Luhlahlfongi ke Wuhlweacng kacl Jisus Kraist

Tamuhlwel ac tahmtahel sacohklana wiyuck, nga pruhe tuh nguhnasr in ahksasucyeyucklac ke pweng wowo ma kuht ac fah porongo yurin mwet kol lasr ke wikend se inge ac engankihn ma nga pahngon “luhlahlfongi ke wuhlweacng kacl Jisus Kraist.” Luhlahlfongi yohk se inge pa mwe ahkkweyeyuck mislac tuh fokoko ke mwe insewowo ma God El olwelah nuh selos suc karihngihn olwelah lalos ac yohk enenweyac pihlacsraclah ma upac raunikuhtlac misenge.

Muhsahi lohm sasuc sin Leum fin facluh, ye kohkoh luhn mwet kol Prestuhn Russel M. Nelson, use engan yohk nuh sin mempucr ke Alu uh ac kuhlwacnsap ekihn akucl yohk srihpac nuh ke kapwack luhn tohkohsrai luhn Leum.

Nga esamack moklweyuck wolacna luhk ke kihsaclah luhn Tempuhl Feather River California ke Ohktohpa tari ah, nga nuhnkuh lah kuhtuh pacl uh kuht lohsrlah rahrahlac ke tempuhl sasuc in mura ac acn sesr uh ne muhlkuhnlah srihpac muhtahl luhn tempuhl.

Sihmlac ke muhtuhn kais sie tempuhl kahs se inge: Muhtahl nuh sin Leum.¹ Kahs moklweyuck inge pweng kahlwem, ac nguhsr se, tuh ke kuht ilyak nuh in lohm sin Leum, kuht eiskuhtyang nuh ke fuhfahsryucsr muhtahl in ekihn mwet tuhma lutlut fuhlwact ac muhtahl luhn Kraist. Ke kuht kampare ke fuhfahsryucsr se inge, oraclah olwelah muhtahl ye muhtuhn God ac olwelah in fahsr tukun Mwet Lahngo, kuht eis kuh in ekuhllah insiacsr, ahksasucye nguhn lasr, ac ahkfokokoye kuhpahsr lasr nuh Sel. Orekma inge ahkmuhtahlye nguhn lasr ac use kuhpahsr muhtahl se nuh yurun God ac Jisus Kraist, suc olwelah muh kuht ac eis mwe sang luhn moul ma pahtpaht.² Ma sikyak ke srihpen fuhfahsryucsr muhtahl inge pa kuht eis luhlahlfongi muhtahl ac fuhlwact pwenga-na-lwen ke moul in wuhlweacng kuht oraclah nuh sel Jisus Kraist.

Luhlahlfongi yohk inge pa ip yohk emet ke kuhpahsr muhtahl yurun God lasr ac kuh in kahsre kuht ahkyohkye oaru lasr, ac tarilacna lasr, nuh sel Jisus Kraist ac iwaclah Lal. E fah ahkkweye kuh lasr in luhngse ac kuhlwacnsuhpuh mwet sahyac ac ahkfokokoye nguhn lasr in moul ke facl koluk ma upaclah lohsriac ac ahksuhpwacr, tahfuh luo ac tuhfahl. Kahsre kuht in kuhtanglah ahlohloh ac kweok, sahngweng ac ahngyahng, inse muhsahl ac ahsor lah mwet lokoalok luhn ma pwacye nuhkewa srihke in tilyang loal nuh insiacsr yohk na ke moul lasr upac, elyah uh pahtlac, kuh enenuh uh koflah in oreklac. Fuhs se ke paipuhl use kahs in kahsruh wo nuh sesr kais sie ke kuht ohsun nuh ke pahkah luhn facluh misenge: “Ke ma inge, kowos in pulaik ac tia fuhleak.”³

Tamuhlwel ac tahmtahel sacohk, elos suc eis luhlahlfongi pwacye ke wuhlweacng ma oreklac lin lohm sin Leum kacl Jisus Kraist eis sie sin kuh fokoko emet kuht kuh in eis ke moul se inge.

Ke kuht lutlutkihn Puk luhn Mormon ke Fahsruh, Fahsr Tukuk ke yac se inge, kuht liye lah Nephi el oraclah srihkasrak wo ke kain kuh inge ke luhlahlfongi ke wuhlweacng nuh ke luhlahlfongi lal ke el sun ma upac ac ma kosraclah in eis puhlwet ma sapkihnyuck sin Leum. Nephi, finne el suhpwacrlac ke sahngweng ac seluhlahlfongi lal Laman ac Lemuel, el kampare ac luhlahlfongi muh Leum El ac sang puhlwet ah nuh selos tuh tuhlihk nahtuhl kuh in eis kahs luhn Leum. El fahk nuh sin tamuhlwel wiyacl, “Ke Leum El moul, ac ke kuht moul, kuht ac fah tiac som nuh yurun pahpah tuhmwacsr ke yen mwesis ne ke na kuht oraclah ma se suc Leum El sapkihn kuht kac.”⁴ Ke srihpen Nephi el luhlahlfongi ke olwelah luhn Leum, el liye ma usrnguck ac oraclah ma el sapkihnyuck in oruh.⁵ Tok, ke aruhruhma se lal, Nephi el liye mokleyuck luhn luhlahlfongi yohk inge, fahk, “Nga, Nephi, liye kuh luhn Lahm nuhtin God, puhtati nuh fin mwet luhlahlfongi ke alu luhn Lahm, ac nuh fin mwet wuhlweacng luhn Leum, … ac elos nuklac ke suwohswohs ac ke kuh luhn God ke wolacna yohk.”⁶

Nga liye sifacna olwelah in luhngse luhn Leum ac kuh ma tuhkuh nuh ke moul in tuhlihk nuhtin God, ahkkweyaclos in sun moul lalos. Sie lwen ah muhtwacn kiyuck uh fohlohk nuh lohm uh tukun el som alu lun tempuhl ac akacsruhi puhla na wo se el puhla we ke lwen ohyohu winter se. Ke el ilyak nuh in lohm sin Leum, el liye mukul se ke wheelchair soko kahsruhsr suhmuhi ac muhtwacn mahtuh se fahsr orekmakihn sikucl, kwewana puhlaik in tuhkuh kaksak ac sramsram nuh sin Leum in lohm Sel. Ke muhtwacn kiyuck el fahsr nuh ke acn in oruh initiatory, el liye muhtwacn wowo se, suc wacngihnlac sie pahol ac paho se sahyac ah suhkahpahs pac, ahkfahsrye kahto ac muhtahl oacna sie kunohkohn ituckyang nuh sel.

Ke nga ac muhtwacn kiyuck sruhmuhn ma sikyak ingacn, kuht inseselac in fahk lah luhlahlfongi nwacsnwacs ac pwacye muhkwena kuh olwelah ma pahtpaht luhn God oreklac ke wuhlweacng muhtahl nuh Sel ke lohm Sel kuh in oruh mwet tuhma lutlut wowo luhn Kraist inge in fahsr liki lohm selos ke lwen na ohyohu se inge, tiac elyah ke ma upac ke moul lalos.

Kawuck sacohk luhk, fin oasr ma sefanna kuht kuh in eis—ac ma sefanna kuht kuh in sang nuh sin tuhlihk nahtuhsr ac nuhtin nahtuhsr ma ac fah kahsrelos ke mwe srihke ac ma upac elos e sun—ma se ingacn pa luhlahlfongi yohk ke wuhlweacng oreklac kacl Jisus Kraist. Elos fin eis kain mwe sang muhtahl inge ac kahsrwelos in moul oacna Leum El olwelah nuh sin mwet fahsr Tohkohl: lah mwet fahsr tohkohl fah tu ke acn muhtahl, ac tiac kuh in mukwilac.⁷

Kuht eis fuhkah kain luhlahlfongi kacl Jisus Kraist? Ma inge tuhkuh ke inse puhsisacl, moul lasr in siiac na Mwet Lahngo, moulkihn ip yohk ke wosasuc luhn Jisus Kraist, eis akwuck luhn molwelah ac moul ma pahtpaht, ac karihngihn wuhlweacng ma kuht oraclah yurun God in lohm muhtahl Sel.

Ke kahs in kaliyac lal ke toeni luhlahp ke Ohktohpuh 2019, mwet pahluh sacohk lasr el tuh ahkacsmakihnye kuht in eis luhlahlfongi ke wuhlweacng se inge, fahk: “Nwacsnwacs sifacna in utyak nuh lohm sin Leum enenuh ahkolah yohk luhn nguhn sifacna. Nwacsnwacs sifacna enenuh forlah nohfohn luhn nuhnak ac insiyac nuh sin Leum, in mwet wowo fin muhtuhnfacl, ac srihkasrak wowo, ac mwet muhtahl se.”⁸ Pwacnwacng, kuht fin ekuhllah ohiyacn ahkolah lasr in ilyak nuh tempuhl, kuht ac ekuhllah ma kuht puhlakihn lun tempuhl, ma ac ekuhllah moul lasr lihkihn lohm tempuhl. Na luhlahlfongi lasr ac fokokoi ye muhtuhn God ac ip yohk ke pristut fah tuhkuh nuh ke nguhnasr oacna aunfong tuhkuh inkuhsrao.⁹

Pisap se nga etuh el pahngon kuhlahs mahtuh ke Primacri lal tiac kuhlahs in “Primacri” tuh kuhlahs in “ahkohlah nuh tempuhl”. Ke Janwacri pisrap sac oruh tuh mempucr ke kuhlahs ac mwet luti lalos in tuhkuh nuh ke ohfuhs lal ac elos sruhmuhn lah elos ac ahkolah fuhkah ke yac sac in ilyak nuh tempuhl. Pisap sac el sislah pacl lal in siyuck kihsen siyuck in lohlngohk nuh tempuhl, ma an ke mwe luti lalos ke Primacri. El suli tuhlihk inge in ahkolah nuh ke pacl se elos e muh fohlohk nuh ke ohfuhs lal uh tukun yac se, in oasr luhlahlfongi lalos, luhlahlfongi ke wuhlweacng, ahkolah in eis pwepuh in lwelah nuh tempuhl ac ilyak nuh in lohm sin Leum. Yac se inge oasr tuhlihk muhtwacn fuhsr ahkosr ke ward se inge suc arlac rahrahlac, ahkolah, ac ke tari som nuh tempuhl pwacnacng elos ke pisap elan printiyac pwepuh in lwelah lalos ke New Years Day ke 12:01 a.m.

Ahkolah uh tiac ma nuh sin elos suc som nuh tempuhl ke pacl se met lalos muhkwena. Kuht nuhkwewa enenuh ahkolah pacl nuhkwewa in som nuh ke lohm sin Leum. Sie stek nga etuh tuh orekmakihn pohloh kahs se “Infulwen lohm, ahkkweyeyucklac ke alu, ac ahkolah in som nuh tempuhl.” Ahkolah in som¹⁰ kalmac pa lohacng nuh ke sie ma kuh acn, oacyacpac kalmac pa in kuhpahsr nuh kac, oaru, ac insacnweacng, pwacye. Na ahkolah in som nuh tempuhl kapsrekuhti nuh sin Mwet Lahngo, use kolyuck pwacye ac fokoko ac in etuh lah kuht oraclah luhlahlfongi ke wuhlweacng lasr kacl Jisus Kraist. Pwacnwacng, kuht nohfohn enenuh in ahkyohkye kuhpahsr se inge ke kuht plwacni pacl in muhtwacta nuh yurun Leum ke lohm muhtahl Sel, lah tempuhl uh loes kuh an fototo nuh yohrohsr.¹¹

Mwet pahluh sacohklacna lasr, Prestuhn Nelson el ahkacsmakihnyekuht ke mwe luti yohk srihpac inge fahk: “Tempuhl pa sru kuh se ma ahkkweye luhlahlfongi ac kuhlaswack nguhnasr mweyen Mwet Lahngo ac mwe luti Lal pa yohk srihpac emet ke tempuhl uh. Ma nuhkwewa ma lutiyuck lun tempuhl, ke kahs in kol ac ke Nguhn, ahkyohkye kahlwem lasr kacl Jisus Kraist. Akwuk yohk srihpac Lal kapsrekuhtyang nuh Sel ke wuhlweacng muhtahl ke pristut. Na, ke kuht karuhnguhnwacng wuhlweacng lasr uh, El ukiyac nuh facsr onwelah Lal kuh fokoko. O na, fuhkah enenweyacn kuh Lal nuh sesr ke lwen suc ac fah tuhkuh.”¹²

Mwet Lahngo el kena tuh kuht in ahkolah in kahlwem, ke pwacye, ohiyac fal in in ahkfahsryeyuck ke kuht oraclah wuhlweacng yurun Pahpah tuhmasr Inkuhsrao ke Inel. El kena tuh kuht in ahkolah in puhlakihn mwe insewowo, olwelah, ac kunohkohn lasr; ahkolah in eis mokleyuck ac fwackyuck in nguhn ma kuht enenuh ke moul se inge. Nga etuh lah ke Leum El liye finne kena srihsrihk se kuh kampare suwohs srihsrihk lasr in Fihlilyac infulwen moul lasr, ac ke akwuck ac olwelah ma kuht oraclah ke lohm Sel, El fah ahkinsewowoye kuht, ke ohiyac suwohs Lal, ke ma usrnguck ac pahkomuhta kuht enenuh.

Lohm sin Leum pa acn se ma kuht kuh in eklac ke ohiyac muhtahl ac fuhlwact. Na, ke kuht tifkoklac liki tempuhl, kuht eklac ke finsrak lasr ke olwelah luhn wuhlweacng, sesseslah ke kuh inkuhsrao, kuht us tempuhl wi kuht nuh lohm sesr ac in moul lasr. Nga ahkpwacyei nuh suwos lah Nguhn ke lohm sin Leum fin oasr yohrohsr e ikihlkuhtlac, na pwacye.

In Tempuhl kuht lotwelah lah fin kuht luhngse Nguhn luhn Leum in oasr yohk in moul lasr, kuht tiac kuh ac tiac lwelah in oasr nuhnak koluk lasr nuh sin mwet sahyac. Lwelah insiacsr kuh nuhnak lasr in puhla kuh nuhnkuh ohiyac inge e kol nuh ke kahs ac mukwikwi koluk, finne ke social media kuh in lohm sesr, ma ac oruh tuh Nguhn luhn Leum in som liki insiacsr. Oruh, nuhnak muhnahs tiac fuhlwelah luhlahlfongi lom, tuh, lwelah tuh luhlahlfongi lom in yohkwelihk.

Tempuhl uh muhsahiyuck fahsr na ac puhseni in ahkenganye, ahkmoklwe, ac ahkinsewowoye kuht. Tuh ma se yohk srihpac e met uh, ke kuht ekuhllah ohiyacn ahkolah lasr in ilyak nuh tempuhl, kuht ac ekuhllah ma kuht puhla lin tempuhl, suc ac ekuhllah moul lasr likihn tempuhl. Lwelah eklac se inge in nwek kuhtlac ke luhlahlfongi yohk ke wuhlweacng muhtahl kuht oraclah nuh sin God kacl Jisus Kraist. God El moul, Jisus pa Mwet Lahngo lasr, ac pa inge Alu fohlohkyak Lal fin facluh. Nga fahkwack luhlahlfongi ke ma pwacye inge ke ine muhtahl luhn Mwet Lahngo lasr, Jisus Kraist, amen.