Te aro ni kukurei ae korakora ae reke man maiuakinan te raoiroi. Oin bukin te maiu n rabwata bwa a na bane aomata ni karekea te kimwareirei (2Nib. 2:22–25 ). Te kimwareirei ae bwanin e na ti reke rinanon Iesu Kristo (Ioane 15:11 ; R&B 93:33–34 ; 101:36 ).
I tuangngkami te rongorongo ae raoiroi ae kakimwareirei, Ruka 2:10 .
Akea ane anai kakatongami mai roumi, Ioane 16:22 .
Uan te Tamnei te tangira, te kimwareirei, te rau, Kara. 5:22 .
Te uaanikai aei e kaona tamneiu n te kimwareirei ae moan te bati, 1Nib. 8:12 .
A riki aomata bwa aonga ni karekea te kimwareirei, 2Nib. 2:25 .
Kimwareireia aika raoiroi e na onrake n aki toki, 2Nib. 9:18 .
A na maeka ma te Atua n te aro ni kukurei ae aki totoki, Mot. 2:41 .
N na anganiko au bwai ni kabane bwa I aonga ni karekea te kimwareirei ae korakora aio, Aram. 22:15 .
Bwa N na kona n riki bwa te bwai ni mwakuri i nanon bain te Atua bwa N na kairia aomata tabemwang nakon te rairannano, ao aio kimwareireiu, Aram. 29:9 .
Te kimwareirei tera, ao te ota ae tamaroa tera are I nooria, Aram. 36:20 .
Tamneiu e na kaona tamneim ma te kukurei, R&B 11:13 .
Ai korakora ra kimwareireimi ma ngaia n abanuean Tamau, R&B 18:15–16 .
N te aonaba aei kukureimi e aki bwanin, ma irou kukureimi e bwanin, R&B 101:36 .