain te bong arei e noori karawawata aika korakora i buakoia ake a buakaka; ao e noora naba marawa, bwa e boni buaka, ao aomata a ^abwara nanoia, ni kakaantaninga ma te maaku ibukin ana ^bmotikitaeka te Atua ae Moan te Mwaaka, are e na roko i aoia ake a buakaka.

67 Ao te Uea e kaotii nakon Enoka bwaai ni kabane, ni karokoa tokin te aonaba; ao e noora aia bong ake a raoiroi, te aoa are a kaboaki iai, ao a karekea te ^akimwareirei ae bwanin.

68 Ao ana bong ni kabane ^aTion, n ana bong Enoka, bon tenibubua ao onobwi ma nimaua te ririki.

69 Ao Enoka ao ana aomata ni kabaneia a ^anakonako ma te Atua, ao e maeka i buakon Tion; ao e koro bukina bwa akea Tion, bwa te Atua e anaia nakon oin bwanibanna; ao man te tai anne e reke taekana aei, Tion e Birinako.