Naaki índa Táá’ Silį́į’gi

Shik’is dóó shiláh, ahéhee’ nooyáhígíí díí 186 Nahááh Ntsáo Áłah Alééh Jesus Christ Binahágha’ Dayoodlą́ Íił-Kaajį’. Nihił hónishlǫ́nii baa shił hózhǫ́,dóó shi nihaa shił hózhǫ́ nóoyáhii.

Shí eíí áłah áleehgi nooyáhígíí baa shił hózhǫ́ áko yá’ąąshdę́ę́’ nihił hódooníh dóó aZhe’é Diyiníí dóó Átaa’ Jesus Christ áhanóo hólǫ́ǫ doo.

Díí kǫ́ǫ́ yah íije’ii, jó nihokáá’ ałhida’íildee’, dikwiishį́į́ dimííl Jesus Christ yikéé’ deiyíkáhígíí éí áłahjį’ béédaalnííh dóó bá ndaalnish yiká yił ahada’déest’ą́. Béésh ał’ąą’ át’áo choo’į́, óolkił ałha’-nil dóó nizáadę́ę ásdiid. Nihi t’áá łahí gone’ áłahjizlį́į́’ nahálingo áłah niidlį́.

Nídi ts’ída azhą́ yiwóhdi bízhi’ binahjį’ áłah siidlį́į́’. nihíTaa’ yee haadzí’ígíí eíí díijį́ nihokáá’góó azhą́ t’óó ahayóí bikéé’ naazį́, nihi tsį́į́jį’ íiyá. Bí 1829 bii’ áłch’į́įdi bikéé’ naazį́į íiłní, T’áa’aaníí, t’áa’aaníí, ánhidishní, … naaki índa táá’ shízhi’ yinahjį’, … jo’ákon,shí lá ákwe’é biníi’gi hó-nishłǫ́—azhą́ shí k’ad nihiníí’gi hónishlǫ́” (D&C 6:32).

K’ad t’áała’í índa naaki bilááh yilt’é, t’óó’ ahayóí díí áłah siidlį́į’gi bikéé’ yikáh, dóó bee ha’óozíi’ gi’át’áo, aTaa’ lá nihiníí’ hólǫ́. Bí náádiidzáh dóó bitsádi’nilííd silį́’ii biniinaa, Bí dabóodlá áłah danilį́į́góó dóo bits’íís yee yaa nádáa da. Nídi, Íi’sizį́ bibee’ádziil yee, nihi eíí díijį́ Bí nihił hólǫ́nii baa áko daníizin.

Háadi dóó hádą́ą́’ Yisda’iiníilii nihitsį́į́góó hólǫ́ǫ baa’ áko díniidzį́įłígíí nihi nihąąh silá. Bí díí yee na’neeztą́ą́’:

“Dóó náana, t’áa’aaníi ánhidishní, shik’is nóhłį́į, diidí bee ha’íisdzíí’ ga’ nihijéí biyi’dí baa nítsí-daahkées, jó shi díí be’él’į́į nihaa dini’ą́, nihi eíí nihitsį́į́góó hónishłǫ́ǫ shich’į’ yálti’—

“Shitsííjį’ áninááh dóó shí nitsííjį’ ádeeshááł; yéego hashinítah dóó shik’ídiinááł; yinkééd, dóó naadoolyééł; naníłtsin, dóó nich’į’ ’ąą’ ádoolnííł” (D&C 88:62–63).

Diné naakigo dííjį́ íistsą́’ígíí béé hasin éí bijéí yee nihik’í hozhdoodlíił nízin. Díí áłah yiidléehgo bí yéego bíTaa’ yitsį́įjį’ hidoo’áshígíí yidínóotah. T’áa’áłah shich’į’ í’iilaa—binaaltsoos ła’ dimǫ́ǫ bii’ náashnishgi shaa yi’nil—t’áa’ aheełt’áo shiká i’dóolwółnǫ́ǫ.

T’áa’áłah ánii Nahágha’ yidii’áázh dóó nigháidę́ę́’ t’áá beehózinóo nihíZhe’é Diyin God dóó biYe’, Jesus Christ, nihokáá’ Yisda’iinííł nilį́į be’ayóó’o’o’ní yaa ákoniizį́į́’. Bá yáłti’í Joseph Smith yee’ Diyin God bił yit’į́ áyooláo Nahágha’ niéidláhígíí eíí bił bééhózin dóó bibee’ádziil bi’ánditį́hí eíí baa na’nil. T’áa’áłah yaa ákoniizį́’íi eíí dííjį́ Nahágha’ bii’ bibee’áanditį́hí sínil. Shich’į’ t’áa’aaníí níigo í’iiláaígíí eíí ákot’éego bikáá’.

Yę́ęni’ t’áa’áłah eíí bíYaa’ ayóó’ayo’nínii yaa yinííł nilį́ dóó dóo ayóó’ábo’ní yilééh nízin. T’áa’-áłah yídinnízin, bijéí t’áa’át’é yee, shí bee biká adeeshwółgo bił hózhǫ́ dóó ayóó’ábi’dó’ní eíí Diyin God bił haz’ą́ąjį’ íi’aazhdą́ą́’ bee hólǫ́ǫ ńt’ę́ę́’. T’áa’áłah yináldzidígíí eíí t’áadoo Yisda’ii-nííł dóó Bí Nahágha’ ayóó’áyo’ní nasdlį́į́’góó, bidantáh dóó yii’ ch’éhe’aashííh náás be’óodlą’ yik’éh didóoleeł.

Dóo t’áa bí t’éiyá ákot’ée da, dóo ániidíí binítáah da. Bí nihokáá’ na’nítingo, Yisda’iinííł álastsii’ dóó k’e’diléhé bibee éé’diitįįh yaa hóolne’. Álastsii’ éí God bizaad át’é. nihíTaa’ éí k’e’diléhé nilį́. Álastsii’ éiyá łeezh át’éhígíí yinahjį’ dahídoonááł dóó dah dadínóosééł. Bízaad bénałnííh:

“Dóó k’e’diléego, ła’ álastsii’ bitáhiniidee’, dóó tsídii nehéest’a’ dóó dayooldéél:

“Ła’ hótł’izjį’ áhineezdéé’, ákwii dóo lą’í łéezh da: dóó t’áá haajéé’, dóo łéézh ditą́ą́góó biniinaa:

“Dóó jóhinaa’éí haayáo, dabíshch’il; dóó bikétł’óół ádaadinígíí bąą, t’óó ándaasdį́į́d.

“Dóó ła’ da’díjił yítah nídee’; dóó da’díjiłígíí haajéé’, dóó ałhá dabíznii’:

“Nídi ła’ łeezh yá’at’éhii yííh níidee’, dóó bineest’ą’ dah hazlį́į́’, ła’ neeznádiin, ła’ hastą́diin, ła’ tádiin.

“Hái bíjaa’ yee adíítsa’, bíne’ adiits’į́į́h” (Matthew 13:4–9).

Naaná, álastsíí’ Diyin God bízaa át’é. Łeezh diné bijéí át’é éí álastsíí’ biih yílts’i’.

T’áa’ániit’é dine’é nihiká ádiilwółnóo shích’į’ í’iiláaígíí bił ahádaniilt’é dóó bidínilkáál. Álastsii’ niháadahéesnil, éí doodáo God bizaad, hádą́ą́’shį́į́ nihijéí bii’ kéhideesyá. Ła’ éí, áłchiní daniidlǫ́ǫ nihiniséii tó biih nidi’dóoltééł dóó be’ádziil bééhólǫ́nii yee lą́ aslį́į́’. Nana ła’ éí God bá nida’nítiní ńdanihineeztą́ą́’. T’áa’ániit’é eíí álastsii’ yá’atééh daniizį́į́’, azhą́ nihijéí ąą kódaadzáa, dóó nihijéí bił dahóozǫ́ǫ́d dóó nihíni’ ąą kódaadzáá.

T’áa’ániit’é t’áá tsį́į́ł nihik’ihójisdli’óó nihe’óodlą’ bóhoneestą́ą́’, nihe’óodlą’ yidóołchǫ́ǫlíí yik’ijį’ háádaadzíh, ádiilzííh nihínitáh, dóó íshį́į́ bee ádaahódiiníhgo eíí biniinaa ch’ééh náás kwii’į́ dóó nihijéí bii’ t’áa bá hwíil’a’ da.

Háiishį́į́ bi’íłhózhó dóo yaa bił hózhǫ́ silį́į’go yee’ bik’idajójidlį́. Ła’ éiyá be’óodlą’ áádíiłgo dóo bił béédahózin da. Ch’į́įdii ayóó íłna’níł’į́. Bí dóo shił hózhǫ́ǫ da nízinígíí eíí baa nił hózhǫ́née táadoo biniiyéhi da yił ní.

Dííjį́ ałtso bee bich’į’ yáshti’íí eíí kodóó dikwiishį́į́ yiską́ąjį́’ nihijéó yilzhólí ídiilnílígíí bee niháhoo’a’ dóó ndoidiilyééł dóó baa áhwiilyą́ą doolééł. Álastsiił éí God bizaad át’é, dóó da’íists’ą’ígíí t’áa’áté bich’į’ kodoolnííł, yoo’į́į, dóó díí áłah siidlį’íí yaa da’íiłta’íí. Sin, yádaati’, dóó Diyin God bá naazį́į t’áa’aaníí aha’níigo hast’edayiiláii éí Diyin Íi’sizį́į yée hadeiineeztą́ą’go yinhjį’ saa ałkéé’ nidéiiznil. Díí áłah áleeh bich’į’ hoozhízhgo t’ah yíwóhgo yáá sodadóólzin.

Bí éiyá yaa sódadilzingo yinahjį’ bídziilgo bee hada’íínółnóo eíí nihijéí bii’ hazhó’ó bá dahwiidóół’áałgo Diyin God bizaad yá’at’éhii dinóosééł dóó bineest’ą’ hódooleeł. Íi’sizį́į bee íísíłts’ą́ą’go, nihijéí yilzhólí dooleeł, nihe’óodlą’ dóółdził, dóó nihiTaa’ bee ayóó’íínóh’níí ąą kodoonííł.

Nihijéí t’áa’at’é bee sódadółzingo díí áłah yiidléehgi nihiyí’di łáhgo ádoonííł dóó náás yoołkááł dóó náhidizííd.

Łą’í t’áá’ iidą́ą́’ ádabi’nóolaa. T’óó yá íijéé’góó, dóo t’óó sódizin dayísíłts’ą́ą’ da, nihe’óodlą’ bídéisółtsóódó eíí nihi yee’ Diyin Íi’sizį́į be’ak’ihójidlį́ nihił dahódoolééł. Nihi t’áá ííts’a’í Jesus Christ bízhi’ binahjį’ baa dánihine’ígíí booked, bitsį́įjį’ bee óokai. Díí be’áłah álééh. Diyin Íi’sizį́į t’éiyá nihiTaa’ nihá yinizį́nii nihéiidoolééł. Yee ayóó’ánho’ní binahjį’, Bí yee haadzi’íí baa’ ákodiníídzįįł.

“Ha’íshį́į́ yee hadáaszi’íi Diyin Íi’sizį́į yinahjį’ lá God bizaad at’ée doolééł, bíTaa’ yiníziníí at’é, bíTaa’ bíne’ at’ée doolééł, bíTaa’ bíinéé’ at’ée doolééł, dóó Diyin God be’ádziil bee yisdáa’adááh.

“Jo’ákon, díí nihíTaa’ yee nihich’į’ ádeehaadzíí’, O shá nidáałnishíí.

“Díí bąą, nihił dahózhǫ́, dóó t’áá ńdáałdzidí, Shí ga’ áTaa’ nihił hóshilǫ́, dóó nihíigha sézį́; dóó sháa ńda’íidoosoh, azhą́ Jesus Christ, Shí eíí Diyin God hináanii biYe’ nishłį́, Shí eíí nishłį́, Shí eíí ásht’į́, dóó Shí eíí deeshááł” (D&C 68:4–6).

Sódi’níilziił dóó ne’óodlą’ bee t’áá Diyin God yá sizį́į haadzíijį’ yigáałgo eíí áTaa’ Doctrine and Covenants section 50 góne’ yee háádzi’ę́ę be’dóolnííł:

“T’áa’aaníí ándishní, eíí shí hóosi’ígíí dóó saad t’áa’aaníí bee naz’nítin biká ahóół’a’íí Íłyóozyéél binahjį’, Íisizį́į bit’áa’aaníí bee, Íi’sizį́į bit’áa’aaníí yee na’nítin éí doodáo łáhgo át’áo?”

“Dóó éí łáhgo át’áogogo dóo Diyin God dę́ę’ da.

“Dóó naaná, eíí saad t’áa’aaníí baa yilyáii, Íi’sizį́į bit’áa’aaníí yee néidiiláo éí doodáo łáhgo át’áo?

“Łáhgo at’éegogo éí dóo Diyin God dę́ę’ da.

“Eíí bąą, ha’át’áosh dóo bik’idóohtį́į da dóó dóo nihił bééhózin da, diné eíí Íi’sizį́į yinahjį’ saad néidiiláii eíí Íi’sizį́į t’áa’aaníí yee na’nítinígíí yinahjį’ néidiilá?

“Díí bąą, diné eíí na’nítin dóó diné eíí néidiiláii, ałhidiits’a’, dóó t’áá áłah bił ch’i’didla’ dóó yaa bił hóózhǫ́ǫ́h” (D&C 50:17–22).

Sódadołzin nléí sin yee adaho’niitáaljį’. Bik’ehgo dahojitááł, dilní yee neenáii, dóó daho’niitálii sódadoozin dóó bijéí biyi’di sódadilzingo dáhatááł dóó be’óodlą’ binahjį’ eíí sin dóó saad nihijéí yilzhólí íidoolííł dóó binahjį’ ła’ diné be’óodlą’ dadínóosééł. bíTaa’ yidáah doonaazį́ nahálingo dahódootáł, dóó bił béédahódoozįįłii eíí nihíZhe’é Diyinígíí yee’ bidiits’á’ índa t’áa’at’é bisódizin. Áłhił ndáalnishgo Yisda’íinííł Emma Smith yee yich’į’ haadzí’ę́ę t’áa’aaníí behódoolnííł: “shi ga’ ajéí biyi’dę́ę́’ sinígíí baa shił hóneení, aoo’, diyin k’ehgo yigálii bisin bisódizin at’é, dóó bitsiits’íín bikáá’jį’ ak’ihójidlį́ kódeeshłííł” (D&C 25:12).

T’áá t’óó íisółts’ą́’í nidí adoot’áałgo ałdó’ sódołzin, nihi sódizin dóó bisódadizin yee’ nihí dóó bí nihik’idahózhdoodlííł. Nihí yee’ Yisda’íinííł be’ayóó’o’o’ní dóó bił t’áa’ákoígíí baa ákodinóosįįł. Áłtso yił yaa dahaníítíí eíí be’ayóó’o’o’ní bił dahódoolééł.

Nihí dah hastįį éí doodago azdzání yáłti’ígíí k’adę́ę ałtso hálne’go sódadi’nóołzį́į́ł. Hastįį éí doodago azdzání éiyá aZhe’é yich’į’ áyi’dóo sódilzin dooleeł áko Diyin Íi’sizį́į saa t’áa’aanínii eíí da’íists’ą́’ígíí bijéí, bilaanáá, dóó yinahjį’ áłahjį’ biYisda’iinííł yéé daalníih doolééł dóó bee haz’áanii dadíniilzin eíí niháayiiznil.

T’áa’aaníí hodooníidígíí dóo t’óó ahódzoolts’ą́ą’ da doo. Éí lá ts’ída t’áa’aanínii at’áo eíí shiká i’doolwół níigo sódilzinígíí Íi’sizį́į bijéí yiih yidoolééł, bee hódiyin k’eh óodááł, dóó Christ be’ayóó’o’o’ní niłtólígíí bił dahódoolééł.

Yádaałti’ígíí yee’ t’áa’aanínii baa hididoot’ááł. Bizáá t’áa dikwíhíhoo, nidí hójooba’go íists’ą́’íí bijéí biih dahidóolyééł jó díí áłah áleehgi Diyin God bizaad ts’ída yídin danilį́į́go nehéeskai.

Dine’é be’óodlą’ binahjį’ yá’at’éhígíí hayééhii shił bééhózin jó Íi’sizį́į áłah áleeh góne’ hólǫ́nii biniinaa. Dóo t’áałáhidi da, t’áa’aaníí bee haasdzígo bik’ijį’, “háiit’áosh ts’ída nísinígíí bee háinidzíí’?” ha’íísh bee haasdzíí’ dóola’ saad beneshnííh da. Saa t’áa’aanínii bee haasdzíí’, nidí aTaa’ éiyá áádi hólǫ́ǫ, saad shéiidini’ą́. nihíTaa’ saad t’áa’aanínii nihéiididoo’ááł ts’ída bídin niidzį’í góne’ (see D&C 24:6). Díí áłah áleehgi saa t’áa’aaníí yee hadahadzííhígíí hazhó’ó déiiyísółts’ą́ą́’—nihíTaa’ kǫ́ǫ́ hólǫ́ǫ doo.

Nihí baa’ ákonóhsinii eíí ts’ída baa hasne’ígíí nihił ch’ínish’ááh táa’aaníí baa ákoniizį́’ígíí bee. Nihísodizin bee shiká óojée’go saad t’áa’aanínii shaadeet’ą́ǫ eíí hastįį éí doodágo asdzání léí’ bina’ídikid yaa ákodinóozįįłígíí bił bééhódoozįįł.

Ts’ída baa ákoniizį́’ii eíí nihíZhe’é Diyiníí, Élohim ayóó’at’éii, ayóó’ánho’ní dóó nihéehósin, t’áá’ániit’é. Bí bik’éhgo, bíye’, Jehóvah, áda’iiláii nilį́. Shí eíí Jesus nléii Nazaréthdoo naagháii Diyin God bá yizhchį́. Kánaakáii nayíiłdzíí’, dóo da’óo’į́į da’óo’į́ ánayiidlaa, dóó ádaadin néidi-yiiłjéé’. Ázhe’é Diyin ba’áłchiní nihokáá’ ndaheezchį́į bibąąhí ałtso yik’é nini’ítłáh. Aniné bi’e’éstł’ǫ́ nihá yiyíizhnizh Bí T’ą́ą́chil áltsé damǫ́ǫ eíí yii’ náadii’na’. Bí díijį́ hiná, Diyin God nilį́—náadiidzá dóó ayóó’at’é silį́į́’.

Díí Nahágha’ t’éi táa’aaníí, dóó bí ts’ída yiníi’gi sizį́. Thomas S Monson ga’ nihokáá’ dine’é ałtso bá yich’į’ yáłti’. Yá yałti’í dóó bá naazį́į́ díí Áłah aléehgi átaa’ yá yadáałti’go dadidoots’į́į́ł. Bí bá nidáalnish, bi’óholnííh yaayiizlá. Bá nidáalnishii nihokáá’ yitsíjį’ yigááł. Díí shíł bééhózin. Dóó bízhi’ binahjį’ t’áa’aaníí, azhą́ Jesus Christ, áamen.