Plante Misinari long Laef blong Mi

Long fas Sandei we mi go long jos wetem ol misinari, mi bin luksave ol pipol mi bin groap wetem olgeta mo save olgeta long komiuniti. Mi bin luk wan bes fren blong mi we mi bin save hem long skul, ol sekretari blong praemeri mo hae skul, wan gel we mi no bin stap gud wetem hem long bifo, mo tu, wan yang man we mi bin stap laekem hem.

Wanwan long ol pipol ia oli bin mekem mi gat wan filing longtaem long mi. Gudfala fren blong mi hem i wan yang woman we i hem i gat bigfala fasin blong stap strong mo tru, mo from hem, mi bin jusum blong gohed blong faenemaot moa abaot Jos. Ol sekretari we oli bin save long mi long skul oli bin helpem mi blong save se hamas mi mi impoten. Mi lanem abaot lav olsem hemia blong God mo abaot jareti long yang woman we i haggem mi nomata long nogud fasin we mi bin stap mekem long hem long bifo. Yang man ia we mi bin stap laekem hem, i givim wan gud eksampol; mi luksave laet blong hem mo wantem blong stap raon long hem.

Ol eksperiens ia oli bin helpem mi blong lanem se, iven bifo ol misinari oli mitim mi blong fas taem, se Papa long Heven i bin mekem mi rere blong mi kasem gospel tru long ol pipol we Hem i putum olgeta raon long mi. Long olgeta, mi bin lanem se ol smol samting we yumi stap mekem i save gat bigfala paoa. Moa impoten, mi bin lanem se misinari wok i stat wetem mi.