Гэртээ аз жаргалтай байдаг
Бунта, Неат нар Камбожийн Сием Реапэд амьдардаг ах, дүү хоёр юм.
Бунта найман нас хүрээд баптисм хүртэхээр шийдсэн гэнэ. Неат найм хүрээд баптисм хүртэх болно. “Би Ариун Сүнс хүлээн авахыг хүсдэг” гэж тэр охин хэллээ.
Бусдад үйлчлэх нь Бунта, Неат хоёрт туйлын чухал. Бунта том болоод номлогч болохыг хүсдэг гэнэ. Неат “эмээ номлогч” буюу ахмад номлогч болохыг тэсэн ядан хүлээдэг ажээ.
Тэдний хотын эртний барилгуудыг үзэхээр дэлхийн өнцөг булан бүрээс хүмүүс ирдэг. Гэвч Бунта, Неат хоёр гэртээ байж, гэрийнхэнтэйгээ хамт цагийг өнгөрүүлэхдээ хамгийн аз жаргалтай байдаг.
Бунта, Неат хоёр гадаа сууж, судар судлах, гэрийн даалгавраа хийж, Лиахона сэтгүүлийг уншдаг тусгай суралцах газартай гэнэ. Бунта, Неат хоёр судар унших дуртай бөгөөд өдөр бүр уншихыг хичээдэг. Неат Лихайн зүүдний тухай унших дуртай, харин Бунта Нифайн тухай унших дуртай гэнэ.
Неат шилэн бөмбөлгөөр тоглох дуртай, харин Бунта олдсон ямар ч бөмбөгөөр хамаагүй хөл бөмбөг тоглох дуртай аж.
Бунта, Неат хоёр олон цагийг хамт өнгөрүүлдэг. Тэр хоёр бие биетэйгээ болон гэрийнхэнтэйгээ эелдэг сайхан харьцахыг хичээдэг.
Гэрэл зургуудыг Чад Э.Фарез