Iren Mahsen en Padahk en Pas, Epreil 2010
Raparapahki oh Aliale Kaudiahl ong Pein Komwi
Padahngki iren pwuhk sarawi oh iren mahsen pwukat de, ma mie anahnepe, ehu padahk tohrohr me pahn kapaiada lih akan me ke kin pwarek. Kihda ahmw kadehde en padahko. Luke irail akan me ke kin pwarek en ehukihda dah me re pehmada oh esehla.
Ia Duwen Ahi Kak Rapahki Kaudiahl Ong Pein Ngehi?
“Kitail kin kaunop en alehdi kaudiahl ong pein kitail duwehte me soukohp akan kin wia, sang ni onopiki pwuhk sarawi kan, kaisihsol, kapakap, oh kalaude pwoson. Pwoson iei me kesempwal. Taman ahn Joseph kaunop ong Kasansal Keieuo:
“‘Ma mie rehmwail me sohte ahniki eripit, mweidehng en peki rehn Koht. …
“‘Ahpw mweidehng en peki ni pwoson, sohte peikasal.’”1
Elder Robert D. Hales en Pwihn en Wahnpoaron Ehk-riemen.
“Kapakap iei pein noumw kih ong nanleng. Wasahn ritingada de wasa me katengtengdi mih ni ahmw pali en kahdeng me kin irepeseng sampah oh nanleng.
“Ahpw kaidehn ihte met. Ong mehmen me medewe me kaudiahl pahn peido ni sohte koadoahkpe, Kauno mahsanih:
“Ke sohte wehwehki; ke medewe me I pahn kihwei, ni omw sohte medewe en pekihte rehi.
“‘Ahpw, kilang, pwe I ndahieng uhk, me ke anahne onopiki mahs nan pein ahmw madamadau; eri ke anahne peki rehi ma e pwung, oh ma e pahn pwung I pahn kahrehieng nan mwarmwaromwen en wie karakar pahn edimwen; eri, ke pahn kehn me e pwung.’”2
President Boyd K. Packer, President en Pwihn en Wahnpoaron Ehk-riemen.
Ia Duwen Ahi Kak Alehdi Kaudiahl Ong Pein Ngehi?
“Ni wiepe me kitail kin kalapw kilang, kaudiahl de kamarain kin kohdo ni wiepe me nda lepin mahsen de madamadau kan me kin kohdohng nan moangen emen (tehk Enos 1:10; D&C 8:2–3), sang kamarain me kin wiakintehieu peido (tehk D&C 6:14–15), sang pepehm mwahu de suwed me pid pilahn en mwekid, de pil sang pwurokiram kamarain kan, me rasehng pwurokiram kan en aramas koul, kamwomwada de kahlek. Ni duwen me President Boyd K. Packer, … President en Pwihn en Wahnpoaron Ehk-riemen, mahsanihier, ‘Kamarain kin kalapw kohdo ni duwen pepehm ehu oh kaidehn nohn ni duwen ngihl ehu.’”3
Elder Dallin H. Oaks en Pwihn en Wahnpoaron Ehk-riemen.
“Tehnpas sarawi wia imwen kasukuhl. Pali laud en kasukuhl me kin kohda nan tehnpas sarawi kin kohda ni duwen kilel kan oh kasukuhl kin kohda sang rehn Ngehno. Met wehwehki kitail kin padahk sang powe. … Atail wehwehki duwen tiahk sarawi kan oh inou sarawi kan pahn laudila ni atail pahn kin kalapw pwurala ni tehnpas sarawi ni ahniki madamadau en onopiki oh medemedewe mehlel poatoapoat kan me kin padahk. … Kitail en pereniki kehl en pali ngehn oh kaudiahl me kitail kin alehdi ni atail kin kalapw towe kasukuhl en nan tehnpas sarawi.”4
Silvia H. Allred, sounsawas keieu nan presidensi lap en Pwihn en Sawas en Lih.
© 2010 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/09. Kamanaman ong kawehwe: 6/09. Kawehwehpen Visiting Teaching Message, April 2010. Pohnpeian. 09364 885
Sawas kan ong Padahk en Pas
Ni omw wia sounpadahk en pas, ke kak alehdi pepehm kamarain kan sang Ngehno ong me pid anahn akan en riomw lih akan oh duwen apwaliala anahn pwuko. Ni omw pahn padahngki padahk wet, ehukihda, ni duwen me konehng, sohte lipilipil kamarain de sawas me ke alehdi me pid padahk en pas.
Kaunop Pein Kowe