Mwe Kahsruhp luhn Nguhn
Ke kom orekmakihn luhlahlfongi an ke Leum ac pristut Lal, kuh lom in eisyang mwe kahsruhp luhn nguhn inge ma Leum el oraclah ahkolah in ahkyohkye.
Kuloh nuh sum ke on kahto an. Ke kuht nuh kwewa tu in on ke hymn infulwac sacn, “We Thank Thee, O God, for a Prophet,” oasr nuhnak fokoko luo tuhkuh nuh sihk. Sie ke Mwet Pahluh Joseph Smith, mwet pahluh ke pacl inge. Luhngse ac sunakihn luhk kalweni in kapwacack ke kais sie lwen somlah. Ahkluo tuhkuh ke nga liye muhtwacn kiyuck, tuhlihk muhtwacn nuhtihk, tuhlihk nahtuhl, ac tuhlihk nuhtin tuhlihk nahtuhl. Nga puhla oacna nga ke siyuck kowos nuh kwewa in wi sucu luhk.
Yac ekahsr somlah ah, sahflahiyacn toeni se ke tempuhl endowment, nga fahk nuh sin muhtwacn kiyuck Wendy, “Nga finsrak tahmtahel ma in kahlwem ke mwe kahsruhp luhn nguhn ma oasr selos lun tempuhl.” Tahmtahel, nga wacna lohacng sihk sifacna tuh nga nuhnkwekowos, weacng mahlem luo somlah ah ke nga ac Wendy muhtwactac fin acn Harmony, Pennsylvania.
Muhtwactac ahkluo lasr nuh we pa inge. Kewana pacl inge kuht puhlakihn eklac yohk ke kuht fahsr ke fin infohk na sacohk sac. Sikyak fototo nuh acn Harmony ma John the Baptist el sikyak nuh sel Joseph ac fohlohkuhnwack Aaronic Pristut.
Sikyak we ke Mwet Sap Peter, James, ac John sikyak in fohlohkohnwack Melchizedek Pristut.
Sikyak fin acn Harmony ke Emma Hale Smith el kuhlwacnsap we ke mokul se tuhmwacl met ah sihm ke Mwet Pahluh el luhngaslah Puk luhn Mormon.
Sikyak pac fin acn Harmony ke Joseph el eis fwackyuck se ahkkahlwemye finsrak luhn Leum nuh sel Emma. Leum El sapkihn nuh sel Emma in ahkuhtweyac kalmacn ma suhmuhslah, in lihksreni ahkkweye Alu uh, in eis Nguhn Muhtahl, ac eis pacl in “luti yohk.” Emma el oacyacpac kahsreyuck in srelah ma luhn facluh ac suk ma uh in wolac ac in sruokyac in kuh olwelah lal sin God. Leum El ahksahkfye luti Lal ke kahs kuh inge: Pa inge puhsrek nuh suwos nohfohn.1
Ma nuhkwewa ma sikyak fin acn se inge ilaswack kuhpahsr luhn ma nuh ke moul lasr. Fohlohkyak luhn pristut, wi kahs in kahsruh luhn Leum nuh sel Emma, kuh in kol ac ahkinsewowoye kais sie suwos. Ngac tuhpan kom fuhkah in kahlwem kac lah fohlohkyak luhn pristut uh ac oacna kuhpahsr nuh sum oacna ke muhtwacn se kuhpahsryang nuh sin oana sie mokul uh. Ke srihpen Melchizedek Pristut el fohlohkihnyuckyak, kewana muhtwacn ac mokul ma sruok olwelah uh oasr lwelah nuh se ke “nohfohn mwe ahkinsewowo luhn alu uh”2 kuh, sahp kuht ac muh, nuh ke mwe kahsruhp nuhkwewa ma Leum El oraclah nuh sin tuhlihk Nahtuhl.
Mokul ac muhtwacn nuhkwewa ma oraclah olwelah nuh sin God ac sruokyacna olwelah ingacn, ac elos suc wi moulkihn suwohswohs ke akwuck luhn pristut, ac sang lwelah la nuh ke kuh luhn God. Elos suc eis mwe sang fin acn lohm sin Leum eis mwe sang luhn kuh ke pristut luhn God ke olwelah lalos, wiwina mwe sang luhn etwacyak in etuh in orekmakihn kuh se inge.
Inkuhsrao ikacslah nuh sin muhtwacn ma eis mwe sang luhn kuh luhn God fahsr ke olwelah luhn pristut lalos oacna sie nuh sin mukul suc sruok pristut. Nga pruhe tuh ma pwacye uh fah sihmlac lun insiyacn kais sie suwos mweyen nga luhlahlfongi muh ac fah ekuhllah moul lowos an. Tahmtahel, oasr kuh lom in mwesahs in fototoyang nuh ke kuh luhn Mwet Lahngo in kahsruh sucu lowos an ac mwet sahyac ma kom luhngse.
Ingenna, sahp kom ac fahk nuh sum sifacna, “Luhman wo ma se inge, tuhsruhk ngac oruh fuhkah? Ngac ahkfototoye kuh luhn Mwet Lahngo nuh sihk fuhkah?”
Kom tiac kuh in konwacack fahsriyacn ma se inge sihmlac tahklac lun puk in kol se. Nguhn Muhtahl pa ac fah mwet in luti se lom sifacna ke kom suk in kahlwme ke ma Leum El ac fah usot kom in etuh ac oruh uh. Fahsriyacn ma se inge tiac pac sa ac fihsracsr, tushruhk ac ahkfokokoye nguhn. Meac fal kuh in engakihnyuck yohk liki in orekma wi Nguhn in kahlwem ke kuh luhn God—kuh luhn pristut?
Ma nga kuh in fahk nuh sum uh pa lwelah kuh luhn God in utyak nuh ke moul lom enenuh in oacna ma Leum El sapkihn nuh sel Emma ac kais sie suwos in oruh.
Pwacnwacng, nga suli kom in pruhe lutlutkihn section 25 ke Doctrine and Covenants ac sokwack lah meac Nguhn Muhtahl fah luti kom kac uh. Kampare in nguhn lom sifacna fah usot nuh sum engan ke kom kapwack, ac orekmakihn kuh suc ma kom fah olwelah nuh kac.
Ipin kampare orekma se inge enenuh kom in srelah ma puhkantwen ke facluh se inge. Kuhtuh pacl uh apkuhran kuht in fahk ma uh falkihn ke som liki ma luhn facluh wi fohs, mwe sruhf, ac nuhnak kikiacp. Tuhsruhk orekma in pwacye enenuh kom in liye moul lom in suwohs ac pacl nuhkwewa. Ke kom oruh oacna, Nguhn Muhtahl fah pihrihk kom ke ma kom tilac enenuh, ma kom tilac enenuh nuh ke pacl lom ac kuhiyom.
Ke kom ekuhllah lohacng lom liki mwe ahkfohs luhn facluh, kuhtuh ma ma oacna in yohk srihpac nuh sum ingena fah fohlohklac nuh ke yohk srihpaciyac an. Kom enenuh in fahk muoh nuh ke kuhtuh ma uh, finne ma ingacn acnan muh tena sensen. Ke kom sroacng ac tahfwelah ahkfahsryeyacn orekma ke moul lom nuh sin Leum, eklac luhn ngetnget lom, puhla lom, ac kuhiyacn nguhn lom fah ahklutye kom!
Na sie kahs srihsrihk in ahkacsmakihnye kom. Oasr mwet suc fah srihkkihn kuhiyom in pahng nuh ke kuh luhn God. Oasr kuhtuh mwet suc fah oruh kom in tahfuh luo sum sifacna ac ahksrihkye ipin kuhiyacn nguhn lom in ekihn sie muhtwacn suwohs.
Yohkiyacna emet, ma koluk uh tiac ke kom in kahlwem ke olwelah ma kom oraclah ke pacptais lom kuh olwelah yohk ac etwacack ac kuh kom eis sruokyac kuh fah eis lun tempuhl—lohm sin Leum. Ac Satan el pwacyena tiac luhngse kom in kahlwem lah pacl nuhkwewa kom kuhlwacnsap suwohs ac alu lun tempuhl uh, kom som liki elyah ke kuh luhn God ac wi luhn lupufacn Lal in “karihngihn kom.”3
Satan ac mwet sropo lal fah tahfwelah in oraclah mwe kohsrkohsr in tulokihn kowi liki kahlwem ke mwe sang luhn nguhn suc ma kom tuh ac kuh in ahkinsewowoyeyuck kac. Tuhsruhk, kuhtuh mwe kohsrkohsr inge sahp pa ma sikyak ke ohiyac suhfal luhn mwet se. Ahksuhpwacrye yuc in nuhnkuh lah kuhtwena suwos puhlakihn srisrilac kuh tiac suhlahlfongiyuck sin mwet kol ke pristut se kuh suc ma ahkkohsyeyuck kuh ahkngalyeyuck sin mukul tuhma, pahpah tuhma, kuh mwet kawuck se la. Nga puhlakihn ahsor yohk lah oana sie suwos puhlakihn srisrilac, tiac ahkfuhlwactyeyuck, kuh nuhnuhnkweyuck siena. Kain ahkkoluk se inge wacngihn na acn la ke tohkohsrahi luhn God.
Lainyac, ahklutyeyuc ke nga etwacack lah mwet kol ke pristut ma engan in suk kashreacng luhn muhtwacn ke council luhn ward ac stake. Nga fwefwelac sin mokul tuhma ma ahkkahlwemye lah ip yohk srihpac se emet kunwacl ke pristut pa in karihngihn muhtwacn kiyacl.4 Nga tarilacna nuh sin mukul se suc karihngihn kuh luhn muhtwacn kiyacl in eis fahkwack ac luhngse el ke kowos oacna sie ke macruht lalos.
Ke mokul se kahlwem ke fuhlwact ac kuh ke sie muhtwacn suwohswohs, oaru in suk, oasr olwelah muhtahl la, oacna sie ma kuh in nuhnkweyuck muh elac puhlakihn oacna ke el tulac ke el utyak nuh lun infuckihl sac?
Ke muhtwacwacackiyacn pacl uh, muhtwacn uh ahkinsewowoyeyuck ke sie mwe kolyuck wowo—etwacack la in nuhnkwelah ma pwacye ac suhtuh. Mwe sang se inge ahkyohkyeyuck kaclos suc oraclah ac sruokyac olwelah la. Ac ahksrihkyelah kaclos suc sikalweni in lusrong masap luhn God.
Nga tiac tahfuh luo in fahk pac lah nga tiac ahkmwesahsye mokul uh ke oacna sie ohiyac liki enenuh luhn God nuh selos pac in akihlwen inmahsrlon ma pwacye ac suhtuh uh. Tuhsruhk tahmtahel sacohk wiyuck, kuhiyom in liye ma pwacye liki ma koluk, in pa mwet karihngihn moul suhkawihl ke walihl se, pa yohk srihpac ke lwen sahflah inge. Ac kuht epacl nuh sum in luti mwet sahyac in oruh oacpacna. Lwelah ngacn ahkkohnye ke ma se inge: fin facluh an sislah ma wo suwohs luhn muhtwacn kac uh, facluh fah tiac an ahkwoyeyucklac.
Kuht Mwet Luhlahlfongi ke Lwen-sahflah tiac ma ke facluh se; kuht mwet olwelah luhn Israel. Kuht pahngonyuck in ahkolah mwet uh nuh ke Tuhkuh Ahkluo luhn Leum.
Na, lwelah ngacn ahkkohnye kuhtuh ip srihsrihk ke ahkfuhlwact nuh sin muhtwacn ac pristut. Ke kom kunweyucki in kuhlwacnsap ke oacna sie kunohkohn sin sie mwet suc sruok ki luhn pristut—pa nuh ke pisap ac stake prestuhn lom—utuckoht nuh sum wal luhn pristut in orekma fal nuh ke kunohkohn sacn.
Oacpacna, lun tempuhl muhtahl utuckoht kuh lom in oruh ac kol kihn olwelah luhn pristut pacl nuhkwewa kom wi. Olwelah muhtahl lom lun tempuhl ahkkoekomlac in oruh oacna.
Fin kom oraclah olwelah muhtal lom tuh tiac pahyuck sin mokul se ke pacl sacn suc sruok pristut ac sie mwet el fahk nuh sum, “Sislah koluk luhk ke wacngihn mwet oasr pristut la lun lohm sum ah,” nuhnak muhnahs kahlwem kac lah pohloh kahs se inge tahfonglac. Sahp ac wacngihn mwet sruok pristut lun lohm sum an, tuhsruhk kom eis ac olwelah muhtahl yurin God ke kuh luhn pristut lun tempuhl. Ke olwelah inge use tuhkuh mwe sang ke kuh luhn pristut Lal nuh suwos. Ac esam na, fin mokul tomom an muh misac kom fah karihngihn lohm sum an.
Ekihn sie muhtwacn Luhlahlfongi ke Lwen-sahflah suwohs, oasr olwelah muhtahl la, kom sramsram ac luti ke kuh ac wal luhn God. Lah mukwikwi kuh sramsram suwohs, kuht enenuh puhsrwen luti lom ke mwe luti yohk luhn Kraist. Kuht enenuh nuhnak lom ke sucu, ward, ac council luhn stake. Ip kunom in wi pa yohk srihpac emet ac suhkac wacngihn srihpac sahyacn ahkkahtoye!
Tahmtahel sacohk wiyuck, kuh lom fah ahkyohkyeyuck ke kom kuhlwacnsapuh mwet sahyac. Pruhe lom, lalo, pacl lom nuh ke ma suhmuhslah, kuhlwacnsap lun tempuhl, ac orekma ke moul luhn sucu lom fah ikucslah inkuhsrao nuh sum.
Nga ahkkweye kom in lutlut ac pruhe ke ma pwacye nuh kwewa kom kuh in sokwack ke kuh luhn pristut. Sahp kom kuh in muhtwacwacack ke Doctrine and Covenants section 84 ac 107. Sections ekahsr ingacn fah kol kom nuh ke pohloh kahs sahyac an. Ma suhmuhslah ac mwe luti luhn mwet pahluh mihsenge, mwet liyactwen, ac mwet fahkwelihk pa sesseslah ke ma pwacye inge. Ke kahlwem lom yohkwelihk ac ke kom ahsrosri luhlahlfongi lom ke Leum ac ke kuh luhn pristut sacn, etwacack lom in ahkfototoye kom nuh ke mwe kahsruhp luhn nguhn ma Leum El oraclah ahkolah in ahkyohkye. Ke kom oruh oacna, kom fah konwekomyak sifacna muh kom wo kuh in kahsruh oraclah sucu ma pahtpaht ma tuhkweni, siliyucki lun tempuhl luhn Leum, ac sesseslah ke luhngse nuh sin Pahpah tuhmasr Inkuhsrao ac nuh sin Jisus Kraist.
Kuhiyacsr nohfohn in kahsruh luti kais sie, fahkwelihk wosasuc, ahksuwohsyelah Mwet Luhlahlfongi, ac ahkmoulyeack mwet misac orekweni lun tempuhl. Ingena oasr tempuhl 166 lasr osrwaclihk fin facluh, ac kuhtuh fah tuhkuh.
Oacna kom etuh an, Salt Lake Tempuhl, Tempuh Square, ac weacng acn se siskacn Lohm Ohfuhs luhn Alu uh fah ahksasucyeyuck ke sie project ma fah muhtwacwacack ke apkuhran sahflahiyacn yac se. Tempuhl sacohk se inge enenuh in karihngihnyuck ac ahkkoeyucklac in ahkwoye fihl fahsruh uh, oacna ke ahkwoye kuht ke fihl se lasr inge.
Ke Alu uh kapwack, kuhtuh tempuh uh fah muhsahiyucklac tuh in puhs kuhtuh sucu in oasr lwelah la nuh ke mwe sang yohk emet sacn, pa moul ma pahtpaht.5 Kuht puhla lah tempuhl uh pa lohm muhtahl oemet ke Alu uh. Pacl ma plwacn uh ahkkahlwemyeyuck in muhsahi sie tempuhl sasuc uh, ac tuhkuh muh sie ip yohk srihpac se ke moul lasr uh. Oacna ke kuht sramsramkihn oyekuh uh, kom tahmtahel pa yohk srihpac nuh ke orekma luhn tempuhl, ac tempuhl pa acn se ma kom fah eis mwe kahsruhp fuhlwact emet uh.
Nuhnak muhnahs porongo nuh ke fahkwack inge ke nga akacsruhi tempuhl oalkosr sasuc in oreklac. Nga fin sulkackihn tempuhl se fin acn se ma yohk srihpac nuh sum, nga suli kom in kuhi nuh ten ac pruhe ke inse kuloh pwacye lom. Kuht sruikihn in fahkwack plwacn an in muhsahi tempuhl ke acn inge: Freetown, Sierra Leone; Orem, Utah; Port Moresby, Papua New Guinea; Bentonville, Arkansas; Bacolod, Philippines; McAllen, Texas; Cobán, Guatemala; ac Taylorsville, Utah. Kuloh, tahmtahel sacohk. Kuht kuloh nuh pwacye ke kom eis plwacn inge ke ohiyacn mihslac.
In kaliyac, nga luhngse fihliyac sie mwe ahkinsewowo nuh sum, tuh kom fah kahlwem ke kuh luhn pristut suc ma kom oraclah owlelah lom kac ac tuh kom fah ahsrosri luhlahlfongi lom nuh sin Leum ac in ahkyohkye kuh Lal.
Tahmtahel sacohk, ke ahkfuhlwact yohk ac kaksyak luhk, nga fahkoht luhngse luhk nuh sum. Nga fahkwack ke ohiyac puhsisacl tuh Jisus El moul! Jisus El pa Kraist. Pa inge Alu Lal. Nga fahkwack luhlahlfongi ke ine muhtahl luhn Jisus Kraist, amen.