Iren Mahsen en Padahk en Pas, Pepweri 2010
Apwahpwalih Ni Eripit Elen Pai Kan oh Dehr Tengala Nan Pweipwand
Padahngki iren pwuhk sarawi oh iren mahsen pwukat de, ma mie anahnepe, ehu padahk tohrohr me pahn kapaiada lih akan me ke kin pwarek. Kihda ahmw kadehde en padahko. Luke irail akan me ke kin pwarek en ehukihda me re pehmada oh esehla.
Apwahpwalih Elen Pai Kan
“Momour ni eripit” …wehwehki [kasohtik] elen pai kan me kitail ahniki, pilahn mwahu de ni eripit me pid pelien mwohni, apwaliala ni unsek epwelpen roson mwahu, oh kaunopada me itar ong sukuhl oh kasukuhl ong doadoahk, tetehk itar en padok mwonge oh nahk mwonge iangahki kakeirada kehlail en madamadau. … Ma kitail pahn momour ni eripit oh kasohtik, kitail pahn perperla duwehtehte ma kitail mih Nin Limme.”1
President Spencer W. Kimball (1895–1985).
“Soangen koahiek dah me kitail anahne pwehn sewese kitail en uhtohr? … Ni tepidahn rahn akan en Mwomwohdiso, Brigham Young peki rehn lih akan en esehla doarehla soumwahu nan peneinei kan, kawada pesines kan en nan ihmw, oh esehla apwalih mwohni oh kolokol pwuhk en mwohni oh koahiek katapan teikan. Padahk pwukat pil dokeikitail rahn wet. Sukuhl doulahte wia mehkot me kesempwal mehlel. …
“I peidek rehn ekei pisop kan ma mehnia koahiek en uhtohr me lih akan nan arail ward keieu anahne, oh irail sapengki me re anahne esehla duwen apwalih mwohni. Lih akan anahne wehwehki lipwen pwainda mehkot ni pweipwand oh sohte momourki koasoandi en netinet. Keriaun koahiek me pisop kan kilelehdi iei duwen kuk. Pali laud en ansou, mwonge kan me kin kaunopda oh mwongehla nan ihmw kin pweitikitik, mwahu ong paliwar, oh kin sewese kakehlailih nanpwungen peneinei.”2
Julie B. Beck, president lap en Pwihn en Sawas en Lih.
Dehr Lelohng Pweipwand
“I men sawaskihda dake kesempwal limau ong ahniki saledek sang pweipwand. …
“Keieu, pwain ahmw meiroang en eisek kis ehu. …
“Keriau, netiki uwen mwohni me tikitiksang uwen pweinomw me ke kin alehdi. …
“Kesiluh, esehla duwen nekidala mwohni. …
“Kapahieu, pwainla soahng kan me ke pwukoahki oh inouki. …
“Kelimau, padahkihieng noumw serihkan en idawehn ahmw karasaras.”3
Elder Joseph B. Wirthlin (1917–2008) en Pwihn en Wahnpoaron Ehk-riemen.
“Ni ansou me kitail kin pweipwandla, kitail kin meirongkihla ekis en atail saledek en pilipil me inenen kesempwal oh sohte kak pweipweida oh kin kihieng pein kitail en wiahla lidu. Kitail kin uhd doadoahngki atail ansou, kehlail, oh mwohni ong pwainla me kitail kin pweipwandki—mahkete elen pai pwukat pahn kak en doadoahk pwehn sewese pein kitail, atail peneinei kan, oh mehteikan. …
“Pwehn pwainla atail pweipwand kan oh dehr lohdieng nan pweipwand mwuhr kitail anahne kaiahne pwoson Sounkomouro—kaidehnte en wiahda me mwahusang ahpw en wiahla me mwahusang. Mie anahnepen pwoson laud pwehn kak ndahla lokaia mengei pwukat, ‘Kitail sohte kak pwainda.’ Mie anahnepen pwoson en koapwoaroapwoariki me mour pahn ahpwete mwahula ni atail pahn tohnmeteiki atail ineng kan pwehn apwaliala pein atail oh ahn mehteikan anahn akan.”4
Elder Robert D. Hales en Pwihn en Wahnpoaron Ehk-riemen.
© 2010 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/09. Kamanaman ong kawehwe: 6/09. Kawehwehpen Visiting Teaching Message, February 2010. Pohnpeian. 09362 885
Sawas Akan ong Sounpadahk Kan en Pas
Tuhkihieng iengomw me kin iang uhk pas duwen iren mahsen wet eh kak doke irair kan me emenemen lih akan mih loale. Soangen koahiek en uhtohr dah me ke kak ehukihieng lih me ke pahn pas reh?
Kaunop Pein Kowe
Ong mehn kapehse kapatapat, tehk All Is Safely Gathered In: Family Finances (dipwisou nempe 04007).