Usa ka Leksyon nga Nakapausab sa Among mga Family Home Evening

Kami adunay tulo ka batan-on nga mga anak, nga nanag-edad og lima, tulo, ug usa. Sa sinugdanan, ang among mga family home evening dili malampuson. Ang mga bata samok nga magdula sa ilang mga kaugalingon. Ang akong asawa ug ako mibati nga hapit dili magmalampuson.

Dayon usa niana ka Lunes sa gabii, ang akong asawa nagtudlo mahitungod ni Samuel ang Lamanite ginamit ang flannel-board nga mga litrato isip mga biswal. Kaming tanan nagpulipuli sa pagbutang sa mga litrato diha sa tabla aron ipahiangay ngadto sa mga tawo diha sa sugilanon samtang naghisgot kanila. Ang mga bata nalingaw pag-ayo sa kalihokan nga nakabaton kami sa among unang malinawon ug puno sa Espiritu nga family home evening sulod sa daghang mga bulan.

Kini nga leksyon mihatag og dakong kausaban sa among mga family home evening. Misugod kami sa pagpangandam og mas dugang pa nga pagtinabangay nga mga leksyon, ug ang mga bata mihagad sa pagbuhat sa tanang matang sa buluhaton aron paghimo sa family home evening nga malampuson. Misugod usab kami sa paggahin og dugang pa nga panahon sa pagplano sa among mga family home evening. Among gisiguro nga walay duha ka mga home evening nga managsama og panaghisgutan. Ang nagkalainain nga mga kalihokan nakatabang sa pagpabilin sa kaikag sa among mga anak.

Nakakuha kini og tinuyo nga mga paningkamot sa among bahin aron sa paghimo ug sa pagpatunhay niining mga elemento sa among mga family home evening. Apan ang among mga anak karon magpaabut sa family home evening ug moapil sa labaw pa nga makatabang nga mga paagi.