Sa ou fiafia lava e vaaia se vaega o alii talavou ma tamaitai talavou i luma o le Nofoaga Iloga o Roma i le itulau e 32 o le Liahona o Setema 2008. Sa ou faamisiona i Italia i le 1971. A o ou tala’i i Roma, sa ma aoaoina ai ma la’u soa ni tamaiti lelei lava se toalua, o Alberto ma Masimo De Feo, ma sa papatiso ai mulimuli ane. Manatu i lo’u fiafia e vaai i lena tala tusia ia Denise De Feo, ma ou iloa ai o ia o le afafine o Masimo, lea ua avea nei ma peresitene o le Siteki a Roma i Italia. Ua ou iloa ai foi o Alberto o se peresitene o le paranesi i Kanata. Ou te matua faafetai lava i le Alii mo aafiaga o la’u misiona ma le mafai ona ou vaai i fua o Lana talalelei.

I taimi o le faanoanoa, e masani ona ou liliu atu i le Liahona e faitau ia savali mai le perofeta ma aposetolo. O a latou saunoaga e aumaia ai le mafanafana ma le olioli i lo’u agaga. Faafetai atu mo lenei mekasini! Ua fesoasoani ou te lagonaina ai le alofa o lo’u Tama Faalelagi ma Lo’u Togiola, o Iesu Keriso.