Ek Zinda Gawaah Jiwit Masih Ka
Mormon Dharamshaastra ka sabse mahatvapurn sandesh hai Ishu Masih ke khaas bhumika ke sachche gyaan ko laotaana manushye ke uddhaar aur unnati ke liye.
2017 ke ek tez dhup nikle bahaar ke din me, Paris France Mandir ka open house chal raha tha jabki ek tour guide ke paas ek aadmi dukhit chehra se aaya. Usne kaha ki woh mandir ka padosi tha aur uske banne ke daoraan woh bahut josh me virodh karta tha. Uh batais ki ek roz jab uh apan apartment ke khidki se dekhta raha, uh ek bada crane dekhis Ishu ke putla aasmaano ki or se niche laa raha tha aur dhire se mandir ke aangan me rakha. Uh admi bolis ki yahi anubhav se uske ehsaas ekdam badal ge Girjaghar ke prati. Uh samajh ge raha ki hum log Ishu Masih ke maanne waale the aur humse maafi maangi jon nuksaan uh sakta raha pahunchaae pehle.
Christus laa putla jon Paris Mandir aur anye Girjaghar ke jagahon ko sundar banata hai, gawahi deta hai Uddhaarkarta ke liye hamaare pyaar ka. Jon pehla marble ka putla hai woh Danish kaarigar Bertel Thorvaldsen ka kaam hai, jisne use banaya tha 1820 me—jis saal Pehli Drishti hui thi. Yeh putla us samay ke anye banawat ke bahut vichitra hai, jo kasht jhelte Masih ka banawat hai krus par. Thorvaldsen ka kaam jiwit Masih ko pesh karta hai, jisne maut ke upar vijay paaya aur, khule baahon se, hum sab ko bulaata hai Uske paas aane ko. Khali Uske haathon aur paeron me neela ke nishaan aur Uske bagal me ghaao gawahi deta hai us avarnaniye peeda ka jo Usne sahaa sab manushye ko bachane ke liye.
Shaayad ek kaaran Ishu Masih ka Girjaghar Antim-dino ke Santo ke hum sadasye is putle se pyaar karte hai kyunki woh hamein yaad dilaata hai kaise Mormon Dharamshaastra me Uddhaarkarta America me aais raha.
“Aur suno, uh log swarg se ek Aadmi ke utarte dekhis; aur uh safed lambe kapdon me raha; aur uh neeche utar ke aur uh log ke beech me khada hois. …
“Aur yeh hua ki usne apne haath aage faelaae aur logon se kehne laga:
“Suno, hum Ishu Masih hai, …
“… Hum uh kadwa pyaala se piya hai jon Pita hamme dees raha, aur hum Pita ke gaurav badhaya duniya ke paap apan upar le ke.”1
Uske baad usne har ek aadmi, aurat, aur bachche ko paas bulaaya aur kaha ki woh apna haath Uske bagal me daale aur Uske haathon aur paeron ke neela ke nishaan ko mehsoos kare, taaki woh apne liye ek gawahi paa sake ki Wohi Masiha hai jiska itne-dino se intazaar tha.2
Yeh aalishaan nazaara Mormon Dharamshaastra ka kendriye bindu hai. Susamachaar ka pura “nimantran” jahan Uddhaarkarta ke is chavi me hai komalta se Apne “daya ke baahe”3 faelaana har ek insaan ko Apne paas bulaana aur Uske Praeshchit ke ashirvaad paana.
Mormon Dharamshaastra ka sabse mahatvapurn sandesh hai Ishu Masih ke khaas bhumika ke sachche gyaan ko laotaana manushye ke uddhaar aur unnati ke liye. Yeh vishay gunjta hai parichay paej se le kar aakhri adhyaaye ke aakhri shabdon tak. Sadiyon ke dharam tyaag aur dhaarmik bhram ke samay, Gethsemane aur Golgotha pe Masih ne jo kiya tha ka gehra-arth kho ya bhrasht ho gaya tha. Joseph Smith ketna uttejit mehsoos kara hoi, jab uh 1 Nephi ke anuwaad karta raha, uh ih vishaal vaada ke baare me jaanis: “Yeh antim lekh [Mormon Dharamshaastra] … us pehle[Bible] ke sachchaai ke sthaapna kari … aur saadharan aur anmol baaton ko bataayenge jo usse door kar diya gaya tha; aur sab jaatiyon, bhaashaaon, aur logon se ghoshna karenge, ki Parmeshwar ka Memna hi Anant Pita ka Putra, aur sansaar ka Uddhaarkarta hai; aur ki sab manushye ko uske paas aana chahiye, ya phir woh bachaae nahi jaa sakenge.”4
Uddhaarkarta ke Praeshchit ke baare me saadhaaran aur anmol sachchaaiyaan Mormon Dharamshaastra bhar me paayi jaati hai. Jabki hum aisan dher sachchaai log ke bataega, hum aapke amantrit karega soche ke ki kaise inse aapke zindagi badlis hai ya badle sake hai.
-
Ishu Masih ke Praeshchit ek muft uphaar hai jo sabhi ko diya jaaega jo zinda reh chuke hai, jo abhi zinda hai, aur jo dharti pe jeene waale hai.5
-
Hum log ke paap ke bojh uthaae ke saath saath, Masih hum log ke dukh, kamzoriyaan, kasht, beemaari, aur jitne bhi takleefe hoti hai ek maransheel jiwan ki, ko Apne upar liya. Koi aysa kasht, na peeda, ya dukh nahi hai jo Usne hamare liye jhela nahi.6
-
Uddhaarkarta ke praeshchit ka balidaan hamein mauka deta hai Adam ke Patan ke galat parinaam par vijay paane me, jisme shaamil hai shaaririk maut. Masih ke zariye, Parmeshwar ke sabhi bachche jo is dharti pe paeda huwe hai, apne aatmaaon aur shareer ka milan anubhao karenge Punarjiwan ki shakti ke zariye7 aur Uske paas laute taaki “[unke] karmo ke mutaabik … nyaaye ho.”8
-
Iske alaawa, Uddhaarkarta ke Praeshchit ke sab ashirvaado ko paana hamare lagan pe nirbhar hai9 “Masih ke siddhaant”10ko jeene me. Apne sapne me, Lehi ne dekha tha “seedha aur sakra raasta”11 jo jiwan ke ped tak jaa raha tha. Uska fal, jo ki Parmeshwar ka prem prateek hai jo ki Masih ke Praeshchit ke vishal ashirvaadon ke zariye dikhta hai, “sabse anmol aur sabse chahita hai … [aur] Parmeshwar ke sabhi uphaaron me sabse mahaan hai.”12 Ih fal ke paawe ke liye, hamein Ishu Masih me vishwaas aazmaana hoga, pashchataap karna, “Parmeshwar ke vachan ko sunna,”13 zaroori dharamvidhiyon ko praapt karna, aur pavitra vachano ko nibhaana apne jiwan ke anth tak.14
-
Apne Praeshchit ke zariye, Ishu Masih na kewal hamare paapon ko dho daalta hai, par Woh yogye banne ki shakti bhi pradaan karta hai jisse Uske chelein “aam aadmi ko [door] kar sake,”15 pragati karein “thoda yahan thoda wahan,”16 aur pavitrata me badhte rahe17 taaki ek din woh sampurn insaan ban paaye Masih ke chavi me,18 ek baar fir Parmeshwar ke saath jee paaye19 aur swarg ke raajye ke sabhi ashirvaadon ke hakdaar bane.20
Ek aur sahanubhuti dene waala sach jo Mormon Dharamshaastra me hai, woh yeh ki, bhale jin tak yeh pahunchta hai woh unginit aur vishwabhar me faele hai, Prabhu ka Praeshchit ek bahut niji aur ekaant uphaar hai, jo sirf hamare liye sahi hai.21 Jon rakam se Ishu har ek Nephite chela log ke bulaais Uske ghaao ke nishaan mehsoos kare ke, Woh mara bhi tha har ek ke liye, niji rup se, jaise aap ya mai dharti pe ek hi manushye the. Woh hum logon ko ek niji nimantran deta hai Unke paas aane ka aur Unke Praeshchit ke anokhe ashirvaadon ko paana.22
Masih ke Praeshchit ka niji prakriti aur bhi vaastavik hota hai jab hum asaadhaaran aadmi aur auraton ke uddharan dekhte hai Mormon Dharamshaastra me. Unme hai Enos, Alma, Zeezrom, Raaja Lamoni aur uski patni, aur Raaja Benjamin ke log. Uske samarpit hone ki kisse aur shaktishaali gawahiyaan ek jiwit bayaan karti hai ki kon rakam se hum log ke dil sake badle aur hum log ke jiwan sudhre Prabhu aprampaar achchaai aur daya ke zariye.23
Prophet Alma apan logon se ih bhadakta hua sawaal puchis. Uh puchis, “Agar aapne apan dil me badlaao anubhao kiya hai, aur agar aapne mukti bhare pyaar ke geet gaane ki ichcha ki hai, mai puchta hoon, kya abbhi aapki ahi ichcha hai?”24 Yeh sawaal aaj bhi zaroori hai, kyunki Prabhu ke chelein hone ke naate, hamein Uske mukti ki shakti chahiye hamara saath dewe ke liye, hamein prerit karne ke liye, aur har din hamein sudhaarne ke liye.
Alma ke sawaal ko ghuma ke ayse bhi pucha jaa sakta hai, pichle baar kab aapne Uddhaarkarta ke Praeshchit ke achche prabhaao ko apne jiwan me mehsoos kiya tha? Yeh hota hai jab hum ek “atiuttam aur achcha” khushi25 mehsoos karte hai jo gawahi deta hai aapke dil ko ki aapke paap chama hoe ge hai; ya jab peeda bhare mushkilein aayengi achanak halke lagenge sehne ko; ya jab aapka dil komal ho jaata hai aur aap kisi ko maaf kar paate hai jisne aapko chot pahunchaai hai. Ya aysa ho sakta hai jab bhi aap dekhe aapki pyaar aur sewa karne ki chamta badh gayi hai ya shudh hone ke kriya se aap ek alag kisam ke insaan ban rahe ho, Uddhaarkarta ke uddhaaran ke anusaar.26
Hum gawahi deta hai ki yeh sab anubhav sachche hai aur gawaah hai ki zindagiyaan sudhri hai Ishu Masih aur Uske Praeshchit me vishwaas ke zariye. Mormon Dharamshaastra hamare gyaan ko samjhaata aur badhaata hai is aasmaani uphaar ke baare me. Jab aap is kitaab ko stady karoge, aap jiwit Masih ke awaaz ko sunenge aapko Apne paas bulaata hua. Hum vaada karta hai ki agar aap ih nimantran ke swikaar karega aur apan zindagi Uske uddhaaran pe jiyega, Uske mukti dewe la prabhaao aapke zindagi me aai. Pavitra Aatma ke shakti ke zariye, Uddhaarkarta har din aapko badlega “sampurn din tak”27 jab aap chahenge, jaise Uh ghoshna karis, “ere chehre ko dekhenge aur jaanenge ki woh mai hoon.”28 Ishu Masih ke naam se, amen.