Asɔr no ne Dzin a Ɔtsen

Mo nuanom na nkyerɛbaa adɔfo, Ahomgyeda fɛɛfɛw yi yɛbɔmu dzi dɛw wɔ hɛn nhyira ahorow a ofi Ewuradze hɔ. Hɛn enyisɔ hom dasegye wɔ Jesus Christ N’asɛmpa a wɔdze asan ananmu aba no, hom afɔrbɔ hom ayɛ dze atsena anaa hom dze asan aba N’ahyɛmu kwan no do, na hom etuhoakyɛ som ma N’Asɔr no ara yie.

Ndɛ metse dɛ ɔwɔ dɛ menye hom pɛnsampɛnsam asɛm bi a no ho hia mu ara yie. Adapɛn kakra a abɛsen no, medze nsɛnkã bi too gua ɔfa kwan a yɛdze bɛtsen Asɔr no ne dzin.¹ Meyɛɛ iyi osiandɛ Ewuradze dze hyɛɛ m’adwen mu, hia a N’Asɔr ne dzin a Ɔhyɛɛ ho ɔmom no hia, Jesus Christ N’Asɔr a ɔwɔ hɔ Ma Nda a Odzi Ekyir Ahotseweefo no mpo no.²

Dɛ mbrɛ hom enyi bɛda kwan no, asɛm yi na yɛbea nsakyeree kwankyerɛ no ho mbuae³ no edzi afora. Asɔrmba dodowara na ntsɛmara wɔsesaa Asɔr no ne dzin wɔ hɔn internet nkyerɛwee na social media nkrataafa do. Binom ɔyɛ hɔn ahobow dɛ dza ɔrokɔ do wɔ wiadze yi mu no, ɔbɛyɛ ehiadze dɛ yebetsĩ mu akã dza “ho nnyi mfaso” koraa no. Na binom see dɛ wonnkotum ayɛ, ntsi dɛn ntsi na wɔnyɛ hwɛ mpo? Hom mma me nkyerɛkyerɛ mu saintsir a asɛm yi hia hɛn kɔ bun mu no. Mbom mendzi kan nkã dza mbɔdzembɔ yi nnyɛ:

• Ɔnnyɛ dzin nsesã.

• Ɔnnyɛ dɛ wɔredan no fofor.

• Ɔnnyɛ enyimsiesie ara.

• Ɔnnyɛ dza wɔanndwen ho yie.

• Na ɔnnyɛ dza ho nnyi mfaso.

Mbom ɔyɛ ntsetsenee bi. Ɔyɛ Ewuradze Ne mbrasɛm. Joseph Smith annto Asɔr no a wodua no mu dze sanee bae no dzin; nna Mormon so annyɛ dɛm. Agyenkwa Ɔnoara na Ɔsee dɛ: “Na dɛm na wɔbɛfrɛ m’asɔr wɔ nda a odzi ekyir no mu, Jesus Christ N’asɔr a ɔwɔ hɔ ma Nda a Odzi Ekyir Ahotseweefo no mpo.”⁴

Tsetse no mpo, wɔ Christ N’awoo ekyir afe 34 no, Hɛn Ewuradze a Ɔasoɛr no maa asɔrmba a wɔwɔ N’Asɔr no ahyɛdze kor yi ara ber a Ɔkɛseraa hɔn wɔ Amerika asaasetɔw no. Dɛm aber no Ɔsee dɛ:

“Hom mfa me dzin mfrɛ asɔr no. …

“Na ɔyɛ dɛn yɛ m’asɔr, sɛ wɔammfa me dzin ammfrɛ no a? Osiandɛ sɛ wɔdze Moses ne dzin to asɔr do a nna ɔyɛ Moses n’asɔr; anaadɛ sɛ wɔdze nyimpa ne dzin to do a nna ɔyɛ nyimpa n’asɔr; na mbom sɛ wɔdze me dzin frɛ no a nna ɔyɛ m’asɔr.”⁵

Dɛm ntsi, Asɔr no ne dzin no wɔnnsesã no. Sɛ Agyenkwa no kã dza N’Asɔr ne dzin ɔsɛ dɛ ɔyɛ no pefee na mpo Ne mpaamukã no a odzi kan se dɛ, “Dɛm na wɔmfrɛ m’asɔr a,” nna N’enyi aber. Na sɛ yɛma kwan ma wɔdze afɛdzi dzin frɛ hɛn anaa hɛn ara yɛfa to hɛn do anaa mpo yefua ekyir a, ɔfom No.

Dzin ne mfaso nye bɛn anaa, iyi mu no, afɛ dzin? Sɛ ɔba Asɔr no n’afɛ dzin a, tse dɛ “LDS Asɔr, “Mormon Asɔr” no, anaa “Latter-day Saintfo Asɔr,” a dza ohia kɛse no nye dɛ dɛm edzin no Agyenkwa no Ne dzin no ɔnnkã ho. Iyi Ewuradze Ne dzin fi N’Asɔr do a ɔyɛ konyimdzi kɛse ma Satan. Sɛ yɛtow Agyenkwa no Ne dzin kyin a, nna nkakrankakra yɛropow dza Jesus Christ yɛɛ ma hɛn no nyina—No Werdambɔ no mpo.

Hom nsusu iyi dɛ mbrɛ Ɔno bɔhwɛ no: Ansaana nyimpa bɛba asaase yi do no, nna Ɔyɛ Jehovah, Ahyɛmu Dadaw no mu Nyame. Ɔno na Ɔyɛ wiadze yi na wiadze nkaa no Bɔadze, wɔ N’Egya no kwankyerɛ ase.⁶ Ɔsaan mu yii dɛ Obegyaa No ho ama Egya no Ne pɛ na Ɔayɛ biribi ama Nyame ne mba nyina a obiara runntum nyɛ! Ofii enyimnyam mu baa asaase do dɛ Nyia Egya no Woo no Kortonoo wɔ honam mu, wodzii no nsɛmbɔn, sii no atwetwe, toow ntafi guu no do na wɔkãa no mpire yayaw. Gethsemane ture no mu no, hɛn Agyenkwa faa yaw biara bɔn biara na awerɛhow na amandzehu nyina a emi na ɔwo nye obiara a ɔatsena ase anaa ɔbɛtsena ase pɛn no bɔsɔw no pɛn. Adzesoa dudur rohom No do no, Okyii mbɔgya fii honandua tokur biara mu.⁷ Amandzehu yi yɛɛ kɛse ber a wɔbɔɔ no mbeamudua yayaw wɔ Calvary mbeamudua no do.

Sũahu yaayaayaw yinom mu no na No Wusoɛr a odzii do no—No Werdambɔ a ɔmmbɔadze da no—Ɔmaa obiara bɛkyebo asetena na Ɔgyee hɛn mu kor biara fii bɔn no nsunsuando, wɔ nnuho ngyinado ho mu.

Agyenkwa no No Wusoɛr na N’Asomafo hɔn wu ekyir no, wiadze kɛhyɛɛ sum mu mfe aha pii. Na afe 1820 mu no, Nyame Egya no na Ne Ba Jesus Christ puee Nkɔnhyɛnyi Joseph Smith do dze hyɛɛ Ewuradze N’Asɔr ne Nsan-ananmu ase.

Ɔsɔɔw adze nyina ekyir no—na dza Ɔayɛ ama adasa nyina ekyir no—medze yaw kɛse hu no dɛ yɛagye ato mu a yɛannhyɛ no nsew dɛ Ewuradze N’Asɔr a wɔdze asan ananmu aba no yɛbɛfrɛ no edzin binom a, kor biara yi Jesus Christ Ne dzin krɔnkrɔn no fi mu!

Kwesida biara, ber a yeridzi sacrament emudzi mu no, yekenyan hɛn anohoba krɔnkrɔn no a yɛdze bɔɔ Ɔsor Egya dɛ yenya pɛ dɛ yɛbɛfa Ne Ba, Jesus Christ Ne dzin ato hɛn do.⁸ Yɛbɔ mpaa dɛ yebedzi N’ekyir, yenu hɛnho na yesie Ne mbrasɛm, na aber nyina yɛakaa No.

Sɛ yegya Ne dzin fi N’Asɔr mu a, nna yeriyi No fi hɛn abrabɔ no botantsim a hɛn enyi da no.

Yɛdze hɛn ndzeyɛɛ na nsɛnkã—repaa mu kã na yɛregye dase kyerɛ nkaafo no—dɛ Jesus nye Christ no, kã yɛrefa Agyenkwa no Ne dzin ato hɛn do. Ana suro akyekyer hɛn ara yɛmmpɛ dɛ yɛhaw obi a ɔfrɛ hɛn “Mormonfo” ma yeedzi nkõgu dɛ yɛbɔbɔ Agyenkwa Ɔnoara No ho ban, yebegyina ama No wɔ dzin a wɔmfa mfrɛ N’Asɔr mpo?

Sɛ hɛn dɛ yɛyɛ kuw anaa ankorankor no botum enya Jesus Christ No Werdambɔ no tum ho kwan a—dɛ ɔbɛtsew hɛnho na Ɔasã hɛn yarba, Ɔbɛma hɛn ahoɔdzen na Oepegya hɛn, na ewiei no Ɔama hɛn nkwagye ntowdo a—otwar dɛ yɛda no edzi pefee dɛ Ɔno nye dɛm tum ne fibea. Yebotum ahyɛ ase dze dzin a Ɔhyɛɛ ho Ɔmom no afrɛ N’Asɔr no.

Wiadze n’afã kɛse mu no, sesei Ewuradze N’Asɔr no ehuntsa dɛ “Mormon Asɔr.” Mbom hɛn a yɛyɛ Ewuradze N’Asɔr mu asɔrba no nyim nyia Ɔda ne tsir: Jesus Christ Ɔnoara. Naaso Ɔyɛ awerɛhow dɛ, dodowara a wɔtse dzin Mormon< no bia wɔbɔdwen dɛ yɛsɔr Mormon. Ɔnntse dɛm! Yɛdze obu na enyidzi ma tsetse America nkɔnhyɛnyi okunyin no.⁹ Mbom yɛnnyɛ< Mormon n’esuafo. Yɛyɛ Ewuradze N’esuafo.

Nsan-ananmu Asɔr no n’ahyɛse no, nna edzin tse dɛ Mormon Asɔr na Mormonfo no¹⁰ wɔtaa dze bu hɛn enyimtsia—dɛ ahorba hyehye yaayaw—a wɔdze adwenpɔw dɛ wobeyi Nyankopɔn Ne nsa efi Jesus Christ N’Asɔr ne nsan-ananmu wɔ nda a odzi ekyir yinom mu.¹¹

Enuanom na nkyerɛbaa, wiadzesɛm mu ekyingye pii wɔ hɔ a otsia Asɔr no ne dzin a wɔbɛtsen no no. Osiandɛ abɛɛfo wiadze a yɛtse mu yi ntsi na internet ahwehwɛ adze mfir a ɔboa hɛn ma yehu nsɛm a yehia ntsɛmara—a Ewuradze N’Asɔr ho nsɛm kã ho no kasatsiafo no se nsesã dɛm aber yi nnyɛ nyansadze. Binom so dwen ho dɛ wonyim hɛn beebiara dɛ “Mormonfo” na “Mormon Asɔr,” na ɔsɛ dɛ yɛfa no dɛmara na yɛkɔ kan.

Sɛ iyi yɛ nyimpa nsa ano edwumadze ne ndanee ho mpɛnsam-pɛnsamu a, nkyɛ dɛm adwenkyerɛ no bɛfata. Naaso iyi yɛ asɛntsitsir, yɛhwɛ Ɔno a Asɔr yi yɛ Ne dze na yedzi dase dɛ Nyame n’akwan nnyɛ nyimpa n’akwan, na ɔnnkɛyɛ dabiarada. Sɛ yenya abotar na sɛ yɛyɛ hɛn afãmudze yie a, Ewuradze begya hɛn kan edua edwumason yi mu. Ne nyina ekyir no, yenyim dɛ Ewuradze boa hɔn wɔhwehwɛ dɛ wɔbɛyɛ Ne pɛ, tse dɛ ma Ɔboaa Nephi ma owiei nsuhɛn a wɔdze botwa po no pam no.¹²

Yɛbɛpɛ dɛ yenya obu na abotar wɔ hɛn mbɔdzembɔ mu dɛ yɛbɛtsen mfomdo yinom. Dawurbɔ ndwuma a wɔhyɛ hɔnho do no benya ehumbɔbɔr ebua hɛn ebisadze.

Wiadze mfɛndzanan ehyiadzi bi a abɛsen mu no, Elder Benjamin DeHoyos kasaa faa asɛm a ɔtse dɛm a osii ho. Ɔsee dɛ:

“Mfe kakra abɛsen no, ber a nna morosom wɔ Asɔr no ne public affairs dzibew wɔ Mexicoico no, wɔtoo nsa frɛɛ [emi na adamfo-aboafo bi] dɛ yɛnkã radio do kasa dwumadzi bi ho. [Program no no kwankyerɛfo no kor] bisaa [hɛn] dɛ, ‘Dɛn ntsi na Asɔr no wɔ dzin tsentsen dɛm? …’

“Emi na m’adamfo-aboafo no yerɛɛw hɛn ano wɔ asɛm kɛse a oebisa no na nkyii yɛkɔr do kyerɛkyerɛɛ mu dɛ Asɔr ne dzin no nnyɛ nyimpa na ɔsaan mu yii. Agyenkwa no na dze mae. … Hɔ noara program kwankyerɛfo no buae obu mu ara dɛ, ‘Nna yɛdze enyigye besi do abɔ.’”¹³

Dɛm asɛm yi ma hɛn nhwɛdo. Nkorkor no, hɛn mbɔdzembɔ ara yie dɛ ankorankor behia dze atsen mfondo a woedua mfe pii mu aba no.¹⁴ Bia wiadzemba nkaafo no bedzi hɛn ekyir dze dzin a ɔtsen no afrɛ hɛn, bi so a wɔnnkɛyɛ. Mbom ɔmmfata hɛn dɛ ɔbɛhaw hɛn dɛ wiadzemba dodowara dze dzin bɔn frɛ Asɔr no na n’asɔrmba, sɛ hɛnara so yɛyɛ dɛmara a.

Hɛn yɛbea nsakyeree kwankyerɛ no bɔboa. Ɔkã dɛ: “Ber a odzi kan no, Asɔr no ne dzin mu nyina na ɔfata: ‘Jesus Christ N’Asɔr a ɔwɔ hɔ ma Nda a Odzi Ekyir Ahotseweefo.’ Sɛ wotwa no tsia a, dzin a yɛ kamfo nye “Asɔr no” anaa Jesus Christ N’Asɔr no.’ ‘Jesus Christ N’Asɔr a wɔdze asan ananmu aba’ so tsen na yɛkamfo.”¹⁵

Sɛ obi bisa wo dɛ, “Eyɛ Mormonyi a?” ibotum ebua dɛ, “Sɛ iribisa dɛ meyɛ Jesus Christ N’asɔr a ɔwɔ hɔ ma Nda a Odzi Ekyir Ahotseweefo n’asɔrba a, nyew, meyɛ!”

Sɛ obi bisa wo dɛ, “Eyɛ Latter-day Saintnyi a?”¹⁶ ibotum ebua dɛ, “Nyew, meyɛ. Megye Jesus Christ dzi na meyɛ N’Asɔr a wɔdze asan ananmu aba no n’asɔrba.”

Mo nuanom na nkyerɛbaa adɔfo, mobɔ hom anohoba dɛ sɛ yɛbɔ hɛn mbɔdzen ara yie dze Ewuradze N’Asɔr ne dzin a ɔtsen no san ba a, Ɔno a Asɔr yi yɛ Nedze no bohue No tum na nhyira egu Latter-day Saintfo hɔn etsir do a,¹⁷ wonnhun ne nsaso pɛn. Yebenya Nyankopɔn No tum na nyimdzee dze Jesus Christ asɛmpa no a wɔdze asan ananmu aba no mu nhyira akɔ aman, ebusuafo, kasa, na nyimpa nyinara hɔ na yesiesie wiadze no ama Ewuradze Ne Mbae a Otsĩa Ebien no.

Ntsi, dzin ne mfaso nye bɛn? Sɛ ɔfa Ewuradze N’Asɔr ne dzin ho a, mbuae no nye “Ne Nyinara! Jesus Christ hyɛɛ hɛn dɛ yɛmfa Ne dzin mfrɛ N’Asɔr no osiandɛ ɔyɛ Ne dze a, No tum ahyɛ mu mã.

“Minyim dɛ Nyame tse ase.” Jesus nye Christ no. Odzi N’Asɔr no ne Kan Megye ho dase wɔ J esus Christ ne dzin krɔnkrɔn no mu, amen.