Fesootai Tutusa: Salamo

E tele ina aoao mai e failauga o le konafesi ni mataupu faavae lava e tasi. O saunoaga nei a ni failauga se toafa e uiga i le salamo. Taumafai e saili isi mataupu faavae tutusa a o e suesueina lauga o le konafesi.

• “Afai o i ai se tasi o outou o loo i ai ni agasala i o outou olaga, ou te manao ia outou malamalama e aunoa ma se fesili po o se isi lava mea, o loo i ai se ala e toe foi atu ai. O le faagasologa ua ta’ua o le salamo.”¹—Peresitene Thomas S. Monson

• “Atonu tou te manatu i ni taimi o o outou puapuaga ua le aoga ona laveai outou ona ua outou faia ni mea sese, ogaoga pe faatauvaa, ma ua outou manatu ua outou leiloloa nei. Ele moni lava lena mea! Ua na o le salamo lava e mafai ona faamaloloina ai mea ua tiga.”²—Peresitene Boyd K. Packer, Peresitene o le Korama a Aposetolo e Toasefululua

• “Pe o ai lava oe ma pe o le a se mea na e faia, e mafai ona faamagaloina oe. … O le vavega o le faamagaloga; o le vavega o le Togiola a le Alii o Iesu Keriso.”³—Elder Jeffrey R. Holland o le Korama a Aposetolo e Toasefululua

• “Ua na o le salamo lava tatou te maua ai le avanoa i le alofa tunoa togiola o Iesu Keriso ma le faaolataga. O le salamo o se meaalofa paia, ma e tatau ona tatou fiafia pe a tatou talanoaina le salamo.”⁴—Elder D. Todd Christofferson o le Korama a Aposetolo e Toasefululua