Sie Puhla Kuh nuh Lohm ah

Apkuhran yac siofok tari ac, sie sucu fin acn Oregon som muhtwacta fin acn Indiana—sun mael 2,000 (3,200 km) liki lohm selos—ke tuhlac kosro nahtuhlos, pahngpahng Bobbie. Sucu ahsor sac suk kosro soko ah acn nuh kwewa tuhsruhk tiacna konwacack. Bobbie soko ah tiac kuh in konweyuckyak.

Inse ahsor, elos fohlohk nuh lohm selos ah, mael nuh ke mael elos fahsr liki kosro wolacna nahtuhlos.

Mahlwem ohnkohsr tok, sucu sac lut in konwaclwack Bobbie ye yenfan ke lohm selos fin acn Oregon. “Fohkfohk, masrinsracl, ac niyacl kihneta atacn—[el] fahsr lusac na loes se… el sifacna tuhkuh.”¹ Sramsram kacl Bobbie fahsrwelihk nuh yurin mwet fin acn Macrike nohfohn, ac eklac inel in pahngpahng Kosro Wolacna.

Bobbie el tiac pa kosro soko na suc ahklutye science ke etuh lalos in konwacack innek nuh ke lohm selos ah. Kuhtuh u luhn butterfly pahngpahng monarch kahsruhsr sun mile 3,000 (4,800 km) kais sie yac nuh ke acn wowo in moullac. Leatherback ngoe uh som liki Indonesia ke meoa Pacific nuh California. Humpback loat uh kofkof som liki kof mihsrihsr ke acn North ac South Poles nuh ke equator ac fohlohk. Sahp mwe lut yohk, arctic tern uh sohk som liki acn Arctic Circle nuh Antarctica ac fohlohk ke kais sie yac, sun mael 60,000 (97,000 km).

Ke science lutlut ke ohiyac se inge, elos siyuck selos sifacna: “Elos etuh fuhkah acn elos in som nuh we?” ac “Ac kais sie fihl etwaclah ohiyac se inge fuhkah?”

Ke nga riti ke ohiyac fokoko se luhn kosro uh inge, nga tiac kahsruh tuhsruhk nuhnkuh, “Kuh mwet uh kuh in puhla oacna inge—sie kahsruh ma kol ke insiyac, fine nga kuh in kaliyac—ma kohlohlos nuh ke lohm inkuhsrao selos?”

Nga luhlahlfongi lah mukul, muhtwacn, ac tuhlihk nuh kwewa puhla pahng inkuhsrao ke pacl nuh ke pacl ke moul lalos. Pwacye insiyacsr pa puhla in suk in som liki mwe lihsrlihsr ac sruokyac Pahpah Ninac Inkuhsrao kuht etuh ac luhngse yohk uh.

Kuhtuh mwet uh srihke in fihliyac puhla se inge ac uniyac nguhn lalos ke pahng la uh. Tuhsruhk elos suc tiac kuhnaus kahlwem se inge ke insiyaclos kuh in muhtwacwack ke sie fuhfahsryucsr na wowo—fuhfahsryucsr wolacna nuh inkuhsrao lucng.

Pweng wowo se ke Alu luhn Jisus Kraist luhn Mwet Luhlahlfongi ke Lwen-Sahflah pa lah God pa Pahpah tuhmasr, lah El luhngse kuht, ac lah oasr inkacnek in fohlohk nuh Yohrohl.

God El pahngon kom.

God El etuh nuhnak nuh kwewa lom, ahsor lom, ac finsrak yohk lom. God El etuh pacl pucspucs kom Sokol. Pacl pucspucs kom tuhng in ahsor. Pacl pucspucs kom puhla engan yohk. Pacl pucspucs kom puhla lah wacngihn kahsruh, fohswack, kuh muhlat.

Tuh, finne sramsram keim met—fin kom puhtatlac, suhfal, puhla muhsahlah, muhlat, tuhkahkyak, kuh kuhnausyucklac—etuh lah kom tiac muhkwena. God El srackna pahng nuh sum.

Mwet Lahngo El kohllah pahol nuh sum. Ac, oacna El oruh nuh sin mwet pahtuhr suc tu yac pucspucs tari ac sisken Luhluh Galilee, ke luhngse ma pahtpaht El sramsram nuh sum: “Fahsru, fahsr tukuk.”²

Fin kom ac Lohngohl, El ac sramsram nuh sum ke lwen se inge.

Ke kom fahsr inkacnek luhn mwet tuhma lutlut—ke kom muhtwacwack in som nuh yurin Pahpah Inkuhsrao—oasr ma se ke insiyom me ahkpwacyeye nuh sum kom lohngwack pahng luhn Mwet Lahngo ac fihliyac insiyom nuh ke kahlwem. Ma se inge fah fahk nuh sum lah kom oasr ke inkacnek pwacye ac kom ac fohlohk nuh lohm ah.

Ke muhtwacwackiyacn pacl uh, mwet pahluh luhn God kwacfe mwet ke pacl lalos in “aksol, … liyaung ma sap nukewa ma simla … , [ac] forla nu sel ke insiowos nufon.”³

Ma suhmuhslah luti kuht tausin ke srihpac lah efuh kuht in oruh ma inge.

Mihsenge, lwelah nga in sang srihpac luo lah efuh kuht in forlah nuh sin Leum.

Ma se met: moul lom fah wolac.

Ahk Luo: God El orekmakihn kom in ahkwoye moul luhn mwet sahyac in wolac.

Nga fahkwack lah ke kuht muhtwacwack kuh tahfwelah fuhfahsryucsr fokoko ma kol nuh yurin God, moul lasr fah wolac.

Ma inge tiac kalmac pa moul lasr uh fah sukohsohklah liki ahsor. Kuht nuh kwewa etuh ke mwet tuhma lutlut luhlahlfongi luhn Kraist ma kweokkihn ma upac ac ma sesuwohs uh—Jisus Kraist El sifacna kweok yohk liki mwet nuh kwewa sahyac. Oacna God El oruh “faht uh in sreya mwet koluk ac mwet wo oacna sie,” El oacyacpac lwelah mwe lokoalok yohk in srihke mwet wo ac mwet koluk.⁴ Pwacye, kuhtuh pacl uh oacna in moul lasr uh pa upac emet uh mweyen kuht srihke in muhta na in luhlahlfongi lasr uh.

Mo, ukwe Mwet Lahngo ac tiac eslah ma upac lom nuh kwewa. Tuhsruhk, ma inge fah eislah mwe kohsrkohsr inmahsrlom ac kahsruh Pahpah tomom Inkuhsrao El kena usot nuh sum. God El ac oasr yurum. El ac kol fahsr lom. El ac fahsr siskom ac sruokowi ke pacl enenuh yohk lom.

Kom fah puhla fahko luhn nguhn: “lungse, engan, misla, mongfisrasr, kulang, orekma wo, [ac] oaru.”⁵

Fahko luhn nguhn inge tiac tuhkuh liki ma luhn mahno, orekma, kuh mwe kahsruhp. Elos tuhkuh ke ukweyacn Mwet Lahngo, ac elos kuh in tuhkuh ke luhlahlfongi lasr finne pacl pahkah lohsr emet lasr uh.

E ac ma upac luhn moul in mahno uh kuh in ahksahngwengye ac kuhmahkihn, tuhsruhktuh elos suc sang insiyaclos nuh sin God fah muhta inmahsrlon mihs Lal. Engan lalos fah tiac srihkweni. Elos fah tiac fihliyucklac kuh muhlkihnyucklac.

“Lulalfongi Leum God ke insiom kewa;” ma suhmuhslah luti, “Nimet lulalfongi etu lom sifacna. Esam leum God in ma nukewa kom oru, ac El ac fah akkalemye inkacnek suwohs nu sum.”⁶

Elos suc lohacng nuh ke pahng luhn insiyac ac suk God uh, elos suc pruhe, luhlahlfongi, ac fahsr ke inkacnek Mwet Lahngo El ahkolah uh—finne elos tahfonglac ke inkacnek uh kuhtuh pacl—eis puhla in ahkkweye ac mihs lah “ma nuhkwewa fah oreklac wo nuh selos sifacna.”⁷

Ke God El “akkeyalos su munas ac totola.”⁸

“Finne pus pacl sie mwet suwohs el ikori, el ac sifil tuyak.”⁹

Ac Leum ke kuhlwacng Lal siyuck:

Kuh kowos luhngse puhlakihn engan ke muhtweng?

Yac kowos puhla ke insiowos na pwacye mihs ma tiac kuh in ahkuhtweyucki?¹⁰

Na furohklah nguhnum nuh ke kahlwem.

Sramtweack fuhfahsryucsr wolacna lom nuh lohm ah.

Ke kom oruh ohinge, moul lom fah wolac, enganwack, ac yohkwaclihk srihpac.

Ke fuhfahsryucsr lom in fohlohk nuh yurin Pahpah Inkuhsrao kom ac sa in akihlen lah fuhfahsryucsr se inge tiac pa na in lohacng ke moul lom sifacna an. Moh, inkacnek se inge kol kom in eklac sie mwe insewowo nuh ke moul luhn tuhlihk nuhtin God—tamuhlwel ac tahmtahel wiyom. Ac ma wowo ke fuhfahsryucsr se pa ke kowos kuhlwacnsuhpuh God, ac ke kowos karihngihn ac kahsruh mwet lom, kom ac liye kapwack luhn moul lom sifacna, ke atac kom tiac kuh in kahlwem kac.

Sahp kom tiac nuhnkuh keim sifacna muh kom kuh in kahsruh; sahp kom tiac nuhnkuh keim sifacna muh kom mwe insewowo nuh ke moul luhn mwet sahyac. Pacl puhs, ke kuht liye kuht sifacna, kuht liye stuhuh ac koluk lasr. Kuht kuh in nuhnkuh muh kuht enenuh in oruh yohk liki pac na God El kuh in orekmakihn kuht—suhmaht yohk, kahsruhp yohk, luhngseyuck sin mwet, kuh in oruh ma puhkantwen yohk, puhla nguhn yohk. Mwe insewowo fah tuhkuh yohk tiac ma ke ma kom kuh in oruh tuhsruhk ma sulwaclah lom. Ac God ma Pahtpaht ac fah orekma ke insiyom ac keim, ahkyohkye orekma lom nuh ke luhngse Lal.

Orekma Lal kapwack ke ip yohk srihpac se inge: Ke ma srihk sikyak ma yohk.¹¹

Ke sihm nuh sin Mwet Luhlahlfongi fin acn Corinth, Paul el akihlen lah suhpuhs selos ac motkweyuck muh suhmaht ke ip yohk luhn facluh. Tuhsruhk ma inge tiac yohk srihpac, mweyen “God El tuh sulela ma faclu pangon ma lalfon in akmwekinye mwet lalmwetmet, ac El sulela ma su faclu pangon mu munas in akmwekinye mwet ku.”¹²

Sramsram mahtuh ke orekma luhn God sesseslah ke mwet pucspucs suc pahnglolos sifacna muhnahs. Tuhsruhk elos kuhlwacnsap ke inse puhsisacl, ac luhlahlfongi ke pahkomuhta luhn God ac olwelah Lal lah paholos fah paho Lal, ac El pa mwe loang lalos… , ac elos mweun ke kuh lalos Kacl ac El fah karuhhnganuhlos.¹³

Summer ma tuhfahna tari ac sucu luhk eis sie pacl wo in muhtwacta ke acn ma yohk srihpac ke sramsram mahtuh luhn Alu uh fin acn eastern United States. Ke atac na wo se, kuht moulkihn sramsram mahtuh ke pacl met ah. Mwet ma nga riti yohk kac—oacna Martin Harris, Oliver Cowdery, ac Thomas B. Marsh—eklac pwacye nuh sik ke kuht fahsr ke acn elos fahsr ac motko ke kihsac elos oraclah in muhsaheack tohkohsrah luhn God ah.

Oasr ma pucspucs selos ma lwelah elos in oruh orekma yohk nuh ke fohlohkyak luhn Alu luhn Jisus Kraist. Tuhsruhktuh elos mwet pac, muhnahs, ac kuh in puhtatlac—oacna kom ac nga. Kuhtuh selos konwaclosyak sifacna tulokihn luhlahlfongi lalos kacl Mwet Pahluh Joseph Smith ac forlah liki Alu uh. Tohkoh, mwet puhs inge eklac ke insiyaclos, ac ahkpuhsisaclyaclos, ac sulpac suk ac konwacack in wi mwet Luhlahlfongi ac.

Kuhtuh pacl kuht ac puhla in nuhnuhnkuh tamuhlwel inge ac mempucr sahyac oacna elos. Sahp kuht ac fahk, “Nga fah tiac laenuhl Mwet Pahluh Joseph.”

Sahp ma inge pwacye, kuht nihkihn na pwacye lah fuhkah moul ke pacl sac, in ohiyac elos moulkihn. Mo, elos tiac suwohs, tuhsruhktuh fuhkah woiyac in etuh lah God El kuh orekmakuhnuhlos na. El etuh fokoko ac muhnahs lalos, ac El sang nuh selos srihpac wolacna in sang sie fuhs kuh sie puhsra nuh ke Fohlohkyak wolacna luhn Alu uh.

Fuhkah woiyac in etuh, finne kuht tiac suwohswohs, fin insiyacsr forlah nuh sin God, El ac fah kuhlwacng ac orekmakihn kuht ke srihpac Lal.

Elos suc luhngse ac kuhlwacnsuhpuh God ac mwet sahyac ac ke insepuhsisacl ac orekma wo ke orekma Lal, fah liye ma wolacna sikyak ke moul lalos ac ke moul luhn mwet elos luhngse.

Sruhngucl ma oacna in kaul fah ikacklah.

Lihpufacn fah fahsr met luhkwelos ac ahkolah inkacnek uh.

Wacngihn ma ke orekma lom fin facluh kuh ke Alu uh, God El ac fah orekmakihn kom, fin kom luhngse. El ac fah ahkyohkye luhngse suwohs lom ac ekuhllah mukwikwi in pahkotwen kom tahknwelihk nuh ke sie kosracni luhn ma wowo.

Kuht, kais sie sesr, “mwet fahsr su muta sayen acn selos”¹⁴ fin facluh se inge. Ke ohiyac pucspucs, kuht loeslac liki lohm ah. Tuhsruhk tiac kalmac pa kuht in puhla tuhlac kuh muhkwena.

Pahpah Tuhmasr Inkuhsrao wolacna El use nuh sesr kahlwem luhn Kraist. Ac ke insiyacsr kais sie, oasr puhla inkuhsrao me ma kwacfe kuht in furohklah muhtahsr ac insiyacsr nuh Sel ke kuht fuhfahsryucsr fohlohk nuh ke lohm celestial lasr.

Ma inge enenuh kuh lasr. Kom tiac kuh in sun acn we fin kom tiac suk in luti Kacl, kahlwem ke ma sap Lal, orekmakihn ke kuh, ac fihliyac niyac se met liki niyac se sahyac an.

Mo, moul uh tiac pa stosah sifacna kahsruhsr soko. Tiac pac pa aksohk sifacna sohk soko.

Kom tiac kuh in pahtpaht fin kof luhn moul ac luhlahlfongi lah acsr uh fah us kom nuh ke acn kom finsrak in oasr we sie lwen. Mwet Tuhma Lutlut enenuh insese lasr in kofkof ke kuhiyacsr nohfohn ke pacl enenuh uh.

Wacngihn mwet sahyac ac liyacacng fuhfahsryucsr lom sifacna an. Mwet Lahngo El ac kahsrwekom ac ahkolah inkacnek met liki kom, tuhsruhk olwelah in Ukwacl and ahkos ma sap Lal enenuh in tuhkuh sum. Pa ingacn orekma lom, luhngse Lal keim.

Pa inge fuhfahsryucsr sacohk lom.

Nuhnak muhnahs lohacng nuh ke pahng luhn Mwet Lahngo lom.

Fahsr Tohkohl.

Leum El akiyac Alu luhn Jisus Kraist luhn Mwet Luhlahlfongi ke Lwen-Sahflah in kahsrekom ke olwelah se inge in kuhlwacnsuhpuh God ac mwet sahyac. Srihpac la uh pa in kwacfe, luti, tuhkasack, ac pihrihk. Alu wolacna se ngwe usot pacl wo kowos in srihke in pahkomuhta, saplaklac nuh sin mwet sahyac, ac ahksasucye ac karihngihn olwelah muhtahl. Ma inge oreklac in ahkinsewowoye moul lom ac ahkkweye lohm sum, ac acn lom.

Tuhkuh, wi kuht ac luhlahlfongi ke Leum. Sang talan lom nuh ke orekma sacohk Lal. Fihliyac poum, kwacfe, ahkkweye, ac kahsruh mwet nuhkwewa suc kena in puhla ac lohacng nuh ke puhla luhn inkuhsrao. Lwelah kuht in fahsrweni ke fuhfahsryucsr wolacna se inge nuh inkuhsrao.

Wosasuc se inge pa pweng luhn finsrak, puhla wo ac engan. Pa inge inkacnek ma kol kuht nuh lohm ah.

Ke kuht sruokyac wosasuc ke luhlahlfongi ac orekma kais sie lwen ac kais sie ao, kuht ac fototo nuh sin God lasr. Moul lasr fah wolac, ac Leum El ac orekmakihn kuht ke atac wolacna in ahkinsewowoye mwet siskacsr ac oraclah srihpac ma pahtpaht Lal. Ke ma inge nga fahkwack ac fihliyac mwe insewowo luhk ke ine muhtahl luhn Jisus Kraist, amen.