Ahmw Kapai en Patriark

President Monson kawehwehda kapai en patriark ni duwen “pein noumw Liahona en kainene ahmw koasoandi oh kaweid ahmw ahl.” Eri kapai dah ehu wet, oh ia duwen eh kak kaweid ahmw mour?

Dahkot kapai en patriark?

Mie kahrepe riau en ahmw kapaio. Keieu, e pahn kasalehda ahmw keinek, de kisehn mehnia keinek en Israel me ke wia towe. Keriau, e pahn audaudki mehn kapehse me pahn kaweid uhk. Ahmw kapai pahn audaudki inou kan, kehkehlik kan, oh kaweid me pid me keper kan.

I konehng en ahniki sounpar depe ngehi eri alehdi ahi kapai en patriark?

Sohte koasoandi ong sounpar, ahpw ke konehng mih nan sounpar ehu me ke kak kesempwaliki duwen sarawi en kapaio. Tohto towe kan kin tepida medewe alehdi arail kapai kan ni arail tepidahn peinakapw oh mwahnakapw.

Ia duwen ei pahn alehdi ahi kapaio?

Keieu koasoaieng mahs omw pisop de president en prans. Ma ke onop oh warohng, ke pahn alehdi kisin likoun mweimwei. Mwurin mwo, ke kak koasoanehdi ansou en tuhweng patriark en ahmw wasa.

Dah me I pahn wiahieng ahi kapaio?

Nekidala nan wasa mwahu, oh kin kalapw wadek. Tamataman, ahmw kapaio sarawi oh ongete pein kowe. Ke kak ehukihieng towe kan en ahmw peneinei tikitik, ahpw ke sohte konehng ehukihieng aramas teikan de ndahda mwohn aramas. Me patehngete met, kapai kan koaros me mie nan ahmw kapai en patriark poahsoankihda ahmw pwoson oh idawehn sapwellimen Kauno koasoandi ong ansou.