Tausia o e Matitiva

Ata

Elder D. Todd Christofferson

“I le talafaasolopito atoa, ua fuaina e le Alii ia faapotopotoga ma tagata taitoatasi i le lelei sa latou tausia ai tagata matitiva. Na fetalai o Ia:

“‘Aua o loo tumu le lalolagi, ua lava foi ma totoe mea o i ai; ioe, na ou saunia mea uma, ma ua tuuina atu i le fanau a tagata latou te fai ma o latou lava taitai.

“‘O lea, afai e tago soo se tagata i mea e tele ua ou faia a e le tuuina atu lona vaega, i e matitiva ma e le tagolima, e tusa ma le tulafono o la’u talalelei, o le a ia sii ae ona mata faatasi ma e amioleaga i seoli, o loo puapuagatia’ (MFF 104:17–18; tagai foi i le MFF 56:16–17).

“Ma lea foi, ua Ia folafola mai, ‘Ia tutusa outou ia outou mea tau le tino, e aunoa ma le faaloloto, a le faia faapea o le a taofia le tele o faaaliga a le Agaga’ (MFF 70:14; tagai foi i le MFF 49:20; 78:5–7).

“Tatou te pulea le faaaluina o a tatou tupe ma punaoa, ae tatou te tali atu i le Atua mo lenei tiute o le tausimea i mea o le olaga nei. E matagofie naua le molimauina o lo outou agalelei a o outou foai atu i taulaga anapogi ma galuega fesoasoani alofa. Mai le tele o tausaga, o le puapuagatia o le fia miliona o tagata ua fāi ifo, ma e anoanoai isi tagata ua mafai ona fesoasoani ia i latou lava e ala i le agalelei o le Au Paia. E ui lava i lea, a o tatou tulitulimatagauina le faamoemoe o Siona, e tatau ia i tatou taitoatasi ona manatunatu ma le agaga tatalo po o tatou faia mea e tatau ona tatou faia ma mea uma ua faamoemoe le Alii e tatau ona tatou faia mo e matitiva ma e le tagolima.”

Elder D. Todd Christofferson o le Korama a Aposetolo e Toasefululua, “O Mai i Siona,” Liahona, Nov. 2008, 39.