Kaotioti ni boong aika kaitira a taekina moone n nanona aika uoua. Te moan, bon te tabo ni maeka n te aonaba n tamnei ae aki teimatoa ibukiia naake aki ongeaba n te maiu n rabwata. Nanona ikai bwa, moone bon iai tokina. Tamnei ake a mena ikekei a na reireinaki te euangkerio, ao tabeua te tai i mwin aia rairannano a na mangauti nakon te karinan ni mimitong are e tau ibukiia. Naake a rawa n raira nanoia, ma bon tiaki natin betetion, a na tiku i moone i nanon tain te Tenga n Ririki. I mwin nga n ririki aikai n te kammarakaki, a na mangauti nakon te mimitong n te teretio (R&B 76:81–86; 88:100–101).
Te kauoua, bon te tabo ae teimatoa ibukiia naake aki kabooaki n Ana Mwakuri ni Kamaiu Iesu Kristo. Nanona ikai bwa, moone e teimatoa. Bon ibukiia naake a kuneaki n “tiku ni kammaira” (R&B 88:35, 102). Aio te tabo ike Tatan, ana anera, ao natin betetion—naake a tia ni kaakea te Nati i mwin kaotakina iroun te Tama—a na maeka iai n aki totoki (R&B 76:43–46).
Koroboki aika tabu n tabetai e taekina moone bwa te rotongitong are iao.