Faamalosia e se Viiga

Na ou filifili ou te tauva i se malafoni ma ni uo matou te galulue faatasi i Western Cape, Aferika i Saute. Sa ou matua koleni ma galue malosi e tapenapena mo le tuuga.

I le aso o le tuuga, sa ou ala ae i luga, faitau au tusitusiga paia, ma tatalo. Sa ou popole, ae na ou lagona foi le manaomia ona ou faatuatua i le Alii. Na ou iloa afai ou te [faatuatua], o le a Ia tausia ma lagolago mai.

Sa manaomia lo matou savavali pe tamomoe i le 40 kilomita (25 maila). Na matou amata i le 8:00 i le taeao. Na malu le tau ma na i ai ni nai timuga laiti, o lea na ou fiafia ai i le savaliga ma na sologa lelei mea uma i le amataga. Peitai, pe toe 10 kilomita mai le laina faaiu ua oo i ai, na amata ai ona matua faigata lava le tuuga mo au. Na se’i le maso o le tasi vae, ma ua i ai nai tamai fulafula i o’u vae. Sa ou le fia i ai. Ona amata lea ona ou usuina se viiga:

Na saputu mai pea lava pea upu o le viiga i lo’u mafaufau ma sii a’e ai i luga ou vae, ma ou faaiuina ai le tuuga i le malosi o le viiga a le Alii.

Na aoaoina au i lenei aafiaga, o le talalelei a Iesu Keriso e faatatau lea i le tumau e oo i le iuga. E pei o le savavali po o le tamomoe i se tuuga. Tatou te le lavava i nisi taimi, malolo, ma toe savavali. E le tuulafoaia lava i tatou e le Tama Faalelagi e tusa lava pe faafia ona tatou pauu; o le mea e taulia ia te Ia o le faafia lea ona tatou tutu i luga ma toe savavali. O Lana talalelei e faatatau lea i le faamaeaina o le tuuga.