Tijing blong Taem blong Yumi
Ol lesen blong Melkesedek Prishud mo Rilif Sosaeti long nambafo Sandei, bae oli lukluk nomo long “Tijing blong Taem blong Yumi.” Oli save rere long wanwan lesen aot long wan, o moa long wan toktok we oli givim long las jeneral konfrens (luk jat we i stap daon ia). Ol stek mo distrik presiden oli save jusum wijwan toktok blong yusum, o oli save givim responsabiliti ia long ol bisop mo ol branj presiden. Ol lida oli mas poenemaot gud hamas i impoten blong ol brata blong Melkesedek Prishud mo ol sista blong Rilif Sosaeti blong oli mas stadi long ol semfala toktok, long ol semfala Sandei.
Oli stap leftemap tingting blong olgeta we oli stap kam long nambafo Sandei lesen blong stadi mo blong tekem i kam long klas, las magasin blong jeneral konfrens.
Sam Tingting blong Stap Rere long Wan Lesen Aot long Wan long Ol Toktok Ia
Prea se bae Tabu Spirit i stap wetem yu taem yu stap stadi mo stap tijim toktok ia, o ol toktok ia. Bae yu save gat temtesen blong rere long lesen mo yusum ol narafala tul o buk, be ol toktok blong konfrens nao oli ol buk o kurikulum we oli apruvum. Wok blong yu i blong helpem ol narafala blong oli lanem mo laef folem gospel olsem we oli tijim long las jeneral konfrens blong Jos.
Luklukbak long ol toktok; lukaotem ol prinsipol mo doktrin we oli stret wetem ol nid blong ol memba blong klas. Mo tu, lukaotem ol stori, ol skripja refrens, mo ol toktok we oli kamaot long ol toktok ia, we bae oli helpem yu blong tijim ol trutok ia.
Mekem wan aotlaen long olsem wanem nao bae yu tijim ol prinsipol mo ol doktrin. Aotlaen blong yu, i mas gat insaed ol kwestin we bae i helpem ol memba blong klas:
-
Lukaotem ol prinsipol mo doktrin insaed long ol toktok.
-
Tingbaot mining blong olgeta.
-
Serem wanem yufala i andastanem, ol aedia, ol eksperiens, mo ol testemoni.
-
Yusum ol prinsipol mo doktrin ia long laef blong olgeta.
|
Ol Manis we Oli Tijim Ol Lesen |
Ol Tul blong Lesen blong Nambafo Sandei |
|---|---|
|
Novemba 2011–Epril 2012 |
Liahona* , o long Konfrens Ripot, Oktoba 2011 |
|
Mei 2012–Oktoba 2012 |
Liahona* , o long Konfrens Ripot Epril 2012 |