Kakaea nanon Koroboki aika Tabu ma te Nanomwaaka

Beretitenti Howard W. Hunter (1907–95): “I kairi nanomi nakon te koaua ae ana kaotioti te Atua ngaia te kainibaire ae ti na bairea aroni maiura ma ara babaire ao ara mwakuri iai. Ao ibukin anne, ngkana iai raraomami ke tabeaiangami, rairaki nakon booki aika tabu ao burabeti” (“Fear Not, Little Flock,” in 1988–89 Devotional and Fireside Speeches [1989], 112).

Beretitenti Ezra Taft Benson (1899–1994): “Te tokanikai n te raoiroi, te mwaaka ni katuanakoa te kewe ao n totokoa te kariri, kairara ni maiura n te bong teuana ma teuana, kamaiuan tamneira—aikai boni berita tabeua are anga te Uea nakoia ake ana ira Ana taeka. … Kakabwaia tabeua ae a kona n reke ni Booki aika Tabu, ngkana ko ongotaeka n ana taeka te Uea ao ko teimatoa iai. …

“… Manga katabeko nakon te kamatebwai ni koroboki aika tabu. Kabanea am tai iai ni katoa bong bwa e aonga n reke iroum mwaakan te tamnei n raoraoniko n taiani wewete nakoim. Wareki nakoia am utu ao reireinia natim bwa ana tangiria mani kakawakinna” (“The Power of the Word,” Ensign, Meei 1986, 82).

Beretitenti Spencer W. Kimball (1895–1985): “Ngkana ko a moanna ni matata riki ma taiani koaua ni Booki aika Tabu, ko na rikirake riki n rabakau ni kawakina te kauoua n tua, ae ko na tangira raom n ai aron tangiram ibon iroum. Riki bwa taan rabakau n taekan booki aika tabu—n aki kabwakaia tabeman ma ni karikirakeia! Bwa n tokina, antai ae korakora riki nanona ni ‘kawakin’ ana koaua te euangkerio (ae ana manga okiria n aia tai ni kainnano) n aroia aine ma tiina aika a rangi ni karaoa te kaikawai ma te reirei?” (“The Role of Righteous Women,” Ensign, Nobembwa 1979, 102).

2 Nibwaai 4:15: “E kimwareirei tamneiu ni koroboki aika tabu, ao e iangoi nanou ma te karaurau, ao I korei ibukin kawanawanaia ao rakaia natiu.”

Julie B. Beck, te beretitenti ni kabuta n aia Bootaki Aine: “Teuana te kawai ae raoiroi ibukin moanakin te kamatebwai iaon Booki aika Tabu boni ‘kabotauaia ’ nakoira (tara 1 Nibwaai 19:23). Tabeman a moana aia waaki ni kakaean te bwai ae a tangiria ni kan ataia riki man te Topical Guide. Ke a moanna mani moani baan te Boki ae Tabu man rinei reirei aika a nano iai. …

“Ma te kawai ra ae moana iai ana kamatebwai te aomata man Booki aika Tabu, te king ibukin karekean rabakau aika kakawaki boni man te botumwaaka ni kamatebwai. E aki kona ni bwara nanou n neneweabai koaua aika a rangi ni mwaiti n te Boki ae Tabu ibukina bwa reirei ma te koaua ae ‘itiaki, n aron tokin itiakin te taeka’ (2 Nibwaai 32:7). Te Boki ae Tabu e kaota te koaua ibukin te Kristo (tara Ioane 5:39). A tuangira bwaai ni kabane aika ti riai ni karaoi (tara 2 Nibwaai 32:3). A ‘kawanawanaira nakon taekan te kamaiuaki’ (2 Timoteo 3:15).

“Rinanon au wareware ni Booki aika Tabu ao te tataro ae irian au kamatebwai, I a tia ni karekea te rabakau ao ni karekea nakoiu te rau mani buokai ni kamanena korakorau ni kabane nakon baika a kakawaki aika mai karawa. I a tia ni karekea te atatai ibukin Tamau are i Karawa, Natina ae Iesu Kristo ao tera ae N na karaoia bwa N na riki n aekakiia ibukina bwa I a tia ni waakina au wareware ni katoa bong man Booki aika Tabu” (“My Soul Delighteth in the Scriptures,” Riaona ao Ensign, Meei 2004, 108–9).

Beretitenti Thomas S. Monson: “Booki aika Tabu a unekenekea ara kai ni boki. Taraia bwa ana kanuai raoi ara iango man riki bwa kairani maiura” (“The Mighty Strength of the Relief Society,” Ensign, Nobembwa 1997, 95).