Doktrina e Besëlidhje 76:22–24

Përpara kësaj zbulese janë dhënë shumë dëshmi për Krishtin e ringjallur. Ja disa shembuj:

• Maria Magdalena (shih Gjoni 20:11–18)

• Apostujt e kohës së Jezusit (shih Mateu 28:9–20; Marku 16:14–20; Lluka 24:36–53; Gjoni 20:19–29; 21)

• Dy dishepujt në rrugën për në Emaus (shih Lluka 24:13–35)

• Stefani (shih Veprat e Apostujve 7:55–56)

• Pali (shih Veprat e Apostujve 9:1–6)

• Nefitët (shih 3 Nefi 11–28)

• Moroni (shih Ethëri 12:39)

• Jozef Smithi (shih Joseph Smith – Historia 1:16–20)

Pamja

President Thomas S. Monson

“Unë i kam lexuar – dhe unë i besoj – dëshmitë e atyre që përjetuan pikëllimin e kryqëzimit të Krishtit dhe gëzimin e Ringjalljes së Tij. Unë i kam lexuar – dhe unë i besoj – dëshmitë e atyre në Botën e Re, të cilët u vizituan nga i njëjti Zot i ringjallur.

Unë e besoj dëshminë e atij, që në këtë periudhë ungjillore foli me Atin dhe Birin në një korije që tani quhet e shenjtë dhe që dha jetën e tij, duke e vulosur atë dëshmi me gjakun e tij.”

Pamja

Elder Neal A. Maxwell

“Nën drejtimin e Atit, Krishti ishte Zoti i gjithësisë, i cili krijoi botë të panumërta – nga të cilat e jona është veç njëra (shih Efesianëve 3:9; Hebrejve 1:2).

Sa planetë që kanë njerëz gjenden në gjithësi? Ne nuk e dimë, por të vetëm nuk jemi në gjithësi! Perëndia nuk është Perëndi i vetëm një planeti!”

Pamja

President Dieter F. Uchtdorf

“Ju nuk jeni qenie të zakonshme, fort të dashur miq të mi të rinj rreth botës mbarë. Ju jeni të lavdishëm e të përjetshëm. …

Lutja dhe bekimi im është që, kur ju të shikoni pamjen tuaj të pasqyruar, të jeni të aftë të shihni përtej papërsosurive e vetëdyshimeve dhe të kuptoni se cilët jeni me të vërtetë: bij e bija të lavdishëm të Perëndisë të Plotfuqishëm.