Te mau misionare e rave rahi i roto i to’u oraraa

Te sabati matamua, ua haere au i te pureraa e te mau misionare, ua ite atu vau i te mau taata o matou te paariraa i roto i te oire. Ua ite atu vau hoê o to’u mau hoa maitai roa no te fare haapiiraa, te mau papa‘i parau o te fare haapiiraa tua tahi e tua rua, te hoê tamahine o ta’u i ore i au maitai i te tau i ma‘iri, e oia’toa te hoê taure‘are‘a o ta’u i here.

Ua riro teie mau taata tata‘itahi ei hoê faaururaa e ti‘a i te vairaa i ni‘a ia’u. To’u hoa maitai roa‘e o te hoê ïa tamahine apî parau-ti‘a rahi, e no’na vau i ma‘iti ai e tamau noa i te haere i te pureraa. Ua tauturuhia vau e te mau papa‘i parau o te haamana‘o ra ia’u i te fare haapiiraa ia ite e mea faufaa vau. Ua haapii mai au no ni‘a i te here hanahana e te aroha o te tamahine apî o tei apa mai ia’u noa’tu to’u huru au ore ia’na i te tau i ma‘iri. Ua riro te taure‘are‘a ta’u i here matamua ei hoê hi‘oraa maitai, ua ite au i to’na maramarama ua hinaaro vau e faaea i piha‘iho ia’na.

Ua tauturu teie mau iteraa rau ia’u ia haapii mai e, noa’tu to’u mau farereiraa na mua‘e i te mau misionare, ua faaineine te Metua i te Ao ra ia’u ia farii i te evanelia na roto i te mau taata Ta’na i tuu faaati ia’u. Ua haapii mai au mai roto mai ia ratou e, na roto i te mau mea ha‘iha‘i ta tatou e rave, e nehenehe te reira e faatupu i te mau mea rarahi. Te mea faufaa roa, ua haapii mai au e, e haamata te ohipa misionare na ni‘a ia’u.