Zimbabwe: Ubalo-maxesha lweBandla

1928 • Shangani, kuMazantsi eRhodesiaUCecelia Jubber noWalter Taylor Jubber, ababehlala nabantwana babo kwifama kufuphi neShangani, bamema uSamuel Martin, umongameli woMsebenzi weVangeli waseMzantsi Afrika, noMdala uMarian Allread ukuba babhaptize oonyana babo uWilliam A. Jubber noWalter Taylor Jubber.

1930 • kuMazantsi eRhodesiaAbafundisi bevangeli boMsebenzi weVangeli woMzantsi Afrika basebenza kwiSithili saseRhodesia ukususela ngeyeThupha ukuya kutsho ngeyeNkanga ka 1930. NgeyeThupha 30, 1931, iSebe laseShangani lalungelelaniswa, uWalter Taylor Jubber njengomongameli.

1950–51 • Salisbury, kuMazantsi eRhodesiaAbafundisi beVangeli babuyela eRhodesia ngeyoMsintsi 1950. NgeyoMdumba 1951, uHugh H. Hodgkiss wavuma ukubhaptizwa waza waba yinkokeli yasekuhlaleni yokuqala yeSebe laseSalisbury ngo 1959.

1951–57 • kwaBulawayo, kuMazantsi eRhodesiaLisekwe ngo 1951, iSebe lakwaBulawayo kungekudala lalungelelaniswa phantsi kobunkokeli basekuhlaleni. Ngo 1952, uJohanna Jubber wabizwa njengomongameli woMbutho waManina, kwaye ngo 1957, uRichard Isaacs wabizwa njengomongameli wesebe.

1959 South AfrikaUJean Wood weSebe lakwaBulawayo waqalisa inkonzo yomsebenzi wobufundisi eMzantsi Afrika.

EyeKhala 28, 1963 • kwaBulawayo, kuMazantsi eRhodesiaIinkonzo zokuvula kwindlu yokuhlangana zakwaBulawayo zabanjwa.

1965–80 • eRhodesiaIlizwe laba nemfazwe yamakhaya ixesha elide.

EyoMqungu 26, 1974 • kwaBulawayo, eGweru, naseSalisbury, eRhodesiaIinkqubo zeseminari ne-instityhuthi zaqala ukwaziswa kulutsha nabadala abaselula eRhodesia.

1978 • eRhodesiaU-Iris Nield wasebenza ukuqokelela ama-2,000 eerekhodi zefilimu ezincinci zeGenealogical Society yeUtah.

EyeSilimela 8, 1978 • Isixeko saseSalt Lake, eUtah, USAUMongameli weBandla uSpencer W. Kimball wabhengeza isityhilelo esaphelisa ububingeleli nezithintelo zetempile kumalungu aMnyama eBandla.

EyeDwarha 23–24, 1978 • eRhawutini, eMzantsi AfrikaUMongameli weBandla uSpencer W. Kimball uthethe namalunga aqikelelwa kuma 3,400 nezihlobo kwiFilm Trust Arena malunga nobubingeleli buka 1978 nesityhilelo setempile.

1979–80 • kwaBulawayoU-Ernest Tsikira Sibanda noPriscilla Sibanda nabantwana babo badibana neBandla kwaye babhaptizwa ngokukhawuleza emva koko njengamalungu okuqala aMnyama eZimbabwe.

UTshazimpunzi 18, 1980 • eZimbabweIRhodesia yazimela kwiGreat Britain yaze yamkelwa kwiziwe njengeZimbabwe.

UCanzibe 23, 1980 • eHighfield, eZimbabweUReginald J. Nield wabizwa njengomongameli weSalisbury Isebe lesine e-Highfield (kamva yathiywa ngokuba Isebe laseHighfield), isebe lokuqala elimnyama kumazantsi e-Afrika.

UCanzibe 17, 1981 • eSalisbury, eZimbabweUTanganyika noPeter Chaya, uyise nonyana, weSebe lesine laseSalisbury, babengamadoda okuqala amnyama amiselwa njengabadala eZimbabwe.

EyeDwarha 14, 1981 • eSalisburyUPeter Chaya waba ngowokuqala oMnyama oNgcwele weMihla yokuGqibela eZimbabwe ukwamkela ubizo njengomfundisi wevangeli.

1980s • eZimbabweAmasebe amatsha aye ayilwa eBindura, eHarare, e-Arcturus, eGweru, kwaBulawayo, naseMutare.

EyeThupha 24, 1985 • eRhawutiniITempile yaseRhawutini eMzantsi Afrika yanikezelwa.

Ngasekupheleni koo 1980 • eZimbabweUNoel da Silva, umongameli weSithili saseHarare, waseka “iintlanganiso zomthendeleko wasekhaya” eRuwa, eMacheke, eBindura, nommandla wasemgodini kufutshane neRemare, apho amalungu afumanisa ukuba ukuya kwizindlu zeentlanganiso kubiza imali eninzi. NgeCawe nganye ilungu lobongameli besebe lalibakho kwiintlanganiso ezincinci kumakhaya amalungu.

1990 • kwaBulawayo, eZimbabweUMukai Maphosa wabizwa njengomongameli woMbutho waManina wesithili.

EyeDwarha, • eHarare, eZimbabweIZimbabwe yanikezelwa ekushumayeleni ivangeli nguMdala James E. Faust weQumrhu labaPostile Abalishumi Elinambini.

UTshazimpunzi 1992 • eZimbabweKweyona mbalela imbi kakhulu kwiminyaka eli 100 , abantu baseZimbabwe baye bafumana ukunqongophala kwezinto ezisisiseko ezifana nomgubo wombona, i-oyile, irayisi, neembotyi.

EyeThupha 18, 1992 • eZimbabweIqela lamalungu ayi 50 asuka kwiindawo ezingqonge iZimbabwe (kuquka iHarare, Bulawayo, naseMutare) bahambe iiyure eziyi 25 ngebhasi ukuya kwiTempile yaseRhawutini eMzantsi Afrika.

1993 • eZimbabweU-Edward Dube ube ngummi wokuqala waseZimbabwe ukusebenza njengomlawuli welizwe kwiiSeminari nee-Instityuthi zeNkolo.

EyoMdumba 18, 1998 • eHarareUMongameli weBandla uGordon B. Hinckley wandwendwela iZimbabwe kwaye wathetha malunga ne 1,500 labaNgcwele beMihla yokuGqibela. Amagosa aliqela karhulumente, kuquka unobhala wezokhuselo nomphathi wentlalontle, nabo kananjalo babekhona.

1999 • Isixeko saseSalt LakeUhlelo lokuqala olupheleleyo lweNcwadi kaMormoni ngolwimi lwesiShona lwapapashwa.

EyoMnga 12, 1999 • eHarareINgingqi yokuqala eZimbabwe, iNgingqi yaseHarare Zimbabwe, salungelelaniswa, u-Edward Dube njengomongameli.

EyeDwarha 9, 2000 • eHarareU-Emmah no-Ben Musoni baba sisibini sokuqala sasekuhlaleni ukuba sikhonze ixesha elizeleyo leminyaka emibini kumsebenzi wobufundisi.

2002 • eZimbabweIngxowa-mali yoNcedo yaBaxhasi beTempile yanceda abantu abaninzi ababeze etempileni, kuquka neehambo ezine ezivela eHarare, ezintathu zivela eLusaka, nezimbini zivela kwaBulawayo.

EyoKwindla 20, 2005 • kwaBulawayoINgingqi yakwaBulawayo Zimbabwe yalungelelaniswa, uTasara Makasi njengomongameli.

2007 • eZimbabweIncwadi kaMormoni, iMfundiso neMinqophiso, nePerile yeXabiso eliKhulu (iNdibaniselwano kaThathu) zapapashwa ngesiShona, emva kweminyaka emininzi yomsebenzi weqela labaguquleli eliquka uDorothy Tembo, uGeorge Murenza, uMoses Murahwa, Upenyu Tambara, uBen Musoni, noThomas. Musoni.

2008 • eZimbabwePhakathi kokubeka irekhodi lokunyuka kwamaxabiso nobhubhani wekholera owasulela abantu abayi 100,000 kwaye yabulala abayi 5,000, iminikelo ekhawulezayo yabaNgcwele baseZimbabwe idityaniswe noncedo loluntu olulawulwa liBandla yathintela ingxaki enkulu yokhuseleko lokutya kumalungu eBandla.

EyeSilimela 30, 2009 • eZimbabweU-Edward noNaume Keresia Salizani Dube babizwa ukuba bongamele kwiMishini yaseZimbabwe eHarare.

UTshazimpunzi 6, 2013 • Isixeko saseSalt LakeU-Edward Dube waxhaswa njengelungu leQumrhu lokuQala labangaMashumi Asixhenxe kwinkomfa yajikelele, esiba ngummi waseZimbabwe wokuqala ukusebenza njengoGunyaziwe Jikelele.

EyoKwindla 2016 • Emantla naseMpuma ZimbabweEmbindini wembalela enzima, uMbutho weSisa wabaNgcwele beMihla yokuGqibela waququzelela ukugrunjwa kwamaqula angama 51 kuluntu lwaseChegutu, eMarondera, eKambuzuma, eGlen Norah, eHighfield naseDomboshawa.

UTshazimpunzi 6, 2016 • Isixeko saseSalt LakeUkwakhiwa kweTempile yaseHarare Zimbabwe kwabhengezwa ngexesha lekomfa yajikelele.

EyeKhala 2017 • HarareAbangcwele baseHarare babambisana nebhunga lesixeko ukuvala imingxuma kwindawo yaseMabvuku-Tafara nendlela encinci kwingingqi yaseQueensdale.

EyeNkanga 14, 2018 • eHarareObekekileyo uK. Mohadi, usekela mongameli waseZimbabwe, uye wadibana neenkokeli zeBandla, kuquka uPhilip Mathemera, uMongameli weNgingqi yaseHarare eMzantsi, uGladys Sitati noMdala uJoseph W. Sitati woMmandla woMzantsi we-Afrika, noKathy Andersen noMdala uNeil L. Andersen weQumrhu. labaPostile Abalishumi Elinambini.

EyeThupha 17, 2019 • eZimbabweNjengenxalenye yoSuku lwe-All-Africa Helping Hands Day, apho abaNgcwele beMihla yokuGqibela kwilizwekazi lonke baye banikela ngaphezu kweeyure eziyi 10,000 zenkonzo, amalungu eBandla eZimbabwe asebenzisana namabhunga asekuhlaleni ukucoca iindawo zokulahla inkunkuma ezingekho mthethweni kuluntu.

EyeDwarha 1, 2020 • eHarareUkwakhiwa kweTempile yaseHarare Zimbabwe kwabhengezwa.