Elder Kazuhiko Yamashita

Mai te taime a riro mai ai oia ei episekopo apî i Fukuoka, Fenua Tapone, e rave rahi mau matahiti i ma‘iri a‘enei, ua haapii mai o Elder Kazuhiko Yamashita na roto i te mau hi‘oraa e te mau huru maitai o to’na mau taata faatere paari.

I muri noa iho i to Elder Yamashita faaipoiporaa i ta’na vahine faaipoipo, Tazuko Tashiro, ua faarue raua i te oire no Tokyo no te haere atu i oire no Fukukoka, i reira to Elder Yamashita piiraahia ei episekopo i te hope‘araa o to’na mau matahiti 20.

Ua parau Elder Yamashita, « E mea fifi roa no’u e to’u utuafare ». « E toru ta maua mau tamarii apî i taua taime ra e e mea apî matou i taua vahi ra ua riro râ te reira ei haapiiraa maitai no’u e ua puai atu to’u iteraa papû e to’u faaroo ».

Ua parau te tuahine Yamashita e ua ite oia i ta’na tane faaipoipo i te fariiraa e rave rahi mau piiraa e te riroraa ei metua tane faahiahia e e hoê faatere varua faahiahia na roto i te mau tamataraa i itehia i roto i taua mau piiraa ra. Ua ite oia ia’na na roto i te mau matahiti i muri mai i te tauiraa e te riroraa ei metua tane e e tane faaipoipo maitai a‘e e te here rahi. Te oaoa nei te utuafare i te faaea amui, mai te tere atea raa ni‘a i te purumu i te mau matahiti atoa.

Ua fanauhia o Elder Yamashita i te ava‘e Setepa 1953, e e tamaiti oia na Kiyohi e Sadae Yamashita. Ua paari oia i Tokyo, Fenua Tapone, i reira to’na iteraa i te Ekalesia i te matahiti 1971 na roto i te Expo 70, te Faaiteiteraa Tauhaa a te Ao.

Ua farii o Elder Yamashita i te parau tu‘ite i te pae no te haapiiraa i te Fare Haapiiraa Teitei no Saitama e te hoê parau tu‘ite i roto i te ohipa tu‘aro i te Fare Haapiiraa Teitei no Tsukuba. Ua haapii atoa oia i te haapiiraa no te pae faaetaetaraa tino i te Fare Haapiiraa Teitei no Brigham Young. E orometua haapii o Elder Yamashita i roto i te mau fare haapiiraa teitei e rave rahi e ua tavini oia i roto i te mau taatiraa aivanaa, huiraatira e tu‘aro.

Ua faaipoipohia Elder Yamashita e ta’na vahine i te 29 no Mati 1980 e ua taatihia i te ava‘e Ditema 1980 i muri a‘e i te otiraa o te Hiero no Tokyo Fenua Tapone. E ono ta raua mau tamarii.

Hou to’na piiraahia i roto i te Pŭpŭ Matamua no te Hitu Ahuru, ua tavini o Elder Yamashita ei episekopo, melo no te apooraa teitei, peresideni misioni tĭtĭ, peresideni tĭtĭ, e Hitu Ahuru Area.