Iren Mahsen en Padahk en Pas, Tihsempe 2010

Atail Pwukoa en Towehda Doadoahk en Tehnpas Sarawi oh Poadoapoad en Peneinei

Julie B. Beck, president lap en Pwihn en Sawas en Lih.

Onopiki iren mahsen wet oh, duwen me konehng, koasoaiahkihieng lih akan me komw kin pwarek. Doadoahngki peidek kan pwehn sewesei komwi kakehlailih riomw lih akan oh pwehn wiahda Pwihn en Sawas en Lih en wiahla pali kesempwal en pein ahmw mour.

Nan erein ansou kohkohdo aramas tohto melahr ni arail sohte ese duwen rongamwahuo. Ekei irail iei amwail peneinei me keren oh doh. Irail awiawih kumwail en wia dahme anahn pwehn wia ropirop pwehn kihpene amwail peneinei kan oh wia weliaparail nan tiahk sarawi komour kan.

Pali laud en tehnpas sarawi kan en sampah sohte itar doadoahkpe. Kauno ketin inouki me mohngiongumwail kan pahn sohpeilahng pahpa kan pwe sampah en dehr kamwomwala douluhl ni Eh pahn ketin sapahldo (tehk D&C 2:2–3).

Mie kapai kan ong pein emenemen me komw pahn alehdi sang ni towehda doadoahk en tehnpas sarawi oh poadoapoad en peneinei. Ehu mepwukat iei peren me komw pahn kehn ni omw pahn papah ahmw peneinei me tiengehr mwowe. Pil ehu iei me komw pahn warohng kisin likoun mweimwei ong nan tehnpas sarawi, me wia kilel mwohn Kauno en omw warohng. Irail akan me rahn wet sohte warohng ansou mwahu en kolokol kisin likoun mweimwei konehng en ehuong arail pisop de president en prans pwehn warohng ni uwen mwadang me kak. Menlau kedehr sohte ahniki mweimwei kesempwal wet. I kadehde me Tomwo mehlel oh me dihp kan kak en mahkla sang ni koluhla ni pwung.

Ni atail pahn towehda doadoahk en tehnpas sarawi oh poadoapoad en peneinei, kitail uhdahn pahn ahniki Ngehno en kaloalamwahuih kitail nan atail kahpwal akan oh en kaweid kitail nan pilipil kesempwal kan. Doadoahk en tehnpas sarawi oh poadoapoad en peneinei iei kisehn atail doadoahk en kihda sawas, de papah, ong pein atail peneinei me tiengehr mwowe.

Sang Atail Poadoapoad

“Soukohp Joseph Smith mahsanih, ‘Atail pwukoa keieu kesempwal nan sampah me Koht ketikihieng kitail iei en tehkada atail peneinei kan me melahr’ (History of the Church, 6:313). Sangete ni tapio, lih akan en Pwihn en Sawas en Lih kin utung doadoahk lap wet. Nan Nauvoo nan 1842, ahn Sarah M. Kimball ah inengieng sewese tohndoadoahk kan en tehnpas sarawi kahrehieng pwihn en lih ehu en koasoanehdi pein irail pwe irail en ahpwete kak papah mwahu. Ni arail tepida tuhpene, Soukohpo … koasoanehdi tepin Pwihn en Sawas en Lih mwurin koasoandi en priesthood. Sangete ansouo kohdo, lih akan en Pwihn en Sawas en Lih kin sawas kadokehla doadoahk en Tehnpas Sarawi en Nauvoo. …

“Nan 1855, sounpar waluh mwurin Souleng kan ahr tepin lella Utah, ihmw en Endowment House kokouda. Eliza R. Snow, me wia emen tepin towe kan en keieun Pwihn en Sawas en Lih oh me nekidala rekohd kan en pwihn wo, malipilipda sang rehn President Brigham Young nan 1866 en wia president lap en Pwihn en Sawas en Lih. Ih oh lih teikan wia tohndoadoahk loaloapwoat en Endowment House. Eri, ni Tehnpas Sarawi Kan en St. George, Logan, oh Manti ahr wiawihda, lih akan seiloaklahng ehuehu tehnpas sarawi kan pwe ren wia doadoahk ong me melahr wasa ko.”¹

© 2010 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/09. Kamanaman ong kawehwe: 6/09. Kawehwehpen Visiting Teaching Message, December 2010. Pohnpeian. 09372 885

Dahme I Kak Wia?

Ia duwen ei kak sewese riei lih akan en rapahki arail peneinei me tiengehr mwowe oh kapwaiada tiahk sarawi kan en tehnpas sarawi ong irail? Medewe irair kan en emenemen lih ni omw pahn medemedewe duwen apwaliala ah anahn akan. Komw kak medewe me doadoahk en poadoapoad en peneinei kin kalapw kak kakehlailih towe kan me kapw, me pwurodo kapw, oh me sohte kalapw towe.
Ansou dah me doadoahk en tehnpas sarawi oh poadoapoad en peneinei kin kansenamwahuih ie nan ahi kahpwal kan de kaweid ie nan pilipil kesempwal kan?

Pwehn alehdi iren sawas kapatapat, kohla ni www.reliefsociety.lds.org.

Pwoson • Peneinei • Sawas