Ohiyacn Muhtahl ac Plwacn luhn Engan

Tamuhlwel ac tahmtahel sacohk wiyuck, nga pruhe ke kuh in kahsrwe kowos ke suk sifacna lowos nuh ke ohiyacn engan. Sahp kuhtuh puhla engan fal tari, tuhsruhktuh wacngihn mwet fah lahfwekihn suli in eis engan yohk liki met. Kuhtwena mwet ac rahrah in insese nuh ke mwe sang luhn engan ma pahtpaht.

Pa inge ma Pahpah Lucng; Wen Kuloh Nahtuhl, Jisus Kraist; ac Nguhn Muhtahl elos kuh in sang nuh sin nguhnin tuhlihk nuh kwewa nuhtin Pahpah Lucng suc moul ingena, suc soenna moul, kuh moul tari ke facluh se inge. Kuhtuh pacl uh mwe sang se inge pahngon plwacn luhn engan. El pahngonyuck ohinge sel mwet pahluh Alma suc luti tuhlihk mukul nahtuhl, suc kweok ke mwe ahsor luhn ma koluk. Alma el etuh lah wacngihn pacl kuh in ma koluk sang mwe engan nuh sin tuhlihk nahtuhl—kuh kuhtwena tuhlihk sahyac nuhtin Pahpah Lucng.¹

El luti tuhlihk mukul nahtuhl lah ahkyohkye ohiyacn muhtahl lal pa inkacnek sefanna nuh ke ohiyacn engan. El oraclah in fihsrwacsr in ahkyohkye ohiyacn muhtahl nuh ke Iwaclah luhn Jisus Kraist ke el ahknwacsnwacsye ac ahksuwohsye kuht.² Luhlahlfongi Jisus Kraist muhkwena, auliyak pacl nuh kwewa, ac karihngihn masap muhkwena kuht nuh kwewa kuh in eis engan ma pahtpaht kuht kena puhla ac muhta kac.

Pruhe luhk mihsenge uh pa ngacn kuh in kahsrwe kowos in kahlwem kac lah engan yohk tuhkuh ke ohiyacn muhtahl sifacna yohk liki tuh kowos ac fah mukwikwi ke luhlahlfongi ingacn. Na nga ac fah akacsruhi ma nga etuh sifacna ke ma kuht kuh in oruh in ahkfalyeyuck mwe sang se ingacn in ahkyohkye ohiyacn muhtahl uh.

Ma suhmuhslah wi ma in luti kuht, kuht kuh in ahknwacsnwacsyeyucklac kuh ahkmuhtahlyeyucklac ke kuht mukwikwi ke luhlahlfongi nuh sin Kraist,³ ahkkahlwemye ahkostwen lasr,⁴ auliyak,⁵ kihsac ma ke Srihpacl,⁶ eis akwuck muhtahl, ac karihngihn wuhlweacng lasr Yohrohl.⁷ In eis mwe sang luhn ohiyacn muhtahl, mwet uh enenuh insepuhsisacl,⁸ fulpacp,⁹ ac mong fihsrwacsr.¹⁰

Sie ma sikyak ke kena in yohkwelihk ohiyacn muhtahl tuhkuh nuh sihk lun Salt Lake Tempuhl. Nga utyak nuh ke tempuhl ke pacl se emet ac nihkihn ma sikyak we. Nga liye tari kahs ke tempuhl uh: “Muhtahliyac nuh sin Leum” ac “Lohm sin Leum.” Nga puhla rahrah nuh pwacye in utyak. Tuhsruhktuh nga nihkihn lah fin nga ahkolah in utyak.

Ninac ac pahpah tuhmuhk elos fahsr met liki yuc ke kuht utyak nuh ke tempuhl ah. Kuht siyuckyuck in ahkkahlwemye pwepuh in lwelah nuh tempuhl oasr sesr, in ahkkahlwemye nwacsnwacs lasr.

Pahpah ac ninac kiyuck elos etuh mwet sac ke acn in ahkkahlwemye pwepuh in lwelah uh. Na elos muhtwacta kuhtuh srihk yohrohl. Nga kalweni fahsr ac utyak nuh ke infuckihl luhlahp se ma ma nuhkwewa kahlwem fasrfasr loac. Nga ngetwack nuh lucng ac liye lah loeslac oacna kuhsrao uh. Ke pacl sacn, nga eis mokleyuck suwohs lah nga oasr inge met ah.

Tuhsruhktuh, nga lohng puhsra se—tuh el tiac puhsrek. Kahs muhlahlah sruhmuhnyuck pa ma inge: “Kom soena tuhkuh nuh acn se inge. Kom esam pacl met liki kom isuslac ah. Kom oasr ke acn muhtahl oacna ma se ingacn. Kom puhla lah Mwet Lahngo El apkuhran in tuhkuh nuh ke acn se kom tu kac an. Ac kom puhla engan mweyen kom rahrah in Liyacl.

Ma sikyak ke pacl sac ah lun Tempuhl Salt Lake arulacna fototo. Tuhsruhktuh ma nga esam srackna use mihs ac engan.

Nga lotwaclah ma puhs ke lwen se ingen. Sie pa lah Nguhn Muhtahl El sramsram ke puhsra mihs, ac srihk lac. Nga kuh in Lohngohl ke oasr mihslac luhn nguhn lun insiyuck. El use puhla engan ac ahkkweyeyuc lah nga ahkyohkye ohiyacn muhtahl luhk. Ac ma ingacn use pacl nuh kwewa engan ma nga puhla ke pacl se emet lun tempuhl luhn God.

Kowos liye ke moul lowos ac ke moul luhn mwet sahyac mwe usrnguck ke engan ma tuhkuh ke kapwack luhn ma muhtahl in eklac in oacna Mwet Lahngo uh. Ke wik inge, nga som nuh sisken pet luhn mwet suc kuh in liye misac, sesseslah ke luhlahlfongi nuh sin Mwet Lahngo ac ke luhmah engan.

Oasr sie mukul muhta rauniyucklac sin sucu lal. El ac muhtwacn kiyacl kahkahsrihk asramsrami ke pacl se nga ac tuhlihk mokul se nuhtihk ah utyak. Nga etwaclos ke lusen yac pucspucs. Nga liye tari Iwaclah luhn Jisus Kraist orekma ke moul lalos ac ke moul luhn sucu lalos.

Elos tuhkweni sulwaclah in tui ke sukyacn kahsruh luhn lohm ono ah in ahkloesye moul lal. Oasr puhla mihslac ke el sramsram nuh sesr ah. El isracsr ke el ahkkahlwemye sruikihn ke wosasuc ac ohiyacn ahknwacsnwacsyeyuck nuh sel ac sucu lal suc el luhngse. El sramsram ke yac ma el engan kihn ke pacl in kuhlwacnsap lal lun tempuhl. Ke siyuck luhn mukul sacn, tuhlihk mukul nuhtihk akmuhsrai insifacl ke oil ahkmuhtahlyeyucklac. Nga siliyac akmuhsra sac. Ke nga oruh, oasr moklweyuck suwohs tuhkuh nuh sihk lah nga enenuh fahk nuh sel lah el ac fah liye Mwet Lahngo lal, muhta nuh ke muhta.

Nga olwelah nuh sel lah el ac puhla engan, luhngseyuck, ac ahkkweyeyucklac luhn Mwet Lahngo uh. El isracsr engan ke kuht som ah. Kahs sahflah lal nuh sihk pa “Fahk nuh sel Kathy muh nga luhngse el.” Muhtwacn kiyuck, Kathleen, ke pacl puhkantwen kai fihl puhs ke sucu lal in insese nuh ke solsol luhn Mwet Lahngo in tuhkuh nuh Sel, oraclah ac karihgnihn wuhlweacng muhtahl uh, ac ahkfalyeyuck in eis engan ma tuhkuh ke ma muhtahl yohk sacn.

El misac na ke ao tohkohyang ah. Wik ekahsr tukun misac lal, muhtwacn katinmas kiyacl us mwe sang nuh sin muhtwacn kiyuck ac nga. El isracsr ke kuht sramsram ah. El engan in fahk, “Nga muh nga ac puhla ahsor ac muhkwelacna. Nga puhla engan na pwacye. Yac kowos nuhnkuh muh wona?”

Mweyen nga etuh luhpahkah luhngse lal nuh sin mukul tuhmwacl ac ohiyac ma elos tuhkuh in etuh, luhngse, ac kuhlwacnsap Leum uh, nga fahk nuh sel puhla lal ke engan pa mwe sang olweyucklac ke srihpen el, ke kuhlwacnsap luhlahlfongi lal, eklac nuh ke ma muhtahl yohk. Ohiyacn muhtahl lal lwelah el in eis engan sacn.

Sahp kuhtuh suc lohng mihsenge motko: “Efuh nga tiac puhla mihslac ac engan oacna olweyucklac nuh selos suc oaru ke luhlahlfongi lalos? Nga luhlahlfongi ahluhkwelah mwe sruhf upac, tuhsruhktuh nga tiac puhla engan.”

Mwet Pahluh Joseph Smith el wi pac sun kain mwe sruhf inge. El pruhe ke ahkkweyeyuck ke el oasr ke kaclpous fin acn Liberty, Missouri. El suwohs ke luhlahlfongi lal nuh sin Leum. El kapwack ke ohiyacn muhtahl. Tuhsruhktuh el puhla lah el tiac eis engan fal.

Leum El lotwel lesin luhn mong fihsrwacsr ma kuht nohfohn enenuh kais kuhtuh pacl, ac sahp nuh ke pacl loes, ke pacl lasr fin facluh. Pa inge pweng luhn Leum nuh sin mwet luhlahlfongi ac mwet pahluh kweok Lal:

El fahk lah fin Joseph Smith el totolac nuh in luhf uh kuh nuh in poun mwet ahkmas uh, ac ituckyang nuh sel in misac; fin el totolac nuh acn loal uh; fin noanoa uh sonuhl ahkkolukyacl; fin eng upac uh tuhkuh oacna mwet lokalok lal; fin inkuhsrao nwacnwaclah ke lohsr, ac ma nuh kewa tuhkweni in mayak; ac yohk liki nuh kwewa, fin wihsen acn in ma koluk uh ikucslah inwacluhl yohk tohkohl, el enenuh in etuh lah ma inge nuh kwewa ma ac sang pahlah se nuhsel, ac ma ac wo nuh sel se.

Leum El fahk nuh sel lah Wen nuhtin Mwet El puhtati nuh ten yurin mwet nuh kwewa. Ac siyuck sel fin el kuh luhkwel?

Pwacnwacng, sruokyac nuh ke inkacnek lal, ac pristut fah oan sel; olwelah lalos akwucki tari, ac tiac kuh in eklac. Lwen lal etweyuck tari, ac yac lal tiac kuh in ahksrihkyeyuck; pwacnwacng, tiac ahksahngwengyeyuck ke ma mwet uh kuh in oruh, mweyen God El ac oasr yohrohl nuh ke pacl ma pahtpaht.”¹¹

Mwe luti se pacna ingacn pa kahsruh ma Leum El sang nuh sin Job, suc sang ma yohk in lwelah Iwaclah in ahkmuhtahlyacl yohk liki met ah. Kuht etuh lah Job el muhtahl, ke muhtwacwacackiyacn sramsram kuht eis kacl: “Oasr mwet se pangpang Job, su muta in acn Uz. El sie mwet su alu nu sin God, ac el arulana inse waye nu sel. El sie mwet na wo, ac el arulana karinganang tuh elan tia oru kutena ma koluk.”¹²

Na yohk mani lal Job, sucu lal, ac wi pac kuh luhn mahnol som luhkwel. Sahp kowos esam lah Job el tahfuh luo ke ohiyacn muhtahl yohk lal, ma el eis ke ma upac yohk, ahkfalye engan yohk liki in tuhkuh nuh sel. Luhman oacna mwe ahsor tuhkuh nuh sel Job ke srihpen ma muhtahl.

Tuh Leum El sang nuh sel Job mwe luti se pacna inge ahkpwacye elah ma El sang nuh sel Joseph Smith ah. El lwelah Job elacn liye ma upac lal nuhkwewa ke muhtah nguhn lal. El fahk:

“Fin mukul se pa kom, tuyak inge ac topuk ma nga ac siyuk sum uh.

“Ku kom tuh muta ke nga orala faclu ah? Fin arulana yohk etu lom an, kwal srumun ngan lohng.

“Su tuh wotela mu in pa inge lupan faclu ah? Su tuh asroelik lain in srikasrak uh nu fac ah? Ku kom etu nufon top nu ke ma inge?

“Mea sruokya sru ma loangeak faclu uh? Su tuh oakiya eot in sruwasrik lun faclu?

“Ke tafun lotu in len sac, itu uh tuh tukeni on, ac lipufan uh sala ke engan.”¹³

Na, tukun Job el auliyak ke pahngon God sesuwohs, Job el lwelah in liye mwe upac lal ke ohiyac fuhlwact ac muhtahl likina met. El auliyak.

“Na Job topuk Leum; ac fahk,

“Leum God, nga etu lah ku nukewa oasr sum, ac kom ku in oru ma nukewa kom lungse.

“Kom siyuk lah fuka tuh nga kusen siyuk ke lalmwetmet lom ke wangin ma nga etu. Nga tuh kaskas ke ma su nga tia kalem kac, ke ma usrnguk su yoklala nu sik in etu kac.

“Kom tuh fahk mu nga in porongo ke kom ac sramsram, ac in srike in topuk mwe siyuk lom uh.

“In pacl meet ah, ma na mwet uh fahk nu sik pa nga etu uh, tuh pa inge, nga liye kom ke mutuk sifacna.

“Ke ma inge nga arulana mwekin ke ma nukewa nga tuh fahk ah, ac nga akkalemye auli luk ke nga muta inmasrlon kutkut ac apat.”¹⁴

Tukun Job el auliyak ac ahkyohkye in muhtahl, Leum El ahkinsewowoyacl ke ma yohk liki ma lal met ah. Sahp mwe insewowo yohk emet lal Job pa in ahkyohkye ohiyacn muhtahl nuh ke mwe upac ac auliyak an. El ahkfalyeyucklac ke engan yohk ke lwen sahflah lal in moul.

Ahkyohkyeyuck muhtahl tiac ana tuhkuh ke siyuckyac an. El ac fah tuhkuh ke kuht oruh ma enenweyuck nuh sin God Elacn ikihl kuht lac.

Prestuhn Russell M. Nelson el sang mwe luti ma luhman suwohs in etuh ke ohiyac in fahsr nuh ke inkacnek wuhlweacng nuh ke yohk muhtahl liki met. El srihsrngi ohiyac ke el fahkwack:

“Puhlakihn kuh luhn auliyak lwen nuhkwewa—oruh wo ac in woyak kuhtuhsrihk likina met ah.

“Ke kuht sulwaclah in auliyak, kuht sulwaclah in eklac! Kuht lwelah Mwet Lahngo Elacn ikihlkuhtlac sifacna nuh ke mwet wo emet. Kuht sulwaclah in kapwack ke nguhn ac eis engan—engan luhn molwelah Kacl. Ke kuht sulwaclah in auliyak, kuht sulwaclah in moul oacna Jisus Kraist!”

Prestuhn Nelson el kalweni in sang ahkkweyeyuck ke orekma lasr in ahkmuhtahlyeyucklac: “Leum El tiac enenuh suwohswohs kacsr ke pacl sacn. … Tuhsruhk El sanwe kuht in eklac nwacsnwacslah liki met ah. Auliyak lwen nuhkwewa pa inkacnek nuh ke moul nwacsnwacs.”¹⁵

Prestuhn Dallin H. Oaks, ke toeni luhlahp se sahyac, el oacyacpac kahsrweyuc in kahlwem fuhkah kuht kuh in mahtuhlah ke ohiyacn muhtahl ac ohiyac se kuht kuh in etuh lah kuht fahsr nuh kac. El fahk: “Kuht eis ohiyacn nguhn uh fuhkah? Kuht ac sun ma fal luhn ohiyacn muhtahl fuhkah tuh kuht ac eis Nguhn Muhtahl in wi kuht pacl nuhkwewa? Kuht ac muhtwacwacack in liye fuhkah ac liye ma luhn facluh se inge ke ohiyacn liye ma pahtpaht?”¹⁶

Top lal Prestuhn Oaks muhtwacwacack ke luhlahlfongi yohk kacl Jisus Kraist oacna Mwet Lahngo luhngse lasr. Ma inge kol kuht in sokwack nuhnak muhnahs lwen nuh kwewa ac in Esamuhl lwen nuh kwewa ke kuht karihngihn masap Lal. Luhlahlfongi yohk liki met inge nuh sin Jisus Kraist tuhkuh ke kuht mongo yohk ke kahs Lal lwen nuh kwewa.

Hymn an “More Holiness Give Me” fahkwack ke ohiyacn pruhe ke kahsruh in ahkmuhtahlyeyucklac yohk likina. Mwet sihm lahlmwetmwet fahk lah ma muhtahl kuht suk uh pa mwe sang sin God luhngse se, tuhkuh kais kuhtuh, tukun ma nohfohn kuht oruh. Kowos esam fuhs sahflah:

Finne ohiyac lasr sifacna, finne kuht oasr ke inkacnek wuhlweacng soko uh, lwelah pruhe lasr nuh ke ahkyohkye ohiyacn muhtahl in toplac. Nga etuh lah ke siyuck lasr utuckuh, engan lasr fah yohkwelihk. Sahp ac fah tuhkuh suhmuhi, tuhsruhktuh sie pacl ac fah tuhkuh. Oasr mwe ahkkweye sihk ma tuhkuh sin Pahpah Inkuhsrao luhngse se ac ke Wen Nahtuhl, Jisus Kraist.

Nga fahkwack lah Joseph Smith el mwet pahluh se luhn God, ac Prestuhn Russell M. Nelson el pa mwet pahluh moul lasr mihsenge. God Pahpah El moul ac luhngse kuht. El arulacna ke kuht in fohlohk nuh Yohrohl ke ohiyacn sucu. Mwet Lahngo luhngse lasr El suli kuht in Ukwacl ke fuhfahsryucsr lasr nuh we. Elos ahkolah inkacnek an tari. Ke ine muhtahl luhn Jisus Kraist, amen.