Kev Zoo Nkauj Tseeb Yog Dab Tsi Tiag?

Hauv zaj lus no, Thawj Tswj Hwm Monson hais tias, “Hauv peb lub ntiaj teb no, feem ntau luag saib txoj kev ua ncaj ncees qis dua qhov uas ib tug neeg zoo nkauj zoo nraug los yog txawj hais lus zoo heev.” Tej zaum cov ntxhais hluas yuav nyuaj siab me ntsis txog lawv sab cev nqaij daim tawv thiab saib lawv yog leej twg thiab lawv yuav rais los mus ua li cas yav tom ntej. Cia li xav txog cov lus hais txog kev zoo nkauj tseeb tseeb no los ntawm Txwj Laug Lynn G. Robbins ntawm Pawg Xya Caum:

• Ib tug ntxhais hluas uas nws lub ntsej muag ci ntsa iab vim yog kev zoo siab thiab kev coj dawb huv ua rau nws qhov kev zoo nkauj ci hauv nruab siab tawm tuaj.

• Thaum ib tug neeg dawb huv luag nyav yog ib qho zoo nkauj tiag tiag vim yog ua li ntawd ci tawm yam zoo kawg nkaus li. Qhov kev zoo nkauj no tsis yog ib yam uas tha tau ib yam li tha xim tiam sis yog tus Ntsuj Plig ib qho txiaj ntsim. Qhov kev zoo nkauj no tsis yog ib yam uas tha tau ib yam li tha xim tiam sis yog tus Ntsuj Plig ib qho txiaj ntsim.

• Qhov uas hnav ris tsho npog lub cev zoo yog ib lub cim thiab ib yam uas tsim nyog ua kom tau qhov uas kev zoo nkauj ci sab haud lub cev tawm tuaj.

• Yog tias koj poob siab vim yog koj lub cev nqaij daim tawv, yuav pab koj yog tias koj saib koj tus kheej ib yam li cov neeg uas hlub koj saib koj. Qhov kev zoo nkauj uas tsuas yog cov neeg uas hlub koj xwb thiaj pom tau rais tau los mus ua ib daim iav uas yuav pab koj kho koj lub neej kom zoo dua.

• Hom txiv neej uas ib tug poj niam dawb huv xav yuav kuj tsis “saib ntsej saib muag” li tib neeg saib (saib 1 Xamuyees 16:7). Tus ntawd yuav saib qhov kev zoo nkauj tseeb uas ci tawm ntawm tus poj niam lub siab dawb huv thiab zoo rau nqi. Thiab ib yam nkaus li rau tus ntxhais hluas uas nrhiav kom tau ib tug tub hluas dawb huv.

• Peb Leej Txiv Saum Ntuj Ceeb Tsheej xav kom tag nrho Nws cov me nyuam xaiv qhov yog, es ua li ntawd xwb thiaj yog txoj kev ncav kom tau kev zoo siab thiab qhov kev zoo nkauj sab hauv tuaj mus li.

• Hais txog tus Tswv, ces tsis muaj kev sib xeem li. Txhua leej txhia tus muaj vaj huam sib luag thiab muaj Vajtswv tus meej yim yees rau saum lawv tej ntsej muag (saib Amas 5:19). Tsis muaj qhov kev zoo nkauj zoo dua qhov no.

Kom nyeem tau tag nrho zaj lus no, saib Lynn G. Robbins, “True Beauty,” New Era, Kaum Ib Hlis Ntuj 2008, 30. Cov tub hluas nrhiav tau tej tswv yim zoo li hauv Errol S. Phippen zaj lus hu ua “Ugly Duckling or Majestic Swan? It’s Up to You,” Liahona, Kaum Hli Ntuj 2009, 36.