1 Daʼíísínółtsʼą́ą́ʼ, O elders shisodizinjí atah danohłínígíí, Diyin God hiináanii biinééʼ yee nihichʼįʼ haadzíʼígíí dadidoohtsʼį́į́ł; áádóó saad bee hódzáanii nihai yílyáhígíí bikʼeh dahonółʼį́, háálá bínidaʼádółkidígíí dóó sodizinjí bídadéétʼiʼígíí, áádóó iiʼ naazʼíinii nahasdzáán yikááʼgóó adahaaskaiígíí ałdoʼ bee lą́ daʼsoohłį́į́ʼ.

2 Áko shooh, tʼáá aaníigo nihichʼįʼ haasdziih, iiʼ naazíinii tʼóó ahayóí tʼóó ádaʼdilʼį́, éí nahasdzáán yikááʼgóó ndaakai, éí nihokááʼ dineʼé yindaʼaloʼgo yóóʼadeiyiilóós.

3 Áádóó ałdóʼ Chʼį́įdii nihiʼdiʼdoolohgo yíká átʼį́, áko éí nikʼehdidoodleeł biniyé.

4 Áko shooh, Shí, Diyin Bóhólníihii, hanihéésid, dóó sodizin shízhiʼ bee wóójiʼígíí tsʼídá aláahdi woolchʼį́dígíí biiʼ baa naʼaldeehgo yiiłtsą́.

5 Ákondi akééʼ naazíinii dóó hadaʼólnínígíí bikʼihozdoodliił, éí dahiináago éí doodago dah nídahidiikaigo, háálá éí hoolʼáágóó iiná baa dahidoolyééł.

6 Ákondi bindaʼadloʼii dóó tʼóó ádaʼdilʼíinii yíi bichʼįʼ kódadoolnííł, háálá, Diyin Bóhólníihii kóní, Shí bá ndahodeeshʼááł.

7 Áko shooh, Shí tʼáá aaníigo nihichʼįʼ haasdziih, tʼóó ádaʼdilʼínígíí nihitah hólǫ́, éí łaʼ diné yidaʼdeezloʼgo yóóʼ adeiyizhʼeezh, éí binahjįʼ chʼį́įdii bidziil silį́į́ʼ; ákondi shooh éí yáʼádaatʼéehii yikʼínáhidookah;

8 Ákondi tʼóó ádaʼdilʼíinii hadidoolʼį́į́ł dóó nahjįʼ kódabidiʼdoolnííł, éí dahiináago doodago dah nídahidiikaigo, tʼáá shí íínisinígíí bikʼehgo; áádóó yíiyá shisodizindóóʼ chʼídabidiʼnolkaadígíí, háálá éí éiyá nihokááʼ bikáaʼgi doo yáʼátʼéhígíí bikʼeh dadidoodleeł.

9 Ákohgo, tʼáá ałtso diné ádaaʼákonídzin leʼ áko doo shidááhdóó tʼáá aaníinii dóó doo yáʼátʼéehii ádeidoolííł da.

10 Áádóó kʼad hágo, ní Diyin Bóhólníihii, Iiʼ Sizį́ Diyinii binahjįʼ, éí elders bisodizinjí daʼatahígíí ííłní, ahił ndahwiitʼáa doo, áko akʼedaʼdidoohtį́į́ł;

11 Ahił ndahwiitʼáa doo nááná łaʼ diné ahił nahaʼáhígiʼ átʼáo.

12 Ákohgo, diné nahaʼáago éí dinéhígíí bikʼidiitʼįįh doo, háálá dinéʼgiʼ átʼáo nahaʼáhígíí biniinaa; áádóó Shí ałdóʼ tʼáá ákótʼée doo, Diyin Bóhólníihii nishłíinii, nihił nahashʼáago bikʼidaʼdoohtʼįįh doo.

13 Ákohgo, Shí Diyin Bóhólníihii díí bee nanihídíshkid—haʼátʼíísh bindadoołnishgo bee nihikʼidahodiiniiʼ?

14 Iiʼ Sizį́ Diyinii binahjįʼ shisodizin bee yisdáʼiildéehii bee ndaʼdinóohtʼįįł, Aaʼáhályáanii tʼáá aaníinii yee nanihidínóotįįłgo nihichʼįʼ kólyaaígíí bee ndi.

15 Áádóó iiʼ naazíinii doo bikʼidaʼdoohtįįhígíí baa ákodanoozį́į́ʼ, áádóó éí Diyin God bitsʼą́ą́dóó ádaatʼį́ danohsin; dóó díí kótʼáo baa ntsídaahkeesígíí éí shił tʼáá ákótʼé?

16 Áko shooh díí naʼádíkid tʼáá nihí baa nihił béédahodoozįįł; ákótʼée ndi, Shí nihaa jideeshbaał; nihitahdóó doo dabidziilii éí díí bikéédóó dabidziilgo ádabidiʼdoolnííł.

17 Shí tʼáá aaníigo nihichʼįʼ haasdziih, háiida yíísį́į́ʼgo dóó Aaʼáhályáanii binahjįʼ tʼáá aaníinii yee naʼdínóotįįłgo abiʼdoolʼaʼgo, éí Iiʼ Sizíinii tʼáá aaníinii ííshjáá áyoolíiłii bee, eiísh Iiʼ Sizíinii tʼáá aaníinii ííshjáá áyoolíiłii bee éí doodago daatsʼí nááná łaʼ bikʼehgo?

18 Áádóó nááná łaʼ bikʼehgo éí doo Diyin God bitsʼą́ą́dę́ę́ʼ átʼée da.

19 Áádóó áłdóʼ, háiida saad tʼáá aaníinii bee yílyáago, eiísh Iiʼ Sizíinii tʼáá aaníinii ííshjáá áyoolíiłii éí doodago daatsʼí nááná łaʼ bikʼehgo baa yílyá?

20 Nááná łaʼ bikʼehgo beiyílyáago éí doo Diyin God bitsʼą́ą́dę́ę́ʼ átʼée da.

21 Éí bąą, áko haashąʼ yitʼáo doo bikʼidaʼdootįįh da dóó doo nihił béédahózin da, tʼáá háiida Iiʼ Sizíinii tʼáá aaníinii ííshjáá áyoolíiłii bee bił hoolnihgo éí Iiʼ Sizíinii tʼáá aaníinii ííshjáá áyoolíiłii bitsʼą́ą́dóó átʼée doo?

22 Ákohgo, tʼáá háiida naʼnitingo dóó tʼáá háiida tʼáá aaníinii beiyílyáago, tʼáá áłah ałkiʼidiitįįhgo, áádóó tʼáá áłah tʼáá íiyisíí bił hózhǫ́ǫgo bidziil dooleeł.

23 Áádóó nihiʼoodląʼ doo bidziil áyoolííłgóó éi Diyin God doo bitsʼą́ą́dę́ę́ʼ átʼée da, éí éíí chahałheeł bitsʼą́ą́dę́ę́ʼ átʼé.

24 Áko Diyin God bitsʼą́ą́dę́ę́ʼígíí éí adinídíín átʼé; áádóó tʼáá háiida adinídíín beiyílyáago, dóó tʼáá Diyin God yikééʼ sizį́įgo, éí adinídíín tʼáá náás baa halyée doo; áádóó éí adinídíínígíí hózhǫ́ bitsʼáʼdinílííd yileeh doo éí adidiʼdlaʼígíí bee hoolʼįįhgo jį́ haaltʼéhígíí yileeh.

25 Áádóó ałdóʼ, Shí tʼáá aaníigo nihichʼįʼ haasdziih, dóó tʼáá aaníinii nihił bééhodoozįįł biniyé bee nihił hashneʼ, áko nihitahdóó chahałheeł nahjįʼ kódadoohłííł;

26 Tʼáá háiida Diyin God bíísį́ʼígíí dóó abííłʼaʼígíí, tʼáá éí aláahdi bóhólníihgo bikʼihodidoonih, azhą́ ákótʼée ndi tsʼídá aʼoh dinéhígíí dóó tʼáá ałtsoní yá naalʼaʼí nilį́į doo.

27 Ákohgo, doo haʼátʼíhída yídin nilį́į da doo; háálá tʼáá ałtsoní yikʼi bóhólnííh, tʼáá áłah yáʼąąshdi dóó nahasdzáán bikáaʼgi, binahjįʼ daʼíináanii dóó daʼdinídíinii, Iiʼ Sizį́ Diyinii dóó adziilii, éí aTaaʼ yinízinígíí biYe, Jesus Christ binahjįʼ adahwiisʼáágóó kólyaa.

28 Ákondi diné doo łaʼ haʼátʼíhída yídin nilį́į da doo tʼáá hazhóʼí bąąhági ádaatʼéii tʼáá átʼé nahjįʼ bąąh tánásgiz dóó chin bąąh yildeeʼgo índa.

29 Áádóó bąąhági ádaatʼéii tʼáá átʼé naah tánásgiz dóó chin naah yildeeʼgo, Jesus bízhiʼ binahjįʼ tʼáá haʼátʼíhída bííníkeedgo éí bee ná lą́ adooleeł.

30 Ákondi díí nihił béédahózin doo, deiyínóhkeedígíí bee nihił dahodoonih; áádóó alą́ąjįʼ nihídahólníihgo bee nihikʼidahodidoonih, áko iiʼ naazíinii nihikʼeh dahółʼį́į doo.

31 Ákohgo, baa hodoolzhish, iiʼ sizíinii nihichʼįʼ ííshją́ą́ áʼdiilyaago dóó doo bikʼidoohtʼįįhgóó, dóó éí iiʼ sizíinii doo nihidiisnááʼgóó, éí Jesus bízhiʼ binahjįʼ aTaaʼ nabidídóołkił; áádóó éí iiʼ sizíinii doo nihidiisnááʼgóó, áko índa nihił béédahózin doo éí Diyin God doo bitsʼą́ą́dę́ę́ʼ átʼée da.

32 Áádoó iiʼ sizíinii bikʼi nihidziilgo, ánihidiʼdoolnííł; dóó iiʼ sizíinii bikʼijįʼ yéego nihinééʼ diitsʼaʼgo éí Diyin God doo bitsʼą́ą́dę́ę́ʼ átʼée da dadidoohniił—

33 Bá adahoołteehgo éí dooda, áko doo nihikʼeh didoodleeł da, bee ádaahaʼniih éí doodago íiyisíí baa nihił dahózhǫ́ǫgo éí ałdó dooda, áko nihoołtsóód lágo.

34 Háiida Diyin God bikáʼalwodgo, éí Diyin God bitsʼą́ą́dę́ę́ʼ shaʼnídéél níi doo; áádóó Diyin God haʼahódlíigo haa ntsákeesígíí binahjįʼ haʼnídéélgo baa hojiniih doo.

35 Áádóó nihaa dahaasyáhígíí yéego bikʼeh dahonółʼį́įgo dóó ádaałʼį́įgo, náasdi łaʼ nihaa náádadoolyééł—áádóó aTaaʼ bił hazʼánígíí niheididooʼááł, áádóó tʼáá ałtso doo yee nihoníʼánígíí bikʼeh dadidoohdleeł—

36 Áádóó áko shooh, Shí tʼáá aaníigo nihichʼįʼ haasdziih, áko kʼad shá naalʼaʼí díí shizaad yee haadzíʼígíí deisínółtsʼą́ągo nihikʼihojídlíi doo, háálá nihibąąhági ádaatʼéii nihá yóóʼadidootʼááł.

37 Bíniʼdii shá naalʼaʼí Joseph Wakefield, éí tʼáá íiyisíí baa ahééh nisin, dóó shá naalʼaʼí Parley P. Pratt yił sodizin daʼatahígíí yitah naaʼaash doo dóó saad bee chánah ádaʼaleʼígíí yee dabidziilgo íídoolííł;

38 Áádóó shá naalʼaʼí John Corrill ałdóʼ, éí doodago ląʼígo shá ndaalʼaʼí díí yindadoolnishígíí bichʼįʼ dabiʼdiilzį́į́ʼ, dóó bíniʼdii dáʼákʼehgi nidadoolnish; dóó naanish baa híláhígíí ádeeléehgo díné doo łaʼ bichʼą́ą́h adoogáał da—

39 Ákohgo, shá naalʼaʼí Edward Partridge díí biniinaa doo tʼáá áko iilaa da; ákóʼtée ndi bíniʼdii ádaa ńaʼiidookąął dóó baandiʼdootʼááł.

40 Áko shooh, nihí áłchíní yázhí danohłį́ dóó kʼad tʼáá áłtsoní dah deinółéehgo doo bideinóhah da; diyingo ajoobaʼ áádóó tʼáá aaníinii nihił béédahózingo dadínóohsééł.

41 Áłchíní yázhí danohłíinii, tʼáadoo nídaałdzidí, háálá tʼáá anółtso shí daasoolį́į́ʼ, Shí nihokááʼ bił nidahaztʼiʼii bikʼeh díshdlį́į́ʼ, áádóó nihí éí shiTaaʼ yee shaa joozbaʼígíí ádaahtʼį́;

42 Áádóó shiTaaʼ sheinínilígíí ádin doo łaʼ yóóʼadoogáał da.

43 Áádóó aTaaʼ nilíinii dóó Shí éí tʼááłáʼí bee niidlį́. Shí aTaaʼ nilíinii bił honishłǫ́ dóó aTaaʼ nilíinii éí shił hólǫ́́; áádóó tʼáá dashoodlą́ągo, shił dahonohłǫ́ dóó Shí nihił honishłǫ́.

44 Ákohgo, nihitah honishłǫ́, áádóó Shí éí Yáʼátʼéehgo Dibé Yaa Áhályáanii, dóó Israel bitsé nishłį́. Tʼáá háiida díí tsé yikááʼ haʼaztłʼinígíí iiníziin doo bikʼeh didoodleeł da.

45 Áádóó áajįʼ ayííłką́ągo shinééʼ dadidoohtsʼį́į́ł dóó dashidoołtsééł, áádóó hiinishnánígíí nihił béédahodoozįįł.

46 Hadaʼoohsííd, áko, hashtʼeʼádadínóhsin doo. Tʼáá ákótʼée doo. Amen.