Toeni Luhlahp
Tihli Loal nuh Insiacsr
Toeni luhlahp ke Eprel 2020

Tihli Loal nuh Insiacsr

Sel Douglas D. Holmes

Tuhfahna fihliyucklac Mwet in Kahsruh Se Met ke Prestuhnsi Luhlahp luhn Mukul Fuhsr

Leum El srihke in kahsre kuht—kuht nuhkwewa—in eis wosasuc Lal in tihli loal nuh insiacsr.

Tamuhlwel ac Tahmtahel, fuhkah wolwacnaiyacn pacl se kuht oasr kac inge. Ke kuht ahkfuhlwactye muhtwacwacackiyacn Fohlohkyak, fal pac in ahkfuhlwactye Fohlohkyak ma fahfahlac na ma kuht lohoh kac. Nga wi kowos kaksak in moul ke pacl se inge.1 Leum El ahkwot in akiyac, ke mwet pahluh Lal, ma nuhkwewa ma enenweyuckin kahsre kuht in ahkolah in Eisacl.2

Sie sin ma enenweyuck ingacn pa mukwikwi luhn u luhn Tuhlihk ac Mwet Fuhsr. Puhs suwos etuh ma yohk srihpac ke program se inge in oraclah ma finsrakkihnyuck, akucl sasuc ke wi, ac toeni luhn Nuh ke Kuh luhn Mwet Fuhsr. Tuhsruhk kuht enenuh in tiac lwelah ma ingacn in ahklohsryelah liye lasr ke ip yohk ma program inge muhsahiyuckyak kac ac srihpac lalos an: in kahsruh sang wosasuc luhn Jisus Kraist in tihli loal nuh insiacn tuhlihk nahtuhsr ac mwet fuhsr lasr.3

Nga luhlahlfongi muh ke kuht muhtwacwacack in liye kahlwem ip yohk inge, kuht ac akihlen ma inge muh yohk liki na sie program nuh sin mempucr matwac 8 nuh ke 18. Kuht ac liye lah Leum El srihke in kahsre kuht fuhkah—kuht nuhkwewa—in eis wosasuc Lal in tihli loal nuh insiacsr. Nga pruhe tuh Nguhn Muhtahl in kahsre kuht in tuhkweni lutlut.

Kuhpahsr uh—“Be with Them”4

Ip yohk se emet uh pa kuhpahsr uh. Ke srihpen ma inge kuht pah kac in ip se ke Alu luhn Jisus Kraist, kuhtuh pacl uh kuht muhlkuhnlah yohk srihpaciyacn kuhpahsr uh ke fuhfahsryucsr fahfahlac na lasr nuh yurin Kraist. Kuht tiac tuhpanyuck in muhkwena sokwack kuh fahsr ke inkacnek luhn wuhlweacng . Kuht enenuh luhngse ac kahsruh sin ninac pahpah, sucu sahyac an, kawuck an, ac mwet kol suc oacyacpac fahsr ke inkacnek uh.

Kain in kuhpahsr inge enenuh pacl. Pacl in tuhkweni. Pacl in isrwacsr, sritacl, lutlut ac kuhlwacnsap. Pacl in engankihn ma pwacrkihnyuck kuh ma upac luhn sie sin sie. Pacl in tiac wukun ac in suwohs nuh sin sie sin sie ke kuht srihke in oruh in tuhkweni wolac. Kuhpahsr inge pa sie srihpac luhn tuhlihk srihsrihk in toeni nuh sie wi sucu, u an, kuhlahs an, ac un mwet ke alu an. Ma inge pa pwelucng luhn kuhlwacnsap in luti orekma uh.5

Elder Dale G. Renlund el use nuh sesr ki in oraclah kuhpahsr inge ke el fahk muh in kuhlwacnsap wo nuh sin mwet sahyac kuht enenuh in liyaclos … ke muhtuhn Pahpah Lucng. Na ke ohiyac se inge muhkwena kuht kuh in muhtwacack in kahlwem ke mwe kahsruhp luhn nguhn. Na ke ohiyac se inge muhkwena kuht kuh in puhlakihn luhngse luhn Pahpah Lucng nuh sin tuhlihk nuhkwewa Nahtuhl.”6

In liye mwet sahyac oacna ke God El liyaclos pa sie mwe sang. Nga suli kais sie sesr in suk mwe sang se inge. Ke muhtahsr ikacklah in liye,7 kuht kuh pac in kahsruh mwet sahyac in liyaclos sifacna oacna ke God El liyaclos.8 Prestuhn Henry B. Eyring el ahkuhtweyac wo kuh ke a se inge ke el fahk muh ma oasr srihpac emet uh pa ma [mwet sahyac] lotwelah [sum] lah suc elos na pwacye uh ac ma elos kuh in eklac oacna uh. Srihke palye luhk uh pa elos ac tiac arulacna etwaclah yohk kac ke lohng muhkwena mwe luti. Elos ac eis ke ma puhlakihnyuck lah suc kom uh, suc kom pahngon kom oacna an, ac lah meac kom motko muh elos kuh in eklac oacna.9 Kahsruh sie sin sie in kahlwem etuh ke ohiyom ma pwacye ac in srihpac se in pa mwe sang yohk se kuht kuh in sang.10 Liye mwet sahyac ac kuht sifacna muh God el onwelah insiacsr “in tuhkweni ma se fanna ac in luhngse.”11

Ke puhseni kunohkohn ma ulkuht na, kuht enenuh kuh ma tuhkuh ke inmahsrlon luhngse uh. Pasis ke kuht plwacni mukwikwi, miting, ac tuhlweni sahyac an, lwelah kuht in esam srihpac yohk luhn tuhkweni inge pa in muhsaheack inmahsrol wo ma orekuhtweni ac sang wosasuc luhn Jisus Kraist in tihlyang loal ke insiacsr.12

Fwackyuck, Sulaclah, ac Auliyak—“Connect Them with Heaven”13

Pwacye lah, tiacna fal muhkwena in kapreni nuh sie. Puhslac u srihsrihk ac luhlahp ma kuhtanglah in ma sefanna ke kain in srihpac pucspucs. Tuhsruhk tuhkweni ma kuht suk uh pa in eklac ma sefanna in Kraist, in kuhpahsryang nuh Sel.14 In oracni insiacsr nuh inkuhsrao, kuht enenuhpuhla nguhn luhn kais sie, ke Elder Andersen el orekmakihn in sramsram nuh sesr ke.15 Ma puhlakihnyuck ingacn tuhkuh oacna Nguhn Muhtahl us kahs ac luhngse luhn God nuh ke nuhnak lasr ac nuh insiacsr.16

Fwackyuck se inge utuckuh nuh sesr ke ma suhmuhslah, yohkiyacna ke Puk luhn Mormon; ke kahs mokleyuck sin mwet pahluh moul ac mwet tuhma lutlut oaru sahyac; ac ke puhsra mihs ac srihklac.17 Kahs inge yohk liki na ma sang suhmuhslah ke pwepuhke sra puk uh, puhsra nuh ke insrwacsr, kuh ma motkoeyuck ke nuhnak lasr, kuh puhla lasr ke insiacsr. Kahs luhn God pa kuh luhn nguhn.18 Pa ma pwacye ac kahlwem.19 Pa ke kuht Porongel fuhkah! Kahs uh ahkfahsrye ac ahkyohkye luhlahlfongi lasr in Kraist ac ahkngwengye insiacsr ke sie kena in eklac oacna Mwet Lahngo—pa, in auliyak ac fahsr na ke inkacnek luhn wuhlweacng.20

Eprel somlah ah, Prestuhn President Russell M. Nelson el kahsre kuht in kahlwem ke ohiyac yohk luhn auliyak ke fuhfahsryucsr kahlwem se inge.21 El fahk: Ke kuht sulaclah in auliyak, kuht sulaclah in eklac! Kuht lwelah Mwet Lahngo Elan ikihlkuhtlac sifacna nuh ke mwet wo emet. Kuht sulaclah in eklac oacna Jisus Kraist!22 Ohiyac luhn eklacs se inge, ahkngwengyeyuck ke kahs luhn God, pa ma kuht oruh in kuhpahsryang nuh inkuhsrao.

Srihpac yohk ke solsol lal Prestuhn Nelson in auliyak uh pa ip yohk luhn sulaclah. Kuht enenuh in sulaclah auliyak nuh sesr sifacna. Wosasuc uh tiac kuh in fohrsiyuck nuh ke insiom. Oacna ke Elder Renlund el fahk muh ma finsrakkihnyuck luhn Pahpah tuhmasr Inkuhsrao an pa in tiac sang tuhlihk Nahtuhl in oruh ma pwacye; tuh in sang tuhlihk Nahtuhl in sulaclah in oruh ma pwacye.23

Ke program ma aholyucklac ke u luhn Tuhlihk ac Mwet Fuhsr, oasr kain in ma 500 [luhmfoko] ma enenweyuck in ahksahfyeyucklac in eis kain in mwe ahkihlwenyuck kac. 24 Misenge, oasr ma sefanna. Solsol se in sulaclah in eklac oacna Mwet Lahngo. Kuht oruh ma inge in eis kahs luhn God ke Nguhn Muhtahl ac lwelah Kraist Elan ikihlkuhtlac sifacna nuh ke mwet wo emet.

Ma se inge yohk liki na sie mukwikwi in akiyac ma finsrakkihnyuck kuh ahkwoye kom sifacna. Ma finsrakkihnyuck uh pa sie kuhfa ma kahsre kuht in kapsrekuhti nuh inkuhsrao ke fwackyuck, sulaclah, ac auliyak—in tuhkuh nuh yurin Kraist ac eis wosasuc Lal in tihlyang loal nuh insiacsr.

Insacnweacng ac Kihsac—“Lwelah Elos in Kol”25

Sahflahiyac, in eis wosasuc luhn Jisus Kraist nuh insiacsr kuht enenuh in insacnweacng—in sang pacl ac suhmaht lasr nuh kac, in kihsackihn.26 Kuht ke moulkihn moul ma oasr kalmac, ac ma se inge yohkna pwacye nuh sin fihl kapkapwack se inge. Elos kena in oasr srihpac se.

Wosasuc luhn Jisus Kraist pa srihpac yohk se emet fin facluh. Prestuhn Ezra Taft Benson el fahk muh kuht sapkihnyuck sin God in uslah wosasuc se inge nuh facluh nohfohn. Pa ingacn srihpac se ma ac orekuhtweni nuh sie misenge. Wosasuc muhkwena ac molwelah facluh liki ongaiyac luhn kuhnausyucklac la sifacna. Wosasuc muhkwena pa ac oracni mukul [ac muhtwacn] ke kain in mwet ac muhtuhnfacl nuhkwewa ke mislac. Wosasuc muhkwena ac use kaksak, engan, ac molwelah nuh sin mwet sucu.27

Elder David A. Bednar el fahk lah “ke kuht ahkkweye mwet fuhsr ke solwaclos ac lwelah elos in mukwikwi, Alu uh ac ahkwot nuh met oh ke ohiyac usrnguck.”28 Puhs pacl kuht tiacna suli ac lwelah mwet fuhsr uh in kihsac nuh ke srihpac wolacna se luhn Kraist uh. Elder Neal A. Maxwell el tuni lah “fin mwet fuhsr [lasr] tiacna mokleyuckyak [ke orekma luhn God], sahp eltahl lihp ke ma luhn facluh.”29

Program luhn Tuhlihk ac Mwet Fuhsr uh lohacng nuh ke ahkkweyeyacn mwet fuhsr. Elos sulaclah ma finsrakkihnyuck lalos sifacna. U ac prestuhnsi ke kuhlahs an fihliyucki ke kunohkohn wo lalos an. Un mwet fuhsr ma kahsruh ward an, oacna un kahsruh luhn ward, lohacng nuh ke orekma luhn molwelah ac moul ma pahtpaht yurin God.30 Ac u ac kuhlahs an muhtwacwacack miting an ke kahs in kahsruh lah ac orek fuhkah orekma ma God El sang nuh selos.31

Prestuhn Nelson el fahk nuh sin mwet fuhsr ke Alu uh: “Kom fin sulaclah in, kom fin luhngse in,… kom kuh in sie ip yohk ke sie ma yohk, sie ma wowo, sie ma wolacna! … Kom oasr inmahsrlon mwet wo emet ma Leum Eltuh suhpwacma nuh facluh. Oasr kuh in suhmahti ac lahlmwetmwet liki na met ah ac kuh in mokle facluh liki na kuhtwena fihl somlah!”32 Ke siepac pacl, Prestuhn Nelson el fahk nuh sin mwet fuhsr: “Nga luhlahlfongi kowos na pwacye. Nga luhngse kowos, ac Leum El luhngse pac kowos. Kuht mwet Lal, tuhkweni insacnweacng in oruh orekma muhtahl Lal.”33 Mwet fuhsr, yac kowos kuh in puhlakihn luhlahlfongi lal Prestuhn Nelson nuh suwos ac lah fuhkah yohk srihpaciyowos nuh ke orekma se inge?

Ninac papah ac mwet kol mahtuh an, nga suli kowos in liye mwet fuhsr oacna ke Prestuhn Nelson el oruh uh. Ke mwet fuhsr uh puhlakihn luhngse ac luhlahlfongi lom an, ke kom ahkkweye ac lotwelos in kol fuhkah—ac na fuhlweacng nuh selos in oruh—elos ac oruh kom fwefwelac ke nuhnak, kuh in oruh, ac insacnweacng lalos nuh ke wosasuc.34 Elos ac puhlakihn engan ke sulaclah in insacnweacng nuh kac ac kihsac nuh ke srihpac luhn Kraist. Wosasuc Lal ac tihli loal nuh insiaclos, ac orekma uh ac ahkwot nuh met ke ohiyac usrnguck.

Olwelah ac Kahs in Fahkwack Luhlahlfongi

Nga olwelah, ke kuht lohacng nuh ke ip yohk inge—inmahsrlo, fwackyuck, sulaclah, auliyak ac kihsac—wosasuc luhn Jisus Kraist ac tihli loal nuh insiacsr. Kuht e fah liye Fohlohkyak in fahsr nuh met ke srihpac sahflah la, in molwelah ma koluk luhn Israel ac muhsaheack Zion, 35 ma Kraist El Tohkohsrahi luhn Tohkohsrah.

Nga fahkwack lah God El fahfahlac na in oruh ma nuhkwewa ma enenweyuck in ahkoe mwet Lal nuh ke lwen sacn. Lwelah kuht in liye Pahol ke orekma se inge ke kuht nuhkwewa srihke in “tuhkuh nuh yurun Kraist, ac ahksuwohsyeyucklac Kacl.”36 Ke inen Jisus Kraist, amen.

Mwe Kahsruh

  1. Liye Doctrine and Covenants 45:12. Prestuhn Nelson el fahk: Nuhnkuh ke enganwack ac elyahiyacn ma inge kwewa: mwet pahluh nuhkwewa muhtwacwacack e kacl Adam me tuh liye pacl lasr uh. Ac mwet pahluh nuhkwewa tuh sramsramkihn pacl lasr uh, ke Israeal ac fahsreni ac facluh ac ahkolah nuh ke Tuhkuh Ahkluo luhn Mwet Lahngo. Nuhnkuh kac! Mwet nuhkwewa suc tuh moul fin facluh,kuht pa elos suc ac wi mukwikwi ke fahsreni yohk, sahflah se inge. Arulacna engan kac!” (“Hope of Israel” [worldwide youth devotional, Jun 3, 2018], HopeofIsrael.ChurchofJesusChrist.org).

    Elder Jeffrey R. Holland el luti:

    “Fuhkah wolwacnaiyen pacl se inge in moul!

    Wosasuc luhn Jisus Kraist pa pwacye emet, sef emet, ac muhngnguhiyuck emet, ac yohk emet mwe sang luhn pwacye fin facluh ac inkuhsrao, in pacl ac ne tok ma pahtpaht. Wacngihn—kuhtwena ma, kuhtwena mwet, kuhtwena mwe mokle—ma ac tulokihnyac Alu se inge liki ahkpwacyeyei misin la ac ahkihlacnwack acn [kuht] ac fahsr sahflah nuh we ma tuh fwack e ke na met liki pwelucng luhn facluh. … Wacngihn enenuh in sahngweng kuh ahlohloh ke pacl fahsruh uh.

    Siena liki pacl sahyac met ah, fihl se inge ac tiac puhlakihn lainyacn alu; ac tiac liye wacngihnlac luhn ki luhn pristut; ac tiac kweok ke tui fwackyuck liki puhsren God Kuhlacna. … Pacl na wo se in moul!

    … Kom fin sonna akihlwacnwack, yohk finsrak luhk ke lwen sahflah uh. … Luhlahlfongi. Tuyak. Oaru. Ac oruh kuhiyowos ke pacl wolacna ma kuht moulkihn uh!” ma sihmlac ke FacebookMei 27, 2015; oacyacpac liye “Tiac Sahngweng, Luhlahlfongi Muhkwena” [sramsram nuh sin Church Educational System religious educators, Fepweri 6, 2015], broadcasts.lds.org).

  2. Liye John 1:12.

  3. Tiac paht tohkoh kuht tuh pahngyak nuh ke Prestuhnsi Luhlahp luhn Mukul Fuhsr, Prestuhn Henry B. Eyring el sramsram nuh sesr ke kain in ma upac ac pacl wo luhn mwet fuhsr luhn Alu ac sun misenge. El fahk ke kahsruh kuht in lohacng nuh ke ma suc ac kahsruh sang wosasuc luhn Jisus Kraist in tihli loal nuh insiaclos. Kahs in kahsruh se ingacn pa sie kahlwem nuh sesr Prestuhnsi luhn Mukul Fuhsr.

  4. Liye “Weluhlos,” ChurchofJesusChrist.org/callings/aaronic-priesthood-quorums/my-calling/leader-instruction/be-with-them.

  5. Liye Mosiah 18:25; Moroni 6:5.

  6. Dale G. Renlund, “Through God’s Eyes,” Liahona, Nohf. 2015, 94; liye pac Moses 1:4–6.

    Prestuhn Thomas S. Monson el luti lah ma kunacsr in liye kais sie mwet, tiac ke ohiyaclos ingena, tuhsruhk tuh ke ohiyac ma elos kuh in eklac oacna. Nga kwacfe suwos in motko kaclos ke ohiyac se inge (“See Others as They May Become,” Liahona, Nohf. 2012, 70).

    Elder Neal A. Maxwell el luti: Pacl puhs, atacn sie mwet fuhsr tiac fal nuh ke ohiyac luhn Alu uh, kuh kihsensiyuck lal ma oacna in akuhkuhin, kuh ke el ahkkahlwemye ahlohloh lal uh oruh sa in nuhnuhnkweyuck el. Ma inge kuh in oraclah loes inmahsrlo ac, kuhtuh pacl uh, tilac wi. Luhngse pwacye uh tiac srisri!” (“Unto the Rising Generation,” Ensign, Eprel 1985, 9).

  7. Liye 2 Tohkohsrah 6:17.

  8. Stephen L. Richards, sie mempucr ke Prestuhnsi Se Met, el fahk, “lah kain in nuhnak wo se emet uh pa ma motkoeyuck ke mwet sahyac ac ikacslah nuh selos, ohiyac wowo lalos ma oasr na selos” (ke Ripohrt ke Toeni, Eprel 1950, 162; ke David A. Bednar, “Quick to Observe,” Ensign,Tisacmpuh 2006, 35; Liahona, Dec. 2006, 19). Liye pac 2 Tohkohsrah 6:17.

  9. Henry B. Eyring, “Teaching Is a Moral Act” (address at Brigham Young University, Ohkohs 27, 1991), 3, speeches.byu.edu; mwe ahkuhtweyac ituckyang; oacyacpac liye Henry B. Eyring, “Help Them Aim High,” Liahona, Nohfuhmpuh 2012, 60–67.

  10. Liye Moses 1:3–6.

  11. Mosiah 18:21; liye pac Moses 7:18.

  12. Mukul fuhsr suc fokoko, wo inmahsrlol nuh sin sucu, mwet matwacl, ac mwet kol ma wi mukwikwi luhn [Mwet Luhlahlfongi ke Lwen-sahflah], suc kahsrelos in oraclah inmahsrol wo nuh sin Pahpah tuhmalos Inkuhsrao, pa kuh in muhtana ke mukwikwi uh. Kais sie ip ke program uh—ma oacna tahk luhn mwe luti, program in mukwikwi [luhn Mukul Fuhsr] … kuh in mokle kuhtuh srihsirhk sahyacn na inmahsrlon mwet uh. … Kihsensiyuck yohk srihpac uh pa lah tiac ma srihsringiyucki kais sie ip luhn program an tuhsruhk tuh lah ma inge ituckyang fuhkah in ahkkweye inmahsrlon mwet uh ma ac ahkfokokoye nuhnkaclos ke alu luhn [Mwet Luhlahlfongi ke Lwen-sahflah] mukul fuhsr” (“In weluhlos,” ChurchofJesusChrist.org/callings/aaronic-priesthood-quorums/my-calling/leader-instruction/be-with-them).

  13. Liye “Connect Them with Heaven,” ChurchofJesusChrist.org/callings/aaronic-priesthood-quorums/my-calling/leader-instruction/connect-them-with-heaven.

  14. Liye John 15:1–5; 17:11; Philippi 4:13; 1 John 2:6; Jacob 1:7; Omni 1:26; Moroni 10:32.

  15. Ma suhmuhslah uh nwacnwaclah ke ma sikyak ma oacna inge; pa inge luoiyac na: 1 Nephi 2:16; Enos 1:1–4.

  16. Liye Luke 24:32; 2 Nephi 33:1–2; Jacob 3:2; Moroni 8:26; Doctrine and Covenants 8:2–3.

  17. Liye 2 Timothy 3:15–16; Doctrine and Covenants 68:3–4; 88:66; 113:10.

  18. Liye 1 Thessalonica 1:5; Alma 26:13; 31:5; Helaman 3:29; 5:17; Doctrine and Covenants 21:4–6; 42:61; 43:8–10; 50:17–22; 68:4.

  19. Liye John 6:63; 17:17; Alma 5:7; Doctrine and Covenants 84:43–45; 88:66; 93:36.

  20. Liye John 15:3; 1 Peter 1:23; Mosiah 1:5; Alma 5:7, 11–13; 32:28, 41–42; 36:26; 62:45; Helaman 14:13.

  21. Liye 2 Nephi 31:19–21; 32:3, 5.

  22. Russell M. Nelson, “We Can Do Better and Be Better,” Liahona, Mei 2019, 67.

  23. Dale G. Renlund, “Choose You This Day,” Liahona, Nohf. 2018, 104.

  24. Ma se inge weacng ma enenweyuck ke program luhn Scout, ma fahsruh ne pacl se pa tui pa elos weacng mukwikwi ke program luhn Alu uh nuh sin mukul ac mukul fuhsr an, yohkna fin acn United States ac Canada. Ke acn ma tiacna wi oruh Scout an, luhpan ma enenweyuck an ahluhkwelah 200. In weacng, kain in mukwikwi ke program luhn tuhlihk mukul, tuhlihk muhtwacn, mukul fuhsr, ac muhtwacn fuhsr an oreklac siena, pacnwacng ma sikyak nohfohn kac an oruh upac nuh sin sucu uh.

  25. Liye “Let Them Lead,” ChurchofJesusChrist.org/callings/aaronic-priesthood-quorums/my-calling/leader-instruction/let-them-lead.

  26. Liye Omni 1:26; 3 Nephi 9:20; 12:19; Doctrine and Covenants 64:34. Sie alu ma tiacna enenuh kihsac ke ma nuhkwewa uh tuh wacngihn kuh fal la in oraclah luhlahlfongi enenweyuck nuh ke moul ac molwelah (Lectures on Faith [1985], 69).

  27. Ezra Taft Benson, The Teachings of Ezra Taft Benson (1988), 167; ke Preach My Gospel: A Guide to Missionary Service (2019), 13; liye pac Russell M. Nelson, “Hope of Israel,” HopeofIsrael.ChurchofJesusChrist.org.

  28. Miting weluhl Elder David A. Bednar; oacyacpac liye “2020 Tempuhl ac Mwe Ahkuhtweyac ke Mwet Kol Ke Sramsram Mahtuh Ke SucuFepweri 27, 2020, ChurchofJesusChrist.org/family-history.

  29. Neal A. Maxwell, “Unto the Rising Generation,” 11. Elder Maxwell el tahfwelah: Ke orekma la uh, ekahsr sin u luhn prestuhnsi luhn tikin ac mwet luti an ma ma na elos oruh uh pa pahngon mwet in oruh pruhe kuh pahsi kuhfa luhn Leum? Mwet lili, elos nguhn sacohk, ac elos kuh in oruh ma ma yohk srihpac fin ituckyang pacl se nuh selos!

  30. Liye General Handbook: Mwet Kuhlwacnsap ke Alu Lal Jisus Kraist ke Mwet Luhlahlfongi ke Lwen Sahflah,,2.2ChurchofJesusChrist.org.

  31. Mwe kahsruh pucspucs oasr ke Gospel Library in kahsruh mwet fuhsr an in kol, weacng “U ac Mwe Kahsruh luhn Prestuhnsi ke Kuhlahs,” “Orekmakihn Fahsruh, Fahsr Tukuk—U luhn Aaroni Pristut ac Kuhlahs luhn Muhtwacn Fuhsr,” ac ke mwe kahsruh nuh sin muhtwacn fuhsr ac u luhn Aaronic Pristut ke “Ward kuh Pahng luhn Pracns.”

  32. Russell M. Nelson, “Hope of Israel,” HopeofIsrael.ChurchofJesusChrist.org. Ke devotional se pacna inge, Prestuhn Nelson el fahk: Pahpah tuhmasr Inkuhsrao El sefiyac puhs suhna sin nguhn wowo emet Lal—sahp, nga kuh in fahk, team wo se emet Lal—nuh ke lusen fihl sahflah se inge. Nguhn wowo ingacn—mwet srihtacl wowo ingacn, mwet puhlaik ingacn—pa komtacl!

  33. Russell M. Nelson, kahs in ikucslah ke “Children and Youth: A Face to Face Event with Elder Gerrit W. Gong,” Nohf. 17, 2019, broadcasts.ChurchofJesusChrist.org.

  34. Prestuhn Nelson el fahk: Kuht enenuh in lwelah mwet fuhsr uh in kol, yohkna elos suc pahngyak tari ac ahkkweyeyucklac in kuhlwacnsap ke kuhlahs ac u luhn prestuhnsi an. Wal luhn pristut uh ac kuneyucki nuh selos. Elos ac lowetlah in eis fuhkah mokleyuck in kol kuhlahls lalos kuh u an (in “Children and Youth Introductory Video Presentation,” Septempuh 29, 2019, ChurchofJesusChrist.org).

    Elder Quentin L. Cook el fahk lah siyuckyuck sin mwet fuhsr lasr uh in eis ahkyohkye kunohkohn luhn kais sie ke matwac fuhsr—ac ninac pahpah ac mwet kol an in tiac eislah oruh ma kunacn mwet fuhsr an, in sang elos in sifacna oruh(“Adjustments to Strengthen Youth,” Liahona, Nohf. 2019, 40).

  35. Prestuhn George Q. Cannon el luti: “God El ahkolah nguhn nuh ke toeni se inge suc oasr puhlaik yohroh ac ahkolah in foracng nuh sin muhtuhnfwacl, ac kuh luhn mwet koluk nohfohn, kuh in liyeyuck ac tiac kuh in liyeyuck, in fahkwack ke wosasuc ac in karihngihn ma pwacye ac oraclah ac muhsaheack Zion luhn God ke tiac sahngweng ke ma yohk srihpac nuhkwewa. El suhpwacma nguhn lal nuh sin fihl se inge in muhsaheack foundation luhn Zion wacngihn srihpac sahyac tuh in kuhtanglah, ac in tuyak yukiac sie fihtac ma e suwohs, ac ma e ahkfuhlwacyacl God, ac Ahkfuhlwactyacl oacna sie mwet fuhlwact emet, ac in suwohs nuh Sel ke oacna sie akwuck” (“Remarks,” Deseret News, Mei 31, 1866, 203); oacyacpac liye Luti luhn Prestuhn ke Alu uh: Joseph Smith (2007), 186.

  36. Moroni 10:32