Ibukin Reken Kabwaiam

Tabeua te tai n nako ao I karekea au reta ae aki oti aran te aomata iai mairoun te tina ae uruaki nanona ni kaota iai rawawatana ao marakina ibukin natina te mwane are e a tia ni urui tua aika a karika te nanokawaki, ao ni urui nanoia aika tangiraki aika akea aia bure.

Man a na reta nakoiu are akea te ara iai, ao n namakinan akean a na kantaninga, ao iai nanou ae korakora ni kaota au tangira nakoina ao tabeman riki aika ti tebo aia kanganga ma ngaia ni kataia n anganiia te karau nano ao te kantaninga nakoiia naake aki ataaki araia ni uouoti rawawata n ti ngaia, ake a bon ti ataaki irouiia ao ma Tamaia are i Karawa are e tatangiraki.

I ataa, te Titita ae Akea Arana, bwa tera are N na taekinna bon ti te kauring, ma e bon riki naba bwa te kakoaua nakon te bwai are koa kaman ataia.

Ngke e karawawataki te Burabeti are Iotebwa Timiti, inanon te tai are e a katukaki iai n te tabo ni kaikain ae rootongtong ae aranaki bwa Krabuti ni Inaomata, ao e takarua ma n taku, “Atuau, ko mena ia?” (D&C 121:1), ao e a karaua nanona te Uea n ana taeka aikai: “I kinako, natiu, bwa bwaai ni kabane aikai a na anganiko te atatai, ao a na reke iai kabwaiam” (D&C 122:7). Ai kangangara ao ai kamarakira n aron ae aki kantaningaaki ni kunea te raoiroi are e na reke n oin uruakin nanora ao rawawatara. Ai aki boutaura taeka aikai “ibukin kabwaiami” are a na konaa n nooraki.

Ma e nage n anne, ao oota raoi n a na babaire Kristo ni kamaiu e buokiira bwa ti na noora are akea tokina. N ara tai are ti moan maiu iai imwain maiura ngkai ao Tamara are i Karawa E karaoa ana babaire ibukin te maiu are e mamate, n aron are kabwarabwara Aramwa bwa te “babaire ibukin te kukurei” (Aramwa 42:8). I kakoaua ae ti bane n oota raoi iai bwa rokora iaon te aba, ao ti na kaotaki iai nakon bwaai ake a tia n riki ni maiura iaon te aba, n raonaki ma kataakira ni marakira aika aki nang ni kakukurei, rawawatara, akean ara kantaninga, te bure, ao te mate. A na iai katakiira ao kariiriakira. Ao ngkana akanne aika ti atai ibukin te babaire, ao I nanououa ngkana iai mai ibuakora ae mwaneiia n akoiia, ma te kimwareirei, “Ao anne are I tangiria n tainakomaraki, te rawawata, akean te kantaninga, te bure, ao te mate.” Ma a bane n nooraki raoi, ao ni bane ni butimwaeaki, ma n nangi n tangiraki, ngkana te Tari te Unimwane e a waaki rake ao n anga nanona bwa E konaa n ruo n nako nano ni kanako raoi bwaai ni kabane. N aki mena inanon te maraki E na uota te rau. N aki mena n akean te kantaninga E na karekea te kantaninga. Man aki uruakii tuua E na uouta te rairannano ao te kakabwarabure. N aki mena n te mate E na uota te mangauti nakon maiura. Ao ma te kabwarabwara ao te bwain tangira are e anganiira ma nanona n akea boona, ao ngaiira n tatabemaniira nako tia kabanea ni kangai, “I konaa ni karaoa arei. Ao anne ae kakamaku tau karaoana.” Ao ngaia are ti a rinea aei.

E kanganga kabwarabwaraan ae kam na konaa n noora aron ana nanoanga te Kristo ao Ana Mwakuri ni Kamaiu ake a kabwarabwaraaki iroun Amereki i nanon te ka 34 ni mwakoro iroun Aramwa n Ana Boki Moomon. E kabwarabwaraa Ameriki bwa e na riai ni iai te “kabanea ni kakannato ni karea” (Aramwa 34:10). Ao e karaua ni kaotaa raoi bwa aio tiaki te karea ae te man ke mannikiba ake ti te arona ma ake a kaman atai aomata. E na riai n ae a na karea te Atua—Iesu Kristo. Aio are e na riai n ae karea aika akea taiia ao akea tokiia. Ma ngaia are a karaoai karea, ma ara onimaki ao ti kuneira ni mwananga n te mwananga are e aranaki bwa te maiu ae mamate. Ao n tokina, nanora a nanokawaki n akea kabwarabwaraan te tei ae bua, ke te aoraki ae kantaningaaki ae akea taina ke ana aki konabwai temanna ae tangiraki. Kaaro aika akea toaia a kakorakoraiia ni katauraoa te mwane n taniia ao kakoauakin mwaakan ana mwakuri te euangkerio inanon mweengaia. Ao tao ae moan te kanganga riki nakoiia ni kabane bon nooran te maraki n akea te konaa n taraii rawawataia aika tangiraki ibukin aia bure ao uruakan tuua.

Iai aika a karako mai i buakora, ngkana iai, aika a aki nakonako ni uran a na aii te tia kariirira ao ni uruaki nanona, n tabetai ao a ataaki irouia tabeman aika mwaiti ni karabaia n aki kakarongoa ao n teimatoa i bon irouia. Aangin te maraki n nano, te maraki, ao te rawawata tiaki konaa n rinei n te bong aei. Ma ti karaoa ara rinerine. Ti konaa n rinerine ngkana ti nooria bwa e tia raoi te babaire. Ti rinerine ngkana ti noora raoi te kaotioti ibukin kamaiuakira iroun te Tia Kamaiu. Ao ngkana ara onimaki ao ootara n te bong aei a itiaki n aron are ti moan karaoa ara rinerine, I kakoaua bwa ti na manga rinerine riki kaua.

Ma ngaia are, tao te kakatai e na riai ni iai te aeka n onimaki inanon taai aika matoatoa are ti na riai ni karaoi raoi ngkana ti karaoa ara moan rinerine. Te aeka n onimaki are e bitii titiraki ao ai aron naba te un nakon butimwaeakin te mwaaka, kakabwaia, ao te kantaninga are e konaa n ti roko mai Irouna are boni ngaia oin te mwaaka ni kabane, kakabwaia, ao te kantaninga. Te aeka n onimaki are uoti rabakau ao te kakoauaraoi bwa bwaai ake tia tia noori bon iteran ana babaire te euangkerio ao ibukin te kororaoi, bwaai ni kabane ake a kaoti ni kairua ana bon bane ni kaetaki. Te teimatoa n te rau ao te oota man rietata riki nakoia tabeman ao ni kaota te kantaninga e na konaa n riki bwa te kaniwanga ae tikiraoi. Te aeka n onimaki aei are e konaa ni buokira bwa ti na karekea kabwaiara, e ngae ngkana kawain te maiu e tara n ae karinan aika kateketeke, ma ni kakang, ao taiani bwaa aika a aki boraoi aoia.

Ngke Iesu ma A na reirei a rirakin te aomata ae mataki man te tai are moan bungaiaki iai. A titiraki ana reirei, “Te Tia Reirei, antai ae karaoa te bure, te mwaane aei, ke a na karo, ngkae e bungiaki ni mataki?

“E kaekaia Iesu, E aki bure teuaei, ao a aki naba a na karo, ma ana mwakuri te Atua a na kaotaki irouna” (Ioane 9:2–3).

I aki kakoaua bwa Tamara are i Karawa e kariki rawawata ao maraki n nano inanon maiura. Ma ngkai ana “mwakuri te Atua” a kaotaki ni kamaiuakin te mwaane ae mataki, ao anne naba te kawai are ti kaitarai oin kataakira are ana kaota ana “mwakuri te Atua.”

Man rawawatara ao ti konaa ni ukoukora raoiroin ao kabwaiara are n tainako ao a irekereke ma kataakira aika bubuaka. Ti konaa ni ukoukorii taai akana ururingaki akanne ake aki toki ni karabaki n te maraki ao te rawawata. Ti konaa ni kunea te rau ni karababai riki arora nakoiia riki tabeman, ni kabonganai aron ake ti a tia n noori ni katauraoa te kantaninga ao te karau nano. Ao ti konaa ni uringnga n tainako nanora ae korakora ao ni kakaitau Nakoina are ngaia are e a tia n nang n rawawata ni kaeti bwaai ni kabane ibukira. Ao ni karaoan anne ao ti konaa ni kakorakoraki ni uoti rawawatara n te rau. Ao ngkanne, ana “mwakuri te Atua” a na konaa ni kaotaki.

N taekinan ana Mwakuri ni Kamaiu te Kristo, ao I tangira te tikitionari ni kabwabwara ae akea tiana ao akea tokina ibukina bwa I kakoaua ae kabwarabwaraa raoi bwa tera are nanonna te Atua. Akea Tiana: “Ae akea tiana ke tokina.” Ao kabwarabwaraan nanon akea tokina: “Ae akea moana ao kabaneana” (The American Heritage Dictionary of the English Language, 4th ed. [2000], “infinite,” “eternal,” 898, 611).

Kam noora, te Titita ae Akea Arana? Are nanonaki ikanne bwa te Mwakuri ni Kamaiu bon ibukimi inanon rawawatami. E onoti nakoimi, ngkai E ataai raoi kataakimi ao rawawatami, ibukina bwa E a kaman tia ni karawawataiia. E nanonaki bwa e na konaa n tainako ni iai moara ae boou ibukiira n tatabemaniira nako—n ai aron te nati te mwane are e a tia n nang ni urui tuua. E nanonaki bwa ngkana ti waaki rake rinanon kataakin maiura ao korakoran rawawatara, ti na aki konaa ni kakamwakuri ma ara namakin ae akea te kantaninga iai, tiaki tara are ti a tia ni mena iai ma ti bon tara ae ti na nakea. Tiaki tara raoi are e a tia n riki ma ti tara are tera are e na konaa n riki.

Ni kaotia raoi, bwa angiira ana tangira riki reiakinan reirei aika matoatoa ibukin te maiu are a karauaki raoi ni kawakinaki n te Reirei n Tabati ke n otan kabubuen te tabo ni kanaiai n tain te botaki ni utu n te tairiki n te mweenga. Ma, I konaa ni kaota bukina, bon mai imwiin te mwaitoro, ni koonan te Karabuti ni Inaomata aika roo ake a roko mai iai bwaai tabeua aika nang n tikiraoi, koroboki aika tabu aika karaunano ake anganaki aomata, ao a kianaki n taeka aikai, “Bwaai ni kabane aikai E na anganiko ma te atatai, ao ana reke ibukin kabwaiami.” N aron naba aio, ao man kataakira ao ti konaa ni ukoukorii kukureira, ao te bong e na roko raoi man katakiira ao ti na oota n taeka aika ti tebo “ibukin kabaiami.”

Man koroboki aika tabu ao ti reiakina are ngkana e nako te Tia Kamaiu nakon te Onnaroka are i Ketetemwane ni mate ibukin ara bure, ao E tiinako rarana man bangabangan rabwatana ni kabane (tara D&C 19). I kakoaua, Titita Akea Arana, bwa ngke E uoti korakoran rawawata ao maraki, ao E wawanako rarana ibukimi. E wawanako rarana ibukin natim te mwane, ao E wawanako rarana naba ibuku.

I kakoaua te tataro. I kakoaua te onimaki. I kakoaua te rairannano. I kakoaua te mwaaka ni Kamaiu. Ao eng, te Titita ae Akea Arana, I kakoauako. Ao ai uana naba ma te Tama are i Karawa ae tatangiraki. N aran Iesu Kristo, amen.